Juan 11:2 - Inkeanon

² Dayang si Maria ro sa ulihi hay gabu-bu it pahumot sa siki ku Ginuo ag ana man dayon rato nga pahiran ku anang buhok. Si Lazarus ngato nga nagamasakit hay igmanghod ni Maria ngara.

Juan 11:2 Iomraidhean Croise

Marcos 14:3

Pilang adlaw pa't-a bago ro mga nagkaeanabo ngaron hay nag-adto anay sanday Jesus sa Betania. Tag idto sanda sa baeay ni Simon nga dating aruon hay may sangka bayi nga nag-abot tag nagakaon sanday Jesus. Ro bayi ngato hay may daea nga pahumot nga ro sueudlan hay human sa bato nga alabastro kon tawgon. Ro pahumot ngato hay maeahaeon, ay puro gid rato ag halin sa tanom nga nardo. Ana nga ginbali ro liog it sueudlan ag ginbu-bu ro pahumot sa ueo ni Jesus.

Lucas 7:13

Pagkakita it Ginuo sa ina ku namatay hay naeuoy gid imaw it duro ag ginhambae nana ro bayi, “Ayaw eon it tangis.”

Lucas 7:19

ag ginpaadto nana sa Ginuo agod mangutana kon imaw eon ro andang ginapaabot nga ginpromisa it Dyos ukon mahueat pa sanda it iba.

Juan 11:21

Pag-abot ni Marta hay naghambae imaw kay Jesus, “Ginuo, kon iya ka't-ing kunta hay owa't-a namatay ro akong igmanghod.

Juan 11:3

Ngani ginpasugiran dayon nandang daywa ni Marta si Jesus nga, Ginuo, nagamasakit mana ro imong palanggang amigo.

Juan 11:32

Pag-abot ni Maria kay Jesus hay nageuhod imaw sa atubang na kara ag naghambae, “Ginuo, kon iya ka't-ing kunta hay owa't-a namatay ro akong igmanghod.”

Juan 12:3

Si Maria ma't-a hay may daea nga tunga sa litro nga pahumot nga maeahaeon ay puro gid rato ag halin sa tanom nga nardo. Binu-bu na rato tanan sa siki ni Jesus tag nagakaon pa sanda. Ana man dayon nga ginpahiran rato ku anang buhok. Naghumot ro bilog nga baeay dahil sa hugom ku pahumot ngato.

Juan 13:13

Ginatawag ninyo ako nga Maestro ag Ginuo, ag tama gid ma't-a nga tawgon ninyo ako it makaruyon, ay duyon gid ma't-ang.

Juan 13:14

Tungod ako nga inyong Ginuo ag Maestro hay nagpaubos agod hugasan ro inyong siki, mawron nga dapat man nga mapainubuson kamo ag haom maghugas ku siki ku kada isaea.