Juan 11:11 - Inkeanon

¹¹ Pagkatapos nana it hambae ku rayang halimbawa, naghambae pa gid imaw, “Ro atong amigo nga si Lazarus hay nagakatueog, pero adtunan ko imaw agod pukawon.”

Juan 11:11 Iomraidhean Croise

Mateo 27:52

Nagbueukas ro mga eueubngan ag abo nga mga katawhan it Dyos nga nagkaeamatay kato pa hay nagkaeabanhaw.

Mateo 9:24

Ginhambae sanda ni Jesus, “Guwa abi kamo. Owa namatay ro unga ngara kundi gakatueog man lang imaw.” Anda't-a nga ginhinibaygan si Jesus nga may daea nga pag-intrimis.

Marcos 5:39

Nagsueod sanda sa baeay ag naghambae si Jesus sa mga tawo idto, “Ham-an it gakinagubot ag gatinangis kamo? Bukon it patay ro unga. Gakatueog man lang imaw.”

Juan 11:10

Pero kon sa gabii kita magpinanaw hay basi hinandad kita ay owa eon kita it iwag.”

Juan 11:12

Ngani naghambae ro mga sumueunod ni Jesus, “Mayad ngani, Ginuo, kon hakatueog imaw agod hiulian imaw it dali.”

Juan 11:13

Eaom nanda hay gakatueog eang matuod si Lazarus pero ro buot hambaeon ni Jesus hay patay eo't-a ra.

Juan 11:3

Ngani ginpasugiran dayon nandang daywa ni Marta si Jesus nga, Ginuo, nagamasakit mana ro imong palanggang amigo.

Juan 3:29

Kon sa kasae pa ron, ro nagapakasae sa nobya hay ro nobyo, bukon it ro abay it nobyo. Pero kon sa seremonya eon hay nalipay it duro ro abay nga nagatindog sa kilid it nobyo, ag nagapamati samtang ginadayaw ku nobyo ro anang nobya. Makaruyon man ako, nalipay ako it duro ay iya eon ro nobyo, ag nagapaeapit kana ro anang nobya.

Mga Binuhatan 7:60

Nageuhod dayon imaw ag nagsinggit, “Ginuo, ayaw man sanda pagpapanabta ku saea ngara!” Pagkahambae nana kara hay nabugtuan dayon imaw it ginhawa.

1 Corinto 15:18

Ag nagakahueugan man ron nga ro mga nagtuo kay Kristo nga nagkaeamatay eon hay ginapinahan eon sa impyerno.

1 Corinto 15:34

Bugtaw eon abi kamo! Tadlunga eon ro inyong tiko ngaron nga paino-ino. Magkabuhi kamo it matarong ag punduha eon ninyo ro pagpakasaea ay ro iba inha kinyo hay owa pa't-a kakilaea sa Dyos. Ginahambae ko ra agod mahuya kamo.

1 Corinto 15:51

Pamati kamo. May isugid ako kinyo nga owa anay kato ginpahayag pero ginpahayag kakon makaron it Dyos. Bukon it ro tanan nga mga tumueuo hay patay eon sa pagbalik iya it Ginuo. May mabilin nga mga buhi pa sa oras ngato. Pero patay man o buhi pa, pagabag-uhon ro aton tanan nga eawas kato.

Mga TagaEfeso 5:14

ag ro tanan nga sa kahayag eon hay kahayag man sa iba. Mawron ngani nga may haeambaeunon nga, “Bugtaw, ikaw nga nagakatueog. Bangon, ikaw nga namatay. Hayagan ka dayon ni Kristo.”

1 Tesalonica 5:10

Imaw hay namatay para katon agod bisan buhi man o patay eon kita sa anang pagbalik, magakabuhi gihapon kita kaibahan nana.

Santiago 2:23

Ag sa ginhimo ngato ni Abraham hay napamatud-an ro ginhambae it Sagrado nga Kasueatan nga, “Si Abraham hay nagtuo sa Dyos, ag tungod sa anang pagtuo, ginbilang imaw it Dyos nga matarong.” Ag gintawag pa imaw it Dyos nga anang amigo.