Juan 10:33 - Inkeanon

³³ Nagsabat ro mga Judio, “Owa ka namon ginaeapuga dahil sa imong mayad nga gin-obra, kundi dahil sa imong pag-insulto sa Dyos, ay ginatupungan mo't-a imaw bisan tawo ka man lang.”

Juan 10:33 Iomraidhean Croise

Juan 10:24

Pagkakita kana ku mga Judio hay gindueugupan nanda imaw ag ginhambae, “Hasta hin-uno mo pa't-a pahawat-hawaton ro among ginhawa? Prangkaha abi kami kon ikaw gid ro Maneueuwas nga ginpromisa it Dyos.”

Juan 10:30

Ako ag ro Dyos Ama hay sambilog eang.”

Juan 10:32

Ngani naghambae imaw kanda, “Abo nga kamaeayran ro ginpaobra kakon ku akon nga Ama ag hakita ron ninyo. Ano sa akong mga gin-obra ngato ro dahilan agod inyo ako nga eapugon it bato?”

Juan 19:7

Nagsabat ro mga Judio, “May amon nga Kasuguan ag suno sa ruyon nga Kasuguan hay dapat imaw nga patyon, ay ginahinambae nana nga Unga kuno imaw it Dyos.”

Juan 5:18

Pagkabati kara ku mga manogdumaea hay mas kapin pa gid nga nag-inusoy sanda it ideya nga hipatay imaw. Kon kanda, owa eang nana pageapasa ro Kasuguan parti sa Adlaw it Inogpahuway, kundi ana pa nga ginaako nga katupong imaw it Dyos Ama, ay ginhambae nana nga ana gid mismo nga ama ro Dyos.

Mga TagaRoma 13:1

Dapat nga magpasakop kita tanan sa mga may otoridad katon nga una sa gobyerno ay owa it may otoridad nga magdumaea kon indi ron itugot it Dyos. Ag ro una sa pwesto makaron hay ro Dyos ro nagbutang karon kanda.

Mga TagaFilipos 2:6

Bisan imaw hay Dyos hay owa nana pagbilanga nga dapat gid nanang panghugtan ro anang pagkadaeayawon bilang Dyos