Juan 11:48 - Inkeanon

⁴⁸ Kon pabay-an eang naton ra imaw nga magminakaraya, ro tanan nga tawo hay magatuo't-a kana, ag isipon it mga Romano nga nagarebelde kita kanda, ag paadtunan nanda kita it mga soldado ag waskon ro atong Templo, ag dueaon ro atong kahilwayan nga magdumaea ku atong rasa.”

Juan 11:48 Iomraidhean Croise

Mateo 22:7

“Ngani naakig gid it duro ro hari pagkabati nana ku natabo. Pinapanaw dayon nana ro anang mga soldado agod pamatyon ro mga nagpamatay ngato ku anang mga sueuguon ag sunugon ro andang syudad.

Mateo 22:9

Ngani panaw kamo sa mga lugar sa syudad nga abong tawo ag kangayon ro tanan nga inyong hikita idto.’

Mateo 24:15

Naghambae pa gid si Jesus, “Sa ulihi hay matuman ro ginsueat kato ni Propeta Daniel nga may ‘bagay nga makangingil-ad’ nga nagatindog sa sagrado nga Templo, (sa manogbasa, eubta ro kahueugan kara).

Mateo 27:25

Nagsinggit ro mga tawo, “Kami ag ro among mga inapo ro manabat ku anang kamatayon!”

Lucas 11:52

“Makaeueuoy kamo nga mga maestro it Kasuguan ay makangingidlis ro matabo kinyo sa ulihi! Inyo nga gintago sa mga tawo ro matuod nga paagi kon paalin nanda makilaea ro Dyos. Pareho kamo it tawo nga gintago nana ro yabi sa pwertahan it baeay agod indi makasueod ro iba. Kamo mismo hay owa naila magpati sa mensahi it Dyos ag ro iba nga naila kunta magpati hay inyong ginabaeabagan.”

Lucas 8:12

Ro natabo sa binhi nga tumugpa sa daean hay kahalimbawa ku mga nagpamati sa mensahi it Dyos pero nag-abot dayon si Satanas ag ginbuoe sa andang isip ratong mensahi agod indi sanda magtuo ag maeuwas.

Juan 1:7

agod magpamatuod parti sa ginatawag nga Ro Iwag, agod paagi sa anang pagpamatuod hay magatuo sa Iwag ngaron ro tanan nga tawo.

Mga Binuhatan 5:28

Hambae nana, “Ginpaandaman gid-a namon kamo nga indi eon magturo parti sa tawo ngato, pero ano ro inyong gin-obra? Inyo pa gid ngani nga ginpaeapnaag sa bilog nga Jerusalem ro inyong ginaturo. Ag ro sambilog pa hay kami ro inyong ginapapanabat ku kamatayon ku tawo ngato!”