Juan 10:32 - Inkeanon

³² Ngani naghambae imaw kanda, “Abo nga kamaeayran ro ginpaobra kakon ku akon nga Ama ag hakita ron ninyo. Ano sa akong mga gin-obra ngato ro dahilan agod inyo ako nga eapugon it bato?”

Juan 10:32 Iomraidhean Croise

Mateo 11:5

Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Juan 10:25

Nagsabat si Jesus, “Ginsugiran ko eon ngani kamo pero indi ma't-a kamo magpati kakon. Ro akong mga ginahimo nga makangawa-ngawa sa ngaean ku akong Ama hay ruyon ro gapakilaea kon sin-o gid matuod ako.

Juan 10:31

Pagkabati nanda kara, ro mga Judio hay nagpueueot eon man it bato, ag anda kunta nga eapugon si Jesus hasta mamatay.

Juan 10:33

Nagsabat ro mga Judio, “Owa ka namon ginaeapuga dahil sa imong mayad nga gin-obra, kundi dahil sa imong pag-insulto sa Dyos, ay ginatupungan mo't-a imaw bisan tawo ka man lang.”

Juan 10:37

Kon owa ako nagaobra it mga makangawa-ngawa nga bagay nga gintugyan kakon ku akong Ama hay ayaw 't-a ugaling ninyo ako pagpatihi.

Juan 5:36

Pero may pagpamatuod parti kakon nga mas pa sa pagpamatuod ngato ni Juan. Ruyon hay ro akong mga ginahimo nga ginpaobra kakon ku akong Ama, nga dapat ko nga tapuson. Nagapamatuod ron sanda nga ro Ama gid ro nagpadaea iya kakon.

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga Binuhatan 2:22

Naghambae pa gid si Pedro, “Mga kadugo ko nga mga inapo ni Israel, pamati kamo sa akong ihambae ngara. Si Jesus nga tagaNazaret hay ginpadaea iya it Dyos. Ginpamatud-an ra kinyo it Dyos paagi sa mga makangawa-ngawa nga milagro ag mga milagrosong pamatuod nga anang gin-obra paagi kay Jesus. Sayod kamo kara ay iya ron nagkaeanabo kinyo.

1 Juan 3:12

Indi naton pagtuearon si Cain nga nagpagahom kay Satanas, ro ginahalinan it kaeainan, tag anang ginpatay nga owa't kueukaeuoy ro anang igmanghod nga si Abel. Ham-an it ginpatay nana? Tungod ro ana mismong mga buhat hay maeain, ag ana nga ginakaugtan ro matarong nga buhat ku anang igmanghod nga si Abel.