Juan 11:27 - Inkeanon

²⁷ Nagsabat si Marta, “Huo, Ginuo, gapati gid ako nga ikaw ro Unga it Dyos, ro Maneueuwas nga ginpromisa it Dyos nga ipadaea iya sa kalibutan.”

Juan 11:27 Iomraidhean Croise

Mateo 11:3

Pag-abot idto, naghambae sanda kay Jesus, “Ginapapangutana kamon ni Juan kon ikaw eon baea kuno ro among ginapaabot nga ginpromisa it Dyos, o mahueat pa kami it iba?”

Mateo 16:16

Nagsabat si Simon Pedro, “Ikaw ro Maneueuwas nga ginpromisa it Dyos. Ikaw ro Unga ku buhi nga Dyos.”

Mateo 16:20

Ginbilinan dayon ni Jesus ro anang mga sumueunod nga indi magsugid bisan kanyo nga imaw ro Maneueuwas nga ginpromisa it Dyos.

Lucas 2:11

Makaron sa banwa nga natawuhan ni Haring David, natawo ro inyong Maneueuwas. Imaw ro Ginuo, ro *Kristo nga ginpromisa it Dyos.

Juan 1:49

Naghambae si Nataniel, “*Rabbi, Unga ka gid matuod it Dyos. Ikaw eon gid-a ro among ginahueat nga hari ku mga inapo ni Israel.”

Juan 4:42

Hambae ku mga tawo sa bayi ngato, “Gatuo eon kami makaron bukon eang it dahil sa imong ginsugid, kundi dahil habatian namon mismo ro anang hambae. Ngani sigurado eon kami nga imaw matuod ro Maneueuwas it mga tawo sa bilog nga kalibutan.”

Juan 6:14

Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 6:69

Ag kami't-a hay nagtuo kimo ag sigurado gid kami nga ikaw ro Balaan nga ginpadaea iya it Dyos.”

Mga Binuhatan 8:36

Sa andang pagbiyahe ngato, nakaabot sanda sa sangka lugar nga may tubi. Naghambae ro opisyal, “Hato, may tubi. Puydi eon baea ako nga bawtismuhan?”

Mga Binuhatan 8:37

[Nagsabat si Felipe, “Kon nagatuo ka it hugot sa imong tagipusuon, puydi ka mabawtismuhan.” Nagsabat ro opisyal, “Nagatuo ako nga si Jesu-Kristo hay Unga it Dyos.”]

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.