Juan 10:36 - Inkeanon

³⁶ hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 10:36 Iomraidhean Croise

Mateo 27:43

Nagasalig kuno imaw sa Dyos ag ginaako pa nana nga Unga imaw it Dyos. Ngani kon matuod imaw nga palangga it Dyos hay dapat nga tabangan imaw it Dyos makaron.”

Mateo 27:54

Ro kapitan ag ro anang mga soldado nga nagabantay kay Jesus hay nakabatyag ku linog ag nakakita ku ibang mga nagkaeatabo ag kinuebaan gid sanda. Hambae nanda, “Matuod gid-a nga raya ro Unga it Dyos!”

Lucas 1:35

Nagsabat ro anghel, “Ro Espirito Santo hay magakunsad kimo ag pagalikupan ka ku gahom it Dyos nga Eabing Mataas ngani ro imong mangin unga hay balaan ag pagakilaeahon nga Unga it Dyos.

Juan 10:35

Sayod kita nga ro Sagrado nga Kasueatan hay puro tama. Ngani kon ‘mga dyos’ ro tawag kato it Dyos sa mga tawo nga gintaw-an nana ku anang mensahi

Juan 17:18

Ginapadaea ko sanda agod ituro ro imong mensahi sa mga owa pa nagatuo kakon, pareho ku imong pagpadaea kakon iya.

Juan 17:21

Ginapangamuyo ko nga maghiliugyon sanda pareho katon, Ama, nga sambilog eang kita. Kabay pa nga sanda hay mangin sangka kabubut-on naton, agod ro mga tawo iya sa kalibutan hay magpati nga ginpadaea mo ako.

Juan 17:8

Ginsugid ko kanda ro tanan nga ginpahambae mo kakon ag ginpatihan ra nanda. Ngani sigurado gid sanda nga halin matuod ako kimo, ag nagapati gid sanda nga ikaw ro nagpadaea iya kakon.

Juan 19:7

Nagsabat ro mga Judio, “May amon nga Kasuguan ag suno sa ruyon nga Kasuguan hay dapat imaw nga patyon, ay ginahinambae nana nga Unga kuno imaw it Dyos.”

Juan 20:28

Naghambae dayon si Tomas, “Ikaw ro akong Ginuo ag ro akong Dyos!”

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Juan 3:34

tungod ro mga ginahambae mismo it Dyos ro ginasugid ku anang ginpadaea iya, ag gintaw-an imaw it Dyos it Espirito Santo nga owa it hawid-hawid.

Juan 5:30

Indi puydi nga mag-obra ako it akon-akon eang. Kon maghukom ako hay ginasunod ko eang kon ano ro ginahambae kakon it Dyos. Ngani, tama ro akon nga paghukom sa mga tawo tungod ro akong gusto nga tumanon hay bukon it ro akong pagbuot kundi ro ana ku nagpadaea iya kakon.”

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 6:38

tungod nanaog ako iya halin sa eangit agod tumanon ro pagbuot ku nagpadaea iya kakon, bukon it ro akong pagbuot.

Juan 6:57

Ginpadaea ako iya ku akong Ama nga ginahalinan it kabuhi, ag kon mauno nagakabuhi ako dahil kana, makaruyon man ro nagakaon kakon hay magakabuhi man dahil kakon.

Juan 6:69

Ag kami't-a hay nagtuo kimo ag sigurado gid kami nga ikaw ro Balaan nga ginpadaea iya it Dyos.”

Juan 8:42

Nagsabat dayon si Jesus, “Kon matuod kamo nga mga unga it Dyos hay higugmaon kunta ninyo ako ay kana ako naghalin. Owa ako nag-adto iya nga akon-akon eang, kundi imaw ro nagpadaea iya kakon.

Mga TagaRoma 1:4

Kon parti ma't-a sa anang pagkaDyos hay gindiklara imaw nga Unga it Dyos nga makagagahom paagi sa pagbanhaw kana ku Espirito Santo. Imaw si Jesu-Kristo nga atong Ginuo.

Mga TagaRoma 8:3

Indi kita mangin matarong sa panueok it Dyos paagi sa pagtuman sa anang Kasuguan dahil mas pa ro atong kaila sa pagpakasaea kaysa sa atong kaila sa pagtuman sa Kasuguan. Pero ro indi mahimo sa pagtuman sa Kasuguan hay nahimo 't-a it Dyos tag ginpaadto nana ro ana mismong unga iya sa kalibutan. Nagpakatawo imaw ag may eawas ag kinaiya it tawo nga pareho katon. Anang ginhaead ro anang eawas bilang sakripisyo agod imaw ro pinahan por dahil katon nga mga makasasaea.

Mga TagaRoma 9:5

Sanda ro mga inapo it mga taeahuron nga kalolo-lolohan namong mga Judio. Ag sa amon man nga linahi naghalin ro Maneueuwas nga si Kristo tag nagpakatawo imaw. Imaw ro Dyos nga eabaw sa tanan ag dapat imaw nga dayawon hasta sa owa't katapusan. Amen.

Mga TagaGalacia 4:4

Pero pag-abot it oras nga gintaeana it Dyos hay ginpaadto nana iya sa kalibutan ro anang unga. Tawo gid imaw tungod gin-unga imaw it isaeang ka bayi nga Judio, ag nagkabuhi imaw nga hasakpan ku andang Kasuguan.