Juan 11:40 - Inkeanon

⁴⁰ Nagsabat si Jesus, “Bukon abi nga ginhambae ko kimo nga kon gapati ka hay makita mo ro makangawa-ngawa nga gahom it Dyos?”

Juan 11:40 Iomraidhean Croise

Mateo 17:20

Nagsabat si Jesus, “Tungod kueang pa ro inyong pagtuo kakon. Pero matuod rang ginahambae kinyo nga kon may inyo nga pagtuo nga bisan mat busoe eang it mustasa it bahoe hay puydi ninyo nga suguon rayang bukid nga ‘Adto rikato’ ag maadto ron idto. Mahimo ninyo ro tanan.

Marcos 9:23

Nagsabat si Jesus, “Ham-an it gapangutana ka kon mahimo nakon? Owa gid it imposible kon nagatuo ka.”

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 11:4

Pagkasayod kara ni Jesus hay naghambae imaw, “Ro katapusan ku pagmasakit ngara ni Lazarus hay bukon it anang kamatayon kundi agod paagi sa anang kamatayon hay ikapakita ro makangawa-ngawa nga gahom it Dyos, ag ro makangawa-ngawa man nga gahom nakon nga Unga it Dyos.”

Juan 12:41

Ginsueat ra ni Propeta Isaias dahil ginpakita eon kana kon paalin padunggan si Jesus, ag si Jesus man ro ginapatungdan ku anang ginsueat ngato.

Juan 9:3

Nagsabat si Jesus, “Ro anang pagkabulag hay bukon it dahil nagkasaea imaw o ro anang mga ginikanan kundi agod ikapakita ro gahom it Dyos sa pagpamayad kana.

Mga TagaRoma 6:4

Ag tag ginbawtismuhan kita hay nagasimbolo ron nga namatay kita ag gineubong kaibahan nana. Gintaw-an man kita it bag-o nga kabuhi pareho ku pagbanhaw kay Kristo paagi sa indi matupungan nga gahom it Dyos Ama. Ngani dapat kita nga magkabuhi suno sa bag-o ngaron nga kabuhi nga gintao katon.

2 Corinto 3:18

Ginbuoe eon tag nagatabon anay sa atong paino-ino ag makita eon naton ro pagkadaeayawon it Ginuo. Ag makita man sa atong kabuhi ro anang pagkadaeayawon dahil ana nga padayon nga ginabag-o ro atong pagginawi ag nagadinugang ro atong pagkamakana ag maabot ro adlaw nga mangin makana eon gid kita. Ro nagahimo kara hay ro Ginuo, paagi sa Espirito Santo.

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.