Juan 11:15 - Inkeanon

¹⁵ Pero por dahil kinyo hay naila ako nga owa ako idto pagkamatay nana, agod maglig-on pa gid ro inyong pagtuo kakon dahil sa inyong masaksihan. Hay musyon kamo, adtunan ta imaw.”

Juan 11:15 Iomraidhean Croise

Juan 11:14

Ngani ginprangka eon lang sanda ni Jesus, “Patay eo't-a si Lazarus.

Juan 11:16

Tapos, si Tomas nga Kapid ro anang hayo hay naghambae sa anang mga kaibahan nga mga sumueunod, “Musyon, mamunot kita kay Jesus sa Judea. Maunong kita kana hasta sa kamatayon.”

Juan 11:4

Pagkasayod kara ni Jesus hay naghambae imaw, “Ro katapusan ku pagmasakit ngara ni Lazarus hay bukon it anang kamatayon kundi agod paagi sa anang kamatayon hay ikapakita ro makangawa-ngawa nga gahom it Dyos, ag ro makangawa-ngawa man nga gahom nakon nga Unga it Dyos.”

Juan 12:30

Pero naghambae si Jesus, “Bukon it para kakon ro limog nga inyong habatian kundi para kinyo.

Juan 17:19

Ag akon nga ginahaead ro akong kaugalingon nga mamatay para kanda agod mangin matuod sanda nga mga balaan nga katawhan nimo.”

Juan 2:11

Ratong primero nga milagroso nga pamatuod kon sin-o gid imaw hay ginhimo ni Jesus sa banwa it Cana idto sa Galilea. Paagi dikato hay ana nga ginpahayag ro anang eangitnon nga pagkadaeayawon, ngani nagtuo gid kana ro anang mga sumueunod.

2 Corinto 4:15

Ro tanan nga ginaagyan namon dahil sa among pagwali hay para sa kamaeayran ninyo nga mga ginatud-an namon agod mangin abo gid ro mga tawo nga makaambit ku pagpakamaayo it Dyos dahil sa andang pagtuo. Kon matabo ron hay mas abo man dayon ro gapasaeamat kana ag duyon hay sa kadayawan nana.

2 Timoteo 2:10

Ngani ginatiis ko ro bisan ano por dahil sa mga pinili it Dyos, agod nga maeuwas man sanda paagi sa ginhimo ni Kristo Jesus, ag sa ulihi hay masamitan nanda ro grabi it nami nga kahimtangan idto sa eangit hasta sa owa it katapusan.

1 Juan 5:13

Ginasueatan ko kamo kara nga nagatuo it hantop gid sa Unga it Dyos, ro dungganon nga Maneueuwas, agod makasiguro kamo nga may inyo nga kabuhi nga owa it katapusan,