Juan 11:26 - Inkeanon

²⁶ Ag ro tanan nga nagatuo kakon nga may kabuhi ngara nga owa it katapusan hay indi makaagi it kamatayon bisan hasta hin-uno. Gapati ka karon?”

Juan 11:26 Iomraidhean Croise

Mateo 26:53

Owa ka baea kasayod nga kon magpangayo ako it bulig sa akon nga Ama hay makapadaea imaw it linibo nga mga anghel makaron eagi?

Mateo 9:28

Pag-abot ni Jesus sa baeay nga anang ginaadtunan hay sumaylo imaw idto. Sumaylo man ratong daywang ka bulag. Ginpangutana dayon sanda ni Jesus, “Gapati kamo nga mapamayad ko kamo?” “Huo, Ginuo,” sabat nanda.

Marcos 9:23

Nagsabat si Jesus, “Ham-an it gapangutana ka kon mahimo nakon? Owa gid it imposible kon nagatuo ka.”

Juan 10:28

Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.

Juan 14:10

Owa ka pa baea gapati nga ako ag ro akong Ama hay may maeueot gid nga kaangtanan nga matsa sambilog eang kami? Ro mga ginasugid ko kinyo hay bukon it akon-akon eang. Kon nagahambae ako, ag nagahimo it mga makangawa-ngawa nga mga butang, ro akon 't-a nga Ama ro nagahimo karon paagi kakon.

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Juan 5:24

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Juan 6:47

Matuod gid rang ginahambae kinyo nga ro bisan sin-o nga nagatuo kakon hay may ana eon nga kabuhi nga owa it katapusan.

Juan 9:35

Pagkabati ni Jesus nga indi eon nanda pagpasudlon sa sinagoga ro eaki ngato hay ana ra nga gin-usoy. Pagkakita kana ni Jesus hay ginhambae ra nana, “Nagatuo ka baea sa Unga it Tawo?”

Mga TagaRoma 8:13

Dahil kon ro inyong pagpangabuhi hay nagapinagusto sa inyong makasasaea nga kinaiya, owa kamo it ibang dangatan kundi kamatayon nga owa it katapusan nga pina. Pero kon sa bulig it Espirito Santo hay patyon ninyo ro inyong kaila sa pag-obra it maeain hay makabaton kamo it kabuhi nga owa't katapusan.