Juan 10:3 - Inkeanon

³ Ginabuksan imaw it gabantay sa pwertahan. Ginatawag nana ro ana mismong mga karnero sa andang ngaean ag nagapamati sanda sa anang limog ag gasunod kana paguwa sa toril.

Juan 10:3 Iomraidhean Croise

Juan 10:14

“Ako't-a ro mayad nga manogbantay it mga karnero. Kilaea ko gid ro akong mga karnero ag kilaea man nanda ako.

Juan 10:16

Ag may akon nga ibang mga karnero nga owa pa hatapoe sa rondayang iya eon sa panong. Dapat nga tawgon ko man sanda ag magapamati sanda sa akong limog, ag magatuo kakon. Itapoe dayon sanda sa dati nga panong ag mangin sang panong eon lang sanda tanan ag sambilog eang ro andang manogbantay.

Juan 10:4

Pagkapaguwa nana ku tanan nga ana mismo nga mga karnero hay gauna imaw ag imaw ro andang ginasundan, tungod kilaea nanda ro limog ku andang manogbantay.

Juan 10:9

Ako ro pwertahan. Kon kakon mag-agi ro mga tawo, sanda hay maeuwas. Mangin pareho sanda it mga karnero nga makaguwa-sueod, ag makakita sanda it maeapad nga pahangeaban.

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 6:45

Nasueat sa kasueatan it mga propeta kato anay nga, ‘Ro tanan nga tawo hay tud-an it Dyos.’ Ngani ro tanan nga nagpamati sa akon nga Ama ag nakaeubot sa anang ginhambae hay nagatuo kakon.

Mga TagaRoma 8:30

Ag ro ana nga mga gindisisyunan ngato nga mangin pareho ro andang kinaiya ku ana it anang Unga hay sanda man ro anang gintawag nga magtuo kay Jesus. Ag dahil sa andang pagtuo ngaron hay sanda man ro ginbilang nana nga mga matarong sa anang panueok. Ag ro ana ngatong ginbilang nga matarong hay sanda man ro anang ginpadunggan.

1 Corinto 16:9

ay ginataw-an ako it Dyos it abo nga kahigayunan nga magturo iya ag mayad gid ro bunga karon bisan abo man ro nagakuntra kakon.

Mga TagaFilipos 4:3

Ag ikaw, Susugos, tindugi ro kahueugan ku imong ngaean sa pagbulig sa mga bayi ngaron inha nga magkaeasugot. Nagpangabudlay gid ron sanda kaibahan nakon sa pagpaeapnaag ku Mayad nga Balita, kaibahan nanday Clemente ag ku iba pa nga kapareho nakon nga nagaserbi sa Ginuo. Ginsueat eon it Dyos ro anda tanan nga ngaean sa listahan ku mga gintaw-an it kabuhi nga owa it katapusan.

Mga TagaColosas 4:3

Ipangamuyo man ninyo nga taw-an kami it Dyos it kahigayunan nga ikawali ro mensahi parti kay Kristo nga ginpahayag eon it Dyos makaron. Dahil sa akon nga pagwali ku mensahi ngaron hay iya ako sa prisuhan makaron.

2 Timoteo 2:19

Pero bisan may nagaturo it makaruyon, ro malig-on nga pundasyon nga gintukod it Dyos hay malig-on gid gihapon ag may tanda ron it makaraya: “Kilaea it Ginuo ro anang mga katawhan” ag “Tanan nga nagaako nga nagatuo sanda sa Ginuo hay dapat magpaeayo sa paghimo it bukon it matarong.”

1 Pedro 1:12

Ginpahayag dayon kanda it Dyos nga ro andang ginahambae hay bukon it para sa andang kamaeayran sa ratong tyempo kundi para't-a sa inyong kamaeayran sa makarong tyempo. Ro ginasugid kinyo makaron ku mga manogturo it Mayad nga Balita sa bulig kanda it Espirito Santo nga ginpaadto it Dyos halin sa eangit hay katumanan ku mga ginhambae ngato ku mga propeta. Bisan ngani ro mga anghel hay naila man nga maeubtan gid it mayad ro mga bagay ngaron.

1 Juan 4:6

Kita ma't-a hay mga katawhan it Dyos, ag owa sanda naila magpamati katon dahil bukon sanda it mga unga it Dyos. Ro mga maeapit sa Dyos hay naila magpamati katon. Ruyon ro basehan agod masayran naton kon ro ginaturo it sangka tawo hay halin matuod sa Espirito Santo, ukon halin kay Satanas, nga nagapataeang sa mga tawo.

3 Juan 1:14

Kabay pa nga magkilita kita eagi agod makaistorya kita.

Pahayag 3:20

Pamati kamo. Nagatindog ako sa may pwertahan ag nagapanuktok. Kon may magpamati ku akong limog, ag anda ako nga buksan hay masueod gid ako ag magaiba kami sa pagkaon.

Pahayag 7:17

Ro Tiyo it Karnero abi nga una sa atubang it trono it Dyos ro magabantay kanda pareho it manogbantay it karnero ag magadaea kanda permi sa mga tuburan nga nagatao it kabuhi nga owa it katapusan. Pagapahiron man it Dyos ro euha sa andang mga mata ag owa eon it makapatangis pa kanda it uman.”