Juan 11:51 - Inkeanon

⁵¹ Ro ginhambae ngato ni Caifas hay bukon eang it halin sa anang paino-ino kundi, bilang pinakapinuno nga saserdote ku rato nga dag-on, imaw ro gin-gamit it Dyos agod ipahayag nga sa indi magbuhay hay mangin sakripisyo si Jesus para sa anang mga isigkapareho nga Judio.

Juan 11:51 Iomraidhean Croise

Mateo 20:28

Makaruyon man ako nga Unga it Tawo. Owa ako nag-adto iya sa kalibutan agod nga serbihan kundi nga magserbi, ag magsakripisyo ku akong kabuhi agod tubson sa pina ku andang mga saea ro abo nga mga tawo.”

Juan 10:15

Ro among pagkililaea hay pareho ku pagkililaea namon ku akong Ama. Ag haom man ako nga magsakripisyo ku akong kabuhi para sa akong mga karnero.

Juan 11:49

Pero ro isaea kanda nga si Caifas nga pinakapinuno nga saserdote ku ruyon nga dag-on hay naghambae kanda, “Ay, mga owa gid-a kamo gagamit ku inyong ueo.

Juan 18:13

ag gindaea anay kay Anas. Imaw ro panugangan ni Caifas nga pinakapinuno nga saserdote ku rato nga dag-on.

1 Corinto 13:2

Ag bisan siguro gintaw-an ako it abilidad nga magsugid ku mga ginapahayag kakon it Dyos nga gusto nanang ipaabot sa kadagayaan, ag bisan siguro sayod ko ro tanan nga mga kamatuuran nga owa ginpasayod it Dyos sa iba ag ro tanan nga puyding masayran it tawo parti sa Dyos, pero owa man lang ako it gugma sa iba hay owa man gihapon ako it pueos. Ag bisan siguro may akon nga malig-on nga pagtuo nga masugo ko ro bukid nga magsaylo sa ibang lugar, owa man gihapon ako it pueos kon owa ako it gugma sa iba.

2 Corinto 5:21

Bisan owa gid it saea si Kristo, ginbilang imaw it Dyos nga imaw 't-a ro nag-obra it atong mga saea. Ag ginpinahan imaw it kamatayon dahil karon agod bilangon kita it Dyos nga matarong sa anang panueok.

Mga TagaGalacia 3:13

Gintubos kita ni Kristo sa pina ku aton nga pageapas sa Kasuguan, tungod imaw ro ginpinahan imbis nga kita. Natabo kana ro nasueat sa Sagrado nga Kasueatan nga, “Ro tanan nga pinatay ag einansang sa kahoy hay ginpinahan it Dyos.”

1 Pedro 2:24

Imaw mismo ro nagpanabat sa atong mga kasae-anan tag namatay imaw sa krus. Ginhimo ron nana agod mamatay ro atong kaila sa pagpakasaea ag magakabuhi kita it matarong. Paagi sa anang haagyan nga grabing kasakitan, kamo hay ginmayad.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.

1 Juan 2:2

Ag paagi sa kamatayon ni Jesu-Kristo hay ginpatawad eon kita sa atong mga saea. Namatay imaw bukon eang it dahil sa atong mga saea kundi dahil man sa saea it tanan nga mga tawo.