Juan 11:25 - Inkeanon

²⁵ Tapos hay nagpaathag si Jesus, “Ako ro may gahom nga magbanhaw sa mga patay ag ako ro gatao kanda it kabuhi nga owa it katapusan. Bisan mamatay pa ro nagatuo kakon hay magakabuhi imaw hasta sa owa it katapusan.

Juan 11:25 Iomraidhean Croise

Lucas 23:43

Nagsabat si Jesus, “Matuod rang ginahambae kimo nga sa daya gid nga adlaw hay mangin kaibahan ka nakon sa Paraiso.”

Juan 1:4

Una kana ro minatuod nga kabuhi nga pareho it iwag nga nagahayag sa paino-ino it mga tawo.

Juan 14:19

Sa indi magbuhay hay indi eon ako hikita ku mga tawo iya sa kalibutan nga owa nagatuo kakon pero makita ninyo ako. Ag bangod mabanhaw ako, kamo hay taw-an it minatuod nga kabuhi.

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 3:16

“Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.

Juan 3:36

Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.

Juan 5:21

Gabanhaw ro Dyos Ama it mga patay ag gatao it kabuhi sa mga tawo ag makaruyon man ro ginaobra nakon nga anang Unga. Ako man ro gatao it kabuhi sa gusto nakon nga taw-an.

Juan 5:26

Mahimo ko ron tungod kon paalin nga may gahom ro akong Ama nga magtao it kabuhi hay makaruyon man ako. Gintugot nana nga ako man hay may gahom nga magtao it kabuhi.

Juan 6:35

Nagsabat si Jesus, “Ako't-a ro pagkaon nga nagatao it minatuod nga kabuhi. Ro bisan sin-o nga gadangop kakon hay indi eon paggutumon bisan hasta hin-uno ag ro bisan sin-o nga gatuo kakon hay indi eon pag-uhawon it uman.

Juan 6:44

Owa it makatuo kakon kon indi imaw pagtaw-an it kabubut-on nga himuon ron ku akon nga Ama nga nagpadaea iya kakon. Tapos, banhawon ko imaw sa katapusan nga adlaw.

Mga Binuhatan 3:15

Ro inyo't-a nga ginpapatay hay ro ginahalinan it kabuhi pero ginbanhaw imaw it Dyos, ag saksi kami karon.

Mga TagaRoma 4:17

Nasueat sa Kasueatan nga naghambae ro Dyos kay Abraham, “Plano ko eo't-a nga ikaw ro mangin ama it abo nga mga rasa.” Dahil ro Dyos ro naghambae karon ngani ginpatihan imaw ni Abraham ay sayod ni Abraham nga ro Dyos hay makabanhaw it mga patay ag makatuga it mga bagay nga owa pa iya sa kalibutan.

Mga TagaRoma 8:2

Matuod ra ay dahil sa inyong maeueot nga kaangtanan kay Kristo Jesus hay gintaw-an kamo ku Espirito Santo it bag-o nga kabuhi. Ag ro pagkontrol kinyo ku Espirito Santo hay naghilway kinyo sa pagdominar kinyo it inyong makasasaea nga kinaiya nga magadaea kinyo sa kamatayon nga owa it katapusan nga pina.

1 Corinto 15:18

Ag nagakahueugan man ron nga ro mga nagtuo kay Kristo nga nagkaeamatay eon hay ginapinahan eon sa impyerno.

1 Corinto 15:29

Aton nga balikan ro pagkabanhaw it mga patay. Kon indi man lang gali mabanhaw ro mga patay hay ham-an it may mga nagapabawtismo bilang sal-i ku mga namatay nga owa habawtismuhi? Ano ro pueos ku andang ginaobra ngaron kon owa man gali it pagkabanhaw?

2 Corinto 4:14

Ginaobra namon ra dahil sayod kami nga ro Dyos nga nagbanhaw kay Ginuong Jesus hay imaw man ro magabanhaw kamon, dahil sa amon nga maeueot nga kaangtanan kay Jesus. Pareho man karon ro ana nga obrahon kinyo ag pagkatapos hay ana kita nga bue-on ag daehon kon siin man imaw.

Mga TagaFilipos 1:23

Nalisdan 't-ang magpili sa daywa ngaron. Gusto ko eon kunta magtaliwan agod makaibahan ko eon si Kristo, ay ruyon ro pinakamayad.

Mga TagaFilipos 3:10

Ro akon gid nga handom hay mas mageueot pa gid ro akong pagkakilaea kay Kristo. Gusto ko maeksperyensyahan sa akong kabuhi ro gahom nga nagbanhaw kana. Ag haom gid ako nga mag-antos por dahil kana, ay nag-antos man imaw por dahil kakon, ag haom ako mamatay sa pagsunod kana, ay namatay man imaw por dahil kakon.

1 Tesalonica 4:14

Nagapati kita nga namatay ag nabanhaw si Jesus mawron nga nagapati man kita nga pamunton it Dyos kay Jesus pagbalik nana iya sa kalibutan ro mga tumueuo nga namatay eon.

Pahayag 1:18

Buhi't-a ako. Bisan nagpapatay ako hay hara, nagakabuhi ako bisan hasta hin-uno. Ako ro may otoridad sa kamatayon ag sa lugar it mga patay.

Pahayag 20:5

Dato ro hauna nga pagkabanhaw. Ro iba nga mga patay hay owa nabanhaw hasta owa natapos ro 1,000 nga dag-on ngato.

Pahayag 21:4

Pahiron nana ro andang mga euha dahil owa eon it kasubo. Owa man it kamatayon, o pag-ueahab o kasakit dahil naduea eon ro tanan sa daan nga kalibutan.”

Pahayag 22:1

Ginpakita man dayon kakon it anghel ro suba nga ro anang tubi hay nagatao it kabuhi. Matin-aw gid ro tubi pareho it kristal ag nagahalin rato sa trono it Dyos ag ku Tiyo it Karnero,

Pahayag 22:17

Hambae ku Espirito it Dyos ag ku nobya ku Tiyo it Karnero “Maliya.” Ag ro tanan nga kabati kara hay mahambae man it, “Maliya.” Ro bisan sin-o nga ginauhaw hay puyding magpaeapit. Ag ro naila mag-inom ku tubi nga nagatao it kabuhi hay puydi kainom it libre.