Juan 11:47 - Inkeanon

⁴⁷ Ngani ginpatawag ku mga Pariseo ag ku mga pinuno it mga saserdote ro tanan nandang kaibahan sa *Sanedrin. Hambae nanda, “Matsa owa 't-a it pueos ro atong ginaobra agod nga mapapundo ro haning tawo ngara, ay abo eo't-a nga mga milagrosong pamatuod ro anang ginahimo!

Juan 11:47 Iomraidhean Croise

Mateo 26:3

Ku rato man nga oras, ro mga pinuno it mga saserdote ag ro kaibahan nandang mga lider hay nagtililipon sa palasyo ni Caifas nga pinakapinuno nga saserdote.

Mateo 5:22

Pero ro akon 't-a nga ginahambae kinyo makaron hay kon sin-o ro naakig sa anang isigkapareho hay pagahusgaran ag pinahan. Ro nagahambae sa anang isigkatawo it ‘Kaumangon ka!’ hay manabat sa *Sanedrin. Ag ro gahambae sa anang isigkapareho nga ‘Gago ka!’ hay hiadto gid idto sa kaeayo sa impyerno.

Marcos 14:1

Daywang adlaw lang bago mag-abot ro Pagtililipon sa Pagdumdum ku *Pagtaliwan, ag ro Pagtililipon sa Pagdumdum ku Pagkaon it Tinapay nga Owa it Pangpaalsa. Nagainusoy ro mga pinuno it mga saserdote ag ro mga maestro it Kasuguan it paagi kon paalin nanda hidakop it patago si Jesus, agod hipapatay imaw.

Lucas 22:2

Ro mga pinuno it mga saserdote ag ro mga maestro it Kasuguan hay nagainusoy it ideya kon paalin nanda hipapatay si Jesus pero nahadlok man sanda ay basi magkagulo ro mga tawo.

Juan 11:57

Ro mga pinuno it mga saserdote ag ro mga Pariseo hay nagsugo sa mga tawo nga sugiran sanda kon may makasayod kon siin si Jesus, agod anda imaw nga ikapadakop.

Juan 12:19

Tapos, naghambae ro ibang mga Pariseo sa andang mga kaibahan, “Hay kita eon ninyo? Owa gid kamo it nahuman sa inyong tinanga-tanga. Haron, tanan eon ro mga tawo sa kalibutan hay nagasunod 't-a kana!”

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 6:2

Kaabo-abo nga tawo ro nagsinunod kana ay hakita abi nanda ro mga milagrosong pamatuod nga anang ginaobra sa pagpamayad it mga masakiton.

Juan 7:32

Habatian ku mga Pariseo ro ginahambae ngara ku mga tawo parti kay Jesus, ngani sanda ag ro mga pinuno it mga saserdote hay nagsugo it mga gwardya it Templo agod dakpon si Jesus.

Juan 7:45

Ro mga gwardya ngato nga ginsugo nga magdakop kay Jesus hay nagbalik sa mga nagsugo kanda nga mga pinuno it mga saserdote ag mga Pariseo. Pag-abot idto hay ginpangutana sanda ku mga nagsugo kanda, “Ham-an it owa't-a ninyo imaw pagdakpa?”

Mga Binuhatan 5:21

Ngani pagbanaag it adlaw hay nag-adto sanda sa *lagwirta it Templo ag nagturo it uman. Ku ulihi, pag-abot ku pinakapinuno nga saserdote ag ku anang mga kaibahan idto sa andang ginatipunan hay ginpatawag dayon nanda ro ibang mga manogdumaea it mga Judio nga myembro man it *Sanedrin. Anda dayon nga ginpasueang sa prisuhan ro mga apostoles agod imbistigaron.

Mga Binuhatan 5:24

Pagkabati kato ku pinuno it mga saserdote ag ku kapitan it mga gwardya it Templo hay naglitik ro andang ueo kon ano ro mangin resulta ku natabo ngara.