Juan 10:38 - Inkeanon

³⁸ Pero dahil nagaobra't-a ako ku mga bagay ngaron, maskin indi kamo magpati sa akong ginahambae, patihi lang ninyo ro mga makangawa-ngawa nakong ginaobra. Ag paagi karon hay masayran ninyo ag maeubtan nga ako ag ro akong Ama hay may maeueot gid nga kaangtanan nga matsa sambilog eang kami.”

Juan 10:38 Iomraidhean Croise

Juan 10:25

Nagsabat si Jesus, “Ginsugiran ko eon ngani kamo pero indi ma't-a kamo magpati kakon. Ro akong mga ginahimo nga makangawa-ngawa sa ngaean ku akong Ama hay ruyon ro gapakilaea kon sin-o gid matuod ako.

Juan 10:30

Ako ag ro Dyos Ama hay sambilog eang.”

Juan 11:4

Pagkasayod kara ni Jesus hay naghambae imaw, “Ro katapusan ku pagmasakit ngara ni Lazarus hay bukon it anang kamatayon kundi agod paagi sa anang kamatayon hay ikapakita ro makangawa-ngawa nga gahom it Dyos, ag ro makangawa-ngawa man nga gahom nakon nga Unga it Dyos.”

Juan 14:20

Kon mag-abot eon ro adlaw ngaron hay hisayran ninyo nga ako ag ro akong Ama hay may maeueot gid nga kaangtanan nga matsa sambilog eang kami, ag ako ag kamo man hay may maeueot gid nga kaangtanan.

Juan 17:11

Mabalik ako inha kimo ag aywan ko eon ro kalibutan ngara ag hiaywanan sanda iya. Balaan nga Ama, buligi sanda agod ro andang kinaiya hay mangin pareho man ku imong kinaiya, nga imong ginpapahayag kakon agod maghiliugyon sanda pareho katon.

Juan 3:2

Isaeang gabii, nag-adto imaw kay Jesus ag naghambae, “*Rabbi, sayod kami nga ginpadaea ka it Dyos iya agod magturo kamon. Nakahambae ako kara dahil owa it makahimo ku mga milagroso nga pamatuod pareho sa imong mga ginahimo kon owa kana ro gahom it Dyos.”

Juan 5:36

Pero may pagpamatuod parti kakon nga mas pa sa pagpamatuod ngato ni Juan. Ruyon hay ro akong mga ginahimo nga ginpaobra kakon ku akong Ama, nga dapat ko nga tapuson. Nagapamatuod ron sanda nga ro Ama gid ro nagpadaea iya kakon.

Mga Binuhatan 2:22

Naghambae pa gid si Pedro, “Mga kadugo ko nga mga inapo ni Israel, pamati kamo sa akong ihambae ngara. Si Jesus nga tagaNazaret hay ginpadaea iya it Dyos. Ginpamatud-an ra kinyo it Dyos paagi sa mga makangawa-ngawa nga milagro ag mga milagrosong pamatuod nga anang gin-obra paagi kay Jesus. Sayod kamo kara ay iya ron nagkaeanabo kinyo.

1 Juan 3:24

Ro tanan nga nagatuman sa kasuguan it Dyos hay may padayon nga maeueot nga kaangtanan kana, ag ro Dyos hay padayon nga maeueot kana. Makasiguro kita kara tungod gintao nana katon ro Espirito Santo.