Juan 11:19 - Inkeanon

¹⁹ ag abo nga mga Judio ro nag-adto sa Betania halin sa Jerusalem agod mag-unong sa kalisod nanday Marta ag Maria, dahil sa pagkamatay ku andang igmanghod nga si Lazarus.

Juan 11:19 Iomraidhean Croise

Lucas 10:39

May manghod si Marta nga si Maria ro anang ngaean. Nagpungko si Maria sa may siki ku Ginuo ag nagpinamati sa ana kara nga ginaturo.

Lucas 10:42

Pero sangka butang gid lang ro importanti ag ruyon ro ginpili ni Maria ag indi ko ron igdimot kana.”

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 11:1

May isaeang ka eaki nga nagamasakit nga si Lazarus ro ngaean. Tagabaryo it Betania sanda ku anang mga igmanghod nga sanday Maria ag Marta.

Juan 11:31

Ro mga Judio nga nag-adto sa pag-unong kanday Maria hay nagsueunod man kana pagkakita nanda nga gulpi eang imaw tumindog ag pumanaw. Eaom nanda hay gaadto imaw sa eueubngan agod idto mag-ueahab.

Juan 11:33

Pagkakita ni Jesus nga nagainueahab si Maria, pati man ro ana nga mga kaibahan nga mga Judio hay nagsakit gid ro anang buot ag ginbatyag nana ro andang grabi nga kasubo.

Juan 11:36

Ngani naghambae ro mga Judio, “Tan-awa tuo, palangga gid-a nana si Lazarus.”

Juan 11:45

Abo sa mga Judio nga nag-unong kanday Maria ro nagtuo kay Jesus pagkakita nanda ku ana ngatong mga ginhimo.

Juan 11:8

Nagsabat sanda, “*Rabbi, kan-o eang rato nga ginaplanuhan ka nga eapugon it bato ku mga Judio ag tapos makaron, mabalik ka pa idto?”

Mga TagaRoma 12:15

Kon may nalipayan ro inyong isigkatawo, magkalipay man kamo kaibahan nanda dahil karon. Kon nagakasubo sanda, mag-unong man kamo kanda.

2 Corinto 1:4

Sa tanan nga kalisod nga atong ginaagyan hay ana nga ginapabaskog ro atong buot agod mag-antigo man kita magpabaskog ku buot it iba sa bisan ano nga andang ginakalisdan. Mapabaskog naton ro andang buot ay nag-antiguhan eon kita paagi man sa pagpabaskog it Dyos ku atong buot.

1 Tesalonica 4:18

Ngani padumduma ninyo ro kada isaea ku amon ngarang ginahambae agod magbaskog ro inyong buot.

1 Tesalonica 5:11

Ngani padayuna ninyo ro inyong pagpabaskog ku buot ag pagpalig-on ku pagtuo it kada isaea, pareho ku inyo eon nga ginaobra.