Juan 10:30 - Inkeanon

³⁰ Ako ag ro Dyos Ama hay sambilog eang.”

Juan 10:30 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Mateo 28:19

Ngani, panaw kamo ag tur-an ro tanan nga rasa it tawo kon paalin sanda magsunod kakon bilang akong mga sumueunod. Bawtismuhi sanda sa ngaean it Ama, Unga ag Espirito Santo.

Juan 10:29

Ro mga gintugyan kakon ku Ama hay mahaega gid sa tanan, ag indi nana pagpasugtan nga hiagaw sanda sa anang alima.

Juan 10:36

hay ano ro inyong kinamatarong nga maghambae nga ginainsulto ko ro Dyos sa akong paghambae nga Unga ako it Dyos, ay ako ro anang ginpili ag ginpadaea iya sa kalibutan?

Juan 14:23

Nagsabat si Jesus, “Umanon ko rang ginhambae. Kon ginahigugma ako it sangka tawo hay tumanon nana ro akong hambae. Higugmaon imaw ku akon nga Ama ag kami ku Ama hay magaadto kana ag magaistar sa anang tagipusuon.

Juan 14:9

Nagsabat si Jesus, “Felipe, mabuhay eon ro akong pag-iniba kinyo ag owa ka't-ing gihapon kakilaea kakon? Ro nakakita kakon hay nakakita man sa akong Ama. Ham-an it gahambae ka pa nga ipakita ko kinyo ro akong Ama?

Juan 16:15

Gintugyan kakon it Ama ro tanan nga gusto nanang ipasayod sa mga tawo, ag itugyan ko man ron sa Espirito Santo. Mawron nga ginhambae ko kinyo nga isugid nana ro akong gustong ipasayod pa gid kinyo.”

Juan 17:10

Tanan ro akong mga katawhan hay imo man, ag ro imong mga katawhan hay akon man, ag ginadayaw eon ako dahil kanda.

Juan 5:17

Pero ro ginasabat ni Jesus kanda hay, “Ro Dyos nga akong Ama hay owa gapundo sa anang ginaobra iya sa kalibutan, mawron nga owa ko man ginapunduhi ro anang ginapaobra kakon.”

Juan 5:23

Gin-obra nana ron agod ako nga Unga hay tahuron it tanan nga tawo, pareho ku andang pagtahod kana nga akong Ama. Ro owa nagatahod kakon nga Unga hay owa man nagatahod sa akong Ama nga nagpadaea kakon iya.”

Juan 8:58

Nagsabat si Jesus, “Matuod gid rang ginahambae kinyo nga bago pa natawo si Abraham hay una eon ako.”

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Tito 2:13

Makaruyon dapat ro atong batasan samtang ginapaabot naton ro malipayon ag sigurado nga pagbalik ni Jesu-Kristo. Imaw ro aton nga Makagagahom nga Dyos ag Maneueuwas ag sa pagbalik na ngato hay may anang grabi nga kasilaw nga nagapakita ku anang pagkadaeayawon.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.

1 Juan 5:7

Ngani, may tatlo nga nagapamatuod parti kay Jesus,