Juan 10:4 - Inkeanon

⁴ Pagkapaguwa nana ku tanan nga ana mismo nga mga karnero hay gauna imaw ag imaw ro andang ginasundan, tungod kilaea nanda ro limog ku andang manogbantay.

Juan 10:4 Iomraidhean Croise

Mateo 16:24

Tapos, naghambae si Jesus sa anang mga sumueunod, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Juan 10:16

Ag may akon nga ibang mga karnero nga owa pa hatapoe sa rondayang iya eon sa panong. Dapat nga tawgon ko man sanda ag magapamati sanda sa akong limog, ag magatuo kakon. Itapoe dayon sanda sa dati nga panong ag mangin sang panong eon lang sanda tanan ag sambilog eang ro andang manogbantay.

Juan 10:27

Ro akong mga karnero hay nagapamati sa akon nga limog ag kilaea ko sanda, ag nagasunod sanda kakon.

Juan 10:3

Ginabuksan imaw it gabantay sa pwertahan. Ginatawag nana ro ana mismong mga karnero sa andang ngaean ag nagapamati sanda sa anang limog ag gasunod kana paguwa sa toril.

Juan 10:5

Pero indi sanda magsunod sa ibang tawo kundi nagapaeagiw sanda ay owa nanda hakilan-i ro ibang limog.”

Juan 10:8

Ro tanan nga hauna kakon nga gapataeang sa mga tawo paagi sa andang saea nga ginaturo hay pareho it mga buyong ag manakaw. Pero owa sanda pagpamatii ku mga karnero.

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Juan 13:15

Ro akong ginpakita kinyo hay sangka halimbawa kon ano ro inyong dapat himuon sa kada isaea.

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

Juan 3:29

Kon sa kasae pa ron, ro nagapakasae sa nobya hay ro nobyo, bukon it ro abay it nobyo. Pero kon sa seremonya eon hay nalipay it duro ro abay nga nagatindog sa kilid it nobyo, ag nagapamati samtang ginadayaw ku nobyo ro anang nobya. Makaruyon man ako, nalipay ako it duro ay iya eon ro nobyo, ag nagapaeapit kana ro anang nobya.

1 Corinto 11:1

Tueara ninyo ako pareho sa akong pagtuead kay Kristo.

Mga TagaEfeso 5:1

Mga palangga kamo nga mga unga it Dyos, ngani tueara ninyo ro inyong Ama.

Mga Hebreo 12:2

Isentro gid naton permi ro atong panueok kay Jesus, ro pasimuno ag manogpaperpekto it pagtuo. Dahil ana permi nga ginapaabot ro kalipay nga mangin ana sa ulihi, mawron nga ginbatas nana ro pageansang kana sa krus ag ginbaliwala ro kahuy-anan karon. Ag makaron hay nagalingkod imaw sa pinakadungganon nga pwesto sa tuo ku trono it Dyos.

Mga Hebreo 6:20

Ro Pinakasagrado nga Kwarto ngaron hay nagasimbolo ku parti it eangit kon siin ro trono it Dyos Ama. Ag idto eon nag-una katon si Jesus bilang atong tigeawas sa atubang it Dyos Ama, dahil imaw ro aton nga Pinakapinuno nga Saserdote hasta sa owa it katapusan. Ro anang pagkasaserdote hay pareho ku pagkasaserdote ni Melkizedek kato anay.

1 Pedro 2:21

Kaibahan ron sa pagtawag kinyo it Dyos dahil si Kristo man ngani hay nakaagi it pagsakit por dahil kinyo, ag ginpakita ron nana nga halimbawa nga inyong dapat nga tuearon.

1 Pedro 4:1

Tungod haom si Kristo nga mag-atubang sa mga kasakit ag pag-antos nga naagyan nana tag iya pa imaw sa kalibutan, ngani dapat nga ro inyong paino-ino hay pareho man ku ana, agod nga haom kamo nga magtuo gihapon bisan mag-antos kamo dahil karon. Kon haom ro sangka tawo nga obrahon ron hay nagapakita ron nga nagtalikod eon imaw sa pagpakasaea.

1 Pedro 5:3

Ayaw ninyo pagdominahi ro mga tawo nga gintugyan kinyo, kundi mangin hueuwaran kamo nanda paagi sa inyong mayad nga batasan.