Juan 11:4 - Inkeanon

⁴ Pagkasayod kara ni Jesus hay naghambae imaw, “Ro katapusan ku pagmasakit ngara ni Lazarus hay bukon it anang kamatayon kundi agod paagi sa anang kamatayon hay ikapakita ro makangawa-ngawa nga gahom it Dyos, ag ro makangawa-ngawa man nga gahom nakon nga Unga it Dyos.”

Juan 11:4 Iomraidhean Croise

Juan 10:38

Pero dahil nagaobra't-a ako ku mga bagay ngaron, maskin indi kamo magpati sa akong ginahambae, patihi lang ninyo ro mga makangawa-ngawa nakong ginaobra. Ag paagi karon hay masayran ninyo ag maeubtan nga ako ag ro akong Ama hay may maeueot gid nga kaangtanan nga matsa sambilog eang kami.”

Juan 11:40

Nagsabat si Jesus, “Bukon abi nga ginhambae ko kimo nga kon gapati ka hay makita mo ro makangawa-ngawa nga gahom it Dyos?”

Juan 12:28

Tapos, naghambae si Jesus sa Ama, “Ama, pakitaan nga daeayawon ka nga Dyos.” May naghambae dayon halin sa eangit, “Ginpakita ko eon don ag ipakita ko ron it uman.”

Juan 17:1

Pagkatapos ni Jesus it hambae kara hay nagtangda imaw sa eangit ag naghambae, “Ama, nag-abot eon ro oras. Paagi sa akong maagyan, pakitaan sa katawhan nga ako ro imong daeayawon nga Unga agod paagi man sa akong maagyan hay ikapakita ko man kanda nga ikaw ro akon nga daeayawon nga Ama.

Juan 17:10

Tanan ro akong mga katawhan hay imo man, ag ro imong mga katawhan hay akon man, ag ginadayaw eon ako dahil kanda.

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

Juan 5:23

Gin-obra nana ron agod ako nga Unga hay tahuron it tanan nga tawo, pareho ku andang pagtahod kana nga akong Ama. Ro owa nagatahod kakon nga Unga hay owa man nagatahod sa akong Ama nga nagpadaea kakon iya.”

Juan 8:54

Nagsabat si Jesus, “Kon dayawon ko ro akong kaugalingon, owa ron it pueos. Ro akon nga Ama nga ginahambae ninyo nga inyong Dyos hay imaw ro nagadayaw kakon.

Juan 9:24

Ginpasueang it uman ku mga Pariseo rondatong eaki. Pag-abot nana hay ginhambae nanda imaw, “Pagsumpa sa Dyos nga gasugid ka it matuod, ay sayod namon nga ro nagpamayad kimo hay makasasaea.”

Juan 9:3

Nagsabat si Jesus, “Ro anang pagkabulag hay bukon it dahil nagkasaea imaw o ro anang mga ginikanan kundi agod ikapakita ro gahom it Dyos sa pagpamayad kana.

Mga TagaRoma 11:11

May pangutana pa gid ako. Rondaya nga pagkasandad ag pagkadusmo ku kaeabanan nga mga Judio hay nagakahueugan baea nga dayon eo't-a nga indi eon sanda makatindog it uman bisan hasta hin-uno? Bukon a! Dahil sa andang saea nga indi sanda magtuo kay Kristo hay kaabo nga mga bukon it Judio ro nakabaton it kaeuwasan. Ro tuyo karon it Dyos hay agod mahikaw ro mga Judio sa natabo ngaron sa mga bukon it Judio ag magtuo man dayon sanda.

Mga TagaFilipos 1:11

Ag sa adlaw ngaron hay makita nga ro bunga ku inyong pagtuo kay Jesu-Kristo hay kabuhi nga matarong gid, ag pagapadunggan ro Dyos ag pagakilan-on ro anang pagkadaeayawon.

Mga TagaFilipos 1:20

Ginahandom ko gid ag sigurado ako nga owa ako it hiobra nga ikahuya ko sa Dyos kundi sa tanan nga oras, kapin gid makaron hay mag-isog pa gid sa gihapon ro akong buot, agod mapadunggan gid si Kristo sa akong pagkabuhi o bisan sa akong kamatayon man.

1 Pedro 1:21

Paagi sa anang ginhimo ngato hay nagatuo eon kamo sa Dyos nga nagbanhaw ag nagpadungog kana. Ngani sa Dyos gid ro inyong pagtuo ag sigurado kamo nga ana man kamo nga pagabanhawon ag pagapadunggan sa ulihi.

1 Pedro 4:11

Ro gintaw-an it abilidad sa paghambae hay dapat maghambae it seryoso, ay ro andang ginahambae hay parti't-a sa mensahi it Dyos. Ro gintaw-an it abilidad sa pagbulig sa mga tawo sa andang kinahangeanon hay dapat nga magbulig paagi sa ikasarang nga ginatao it Dyos para dikaron. Sa tanan ninyong ginahimo hay dapat nga dayawon ro Dyos dahil kay Jesu-Kristo. Daeayawon gid imaw ag makagagahom hasta sa owa it katapusan. Amen!

1 Pedro 4:14

Ngani kon ginatuya-tuya kamo dahil sa inyong pagtuo kay Kristo hay bulahan kamo, tungod ginabuligan kamo ku makagagahom nga Espirito it Dyos nga una kinyo.