Juan 11:41 - Inkeanon

⁴¹ Ginpaligid dayon nanda ro sara nga bato. Tapos, nagtangda si Jesus sa eangit ag naghambae, “Ama, saeamat ay ginpamatian mo ako.

Juan 11:41 Iomraidhean Croise

Mateo 11:25

Tapos, nagpangamuyo si Jesus, “Ama, Ginuo ka ku tanan sa eangit ag sa kalibutan. Ginapasaeamatan ko ikaw tungod ro mga ginlipod mo sa mga may tinun-an nga nagaeaom nga mga maaeam sanda hay ginpahayag mo't-a sa mga mapainubuson ag naila magpaturo pareho it mga unga.

Mateo 11:26

Tama gid-a ring paagi ngaron, Ama, ay suno ron sa imong plano.”

Mateo 27:60

Ginbutang dayon rato ni Jose sa eueubngan nga anang bag-ong pasinsil sa dalipi nga anang ginpaobra para sa anang kaugalingon. Pagkatapos hay ana dayon nga ginpaligiran it mabahoe nga bato ro pwertahan kato agod sadhan ag pumanaw dayon imaw.

Marcos 15:46

Nagbakae si Jose it maeahaeon nga tela ag nag-adto imaw sa gineansangan kay Jesus. Gintae-tae nana sa krus ro eawas ni Jesus ag ginputos rato ku ratong tela. Ginbutang nana dayon rato sa sangka eueubngan nga ginsinsil sa dalipi. Pagkatapos hay ana dayon nga ginpaligiran it bato ro pwertahan it eueubngan agod sadhan rato.

Lucas 10:21

Ku rato man mismo nga oras, si Jesus hay ginpalipay it duro ku Espirito Santo ngani nagpangamuyo imaw, “Ama, ikaw nga Ginuo ku tanan sa eangit ag sa kalibutan, ginapasaeamatan ko ikaw tungod nga ginlipod nimo rondayang mga kamatuuran sa may mga tinun-an nga nagaeaom nga mga maaeam sanda, pero ginpahayag mo ra sa mga tawo nga mapainubuson ag naila magpaturo pareho it mga unga. Tama ring ginhimo ngaron, Ama. Ginhimo mo nga makaruyon ron dahil nakapalipay ron kimo.”

Lucas 18:13

“Pero ro *manogsukot it buhis ma't-a nga nagatindog idto sa maeayo-eayo hay indi ngani makatangda sa eangit sa kahuya ag ginabinayo ro anang dughan, tanda ku anang paghinuesoe. Hambae nana, ‘Makasasaea ako, Dyos ko. Kaeuuyi man ako!’ ”

Lucas 24:2

Pag-abot idto hay hakita nanda nga bukas eon ro eueubngan ay hapaligid eon ro bato nga ginsara sa pwertahan.

Juan 11:22

Pero bisan makaruyon ro natabo hay sayod ako nga itao kimo it Dyos bisan ano ro imong pangayuon kana.”

Juan 17:1

Pagkatapos ni Jesus it hambae kara hay nagtangda imaw sa eangit ag naghambae, “Ama, nag-abot eon ro oras. Paagi sa akong maagyan, pakitaan sa katawhan nga ako ro imong daeayawon nga Unga agod paagi man sa akong maagyan hay ikapakita ko man kanda nga ikaw ro akon nga daeayawon nga Ama.

Juan 20:1

Temprano pa ku adlaw nga Dominggo, madueom-dueom pa hay nag-adto si Maria Magdalena sa eueubngan. Pag-abot idto, hakita nana nga hapaligid eo't-a ro bato nga ginsara sa pwertahan it eueubngan.

Mga Binuhatan 7:55

Pero si Esteban nga ginagamhan ku Espirito Santo hay nagtangda sa eangit ag hakita nana ro makangawa-ngawa nga kasilaw it Dyos ag si Jesus nga nagatindog sa tuo it Dyos.

Mga TagaFilipos 4:6

Maskin ano ro matabo, indi gid kamo magpinalitik ku inyong ueo kundi sa kada kahimtangan, magpangamuyo kamo ag magpangayo sa Dyos ku inyong mga kinahangean, ag permi man kamong magpasaeamat kana.