Juan 10:28 - Inkeanon

²⁸ Ginataw-an ko sanda it kabuhi nga owa it katapusan. Indi gid sanda pagpinahan sa impyerno bisan hin-uno ag owa gid it makaagaw kanda sa akon nga alima.

Juan 10:28 Iomraidhean Croise

Marcos 13:22

Ginapauna ko eagi ra kinyo dahil may mga magapakuno-kuno nga sanda ro Maneueuwas nga ginpromisa it Dyos. Ro iba ma't-a kanda hay magapakuno-kuno nga mga propeta it Dyos. Magahimo sanda it mga milagro ag mga makangawa-ngawa nga mga bagay bilang pamatuod kon sin-o kuno sanda agod hipataeang ro mga tawo ag kon mahimo, bisan pa ro mga pinili it Dyos nga anang mga katawhan.

Lucas 23:46

Nagsinggit dayon si Jesus, “Ama, ginatugyan ko kimo ro akon nga espirito.” Pagkahambae nana kara hay nabugtuan dayon imaw it ginhawa.

Juan 10:29

Ro mga gintugyan kakon ku Ama hay mahaega gid sa tanan, ag indi nana pagpasugtan nga hiagaw sanda sa anang alima.

Juan 11:25

Tapos hay nagpaathag si Jesus, “Ako ro may gahom nga magbanhaw sa mga patay ag ako ro gatao kanda it kabuhi nga owa it katapusan. Bisan mamatay pa ro nagatuo kakon hay magakabuhi imaw hasta sa owa it katapusan.

Juan 14:19

Sa indi magbuhay hay indi eon ako hikita ku mga tawo iya sa kalibutan nga owa nagatuo kakon pero makita ninyo ako. Ag bangod mabanhaw ako, kamo hay taw-an it minatuod nga kabuhi.

Juan 17:2

Ginapangayo ko ron ay gintaw-an mo eon ako it otoridad sa tanan nga mga tawo nga magtao it kabuhi nga owa it katapusan sa tanan kanda nga imong gintugyan kakon.

Juan 18:9

Ginhambae rato ni Jesus agod matuman ro anang hambae nga “Ama, owa gid ako nadueai it bisan sambilog sa imong mga gintugyan kakon.”

Juan 3:36

Ro nagatuo sa Unga hay may kabuhi nga owa it katapusan. Pero ro indi magtuo kana hay indi gid makasamit ku ruyon nga kabuhi, kundi makasamit ku pina it Dyos hasta sa owa it katapusan.

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Juan 5:24

Naghambae pa gid si Jesus, “Matuod gid rang ginahambae kinyo nga ro nagapamati sa akong ginahambae ag nagatuo sa nagpadaea iya kakon hay may kabuhi nga owa it katapusan. Indi imaw pagasintinsyahan it kamatayon nga owa it katapusan, dahil gintaw-an eon imaw it kabuhi nga owa it katapusan.

Juan 6:27

Ayaw kamo magkinabudlay para sa pagkaon nga nagakaban-os eang kundi para sa minatuod nga pagkaon nga nagadurar ag nagatao it kabuhi nga owa it katapusan. Raya ro pagkaon nga itao ko kinyo tungod ako nga Unga it Tawo ro ginbutang ku Dyos Ama nga anang tigeawas nga magtao karon.”

Juan 6:37

Tanan nga tawo nga gintugyan kakon it Ama hay magadangop kakon. Ag ro bisan sin-o nga magdangop kakon hay indi ko gid pagbalibaran,

Juan 6:47

Matuod gid rang ginahambae kinyo nga ro bisan sin-o nga nagatuo kakon hay may ana eon nga kabuhi nga owa it katapusan.

Juan 6:68

Nagsabat si Simon Pedro, “Ginuo, kanyo pa abi kami maadto? Ikaw eang ro nagaturo it mensahi nga nagatao it kabuhi nga owa it katapusan.

Mga Binuhatan 7:59

Ag tag ginabinato nanda si Esteban hay nagpangamuyo imaw, “Ginuong Jesus, batuna ro akong espirito!”

Mga TagaRoma 5:17

Dahil sa saea it sangka tawo nga si Adan hay owa it bisan sin-o nga makalikaw sa kamatayon ay matsa hari ra nga dapat gid nga tumanon. Pero mas pa't-a ro resulta it ginhimo it sambilog man nga tawo nga si Jesu-Kristo, dahil ro tanan nga gabaton ku sobrang kabuot it Dyos ag ku anang regalo nga pagbilang kanda nga mga matarong hay may kabuhi eon nga owa't katapusan, ag magahari man sanda kaibahan ni Kristo dahil sa anang ginhimo.

Mga TagaRoma 5:2

Dahil man sa atong pagtuo sa anang ginhimo hay gintapoe eon kita sa mga ginabilang nga matarong dahil sa sobrang kabuot it Dyos ag sigurado gid ro atong kahimtangan ngaron. Ag nagakalipay kita dahil ginapaabot gid naton ro kanami-nami nga kahimtangan nga itao katon it Dyos sa ulihi.

Mga TagaRoma 5:21

Kato, ro saea hay matsa hari nga dapat gid nga tumanon ag kamatayon karon ro anang daea. Pero makaron ro sobrang kabuot it Dyos eo't-a ro nagapangibabaw. Natabo ron paagi sa anang pagbilang nga matarong sa mga tawo dahil sa ginhimo ni Jesu-Kristo nga atong Ginuo. Ag ro bunga karon hay may andang kabuhi nga owa't katapusan.

Mga TagaRoma 5:9

Ngani dahil ginbilang eon kita it Dyos nga mga matarong paagi sa dugo ni Kristo nga nag-agay tag ginpatay imaw hay mas kapin nga sigurado nga maeuwas kita sa pina it Dyos sa atong kasae-anan.

Mga TagaRoma 6:23

Sa kabilugan, ro nagapadayon sa pagpakasaea hay baeusan it kamatayon nga owa it katapusan nga pina pero ro mga may maeueot nga kaangtanan kay Kristo Jesus nga atong Ginuo hay regaluhan it Dyos it kabuhi nga owa't katapusan.

Mga TagaRoma 8:1

Ngani ro may maeueot nga kaangtanan kay Kristo Jesus hay indi eon pagsintinsyahan nga pinahan bisan hasta hin-uno.

Mga TagaRoma 8:29

Matuod ra ay sanda nga mga hasayran eagi nana nga mangin anang mga katawhan hay ana man nga gindisisyunan kato pa't-a eagi nga ro andang kinaiya hay mangin pareho ku ana it anang Unga. Duyon ro ana nga desisyon agod si Jesus ro mangin dungganon nga kamagueangan ku tanan nga magmaeanghod nga mga unga it Dyos.

Mga TagaFilipos 1:6

Sigurado gid ako nga ro Dyos nga nag-umpisa it pagbag-o kinyo agod mangin mayad ro inyong kabubut-on hay imaw man ro magapadayon karon hasta matapos ron sa adlaw nga magbalik si Kristo Jesus.

2 Tesalonica 2:13

Mga igmanghod nga palangga it Ginuo, dapat gid-a nga magpasaeamat kami permi sa Dyos tungod kinyo. Nagapasaeamat kami tungod kato pa eagi hay ginpili eo't-a kamo it Dyos agod anang euwason, paagi sa pagpaeain kinyo it Espirito Santo nga mangin mga balaan kamo nga katawhan it Dyos, ag paagi sa inyong pagtuo sa matuod nga mensahi.

1 Timoteo 1:16

Pero duyon ro rason nga ginkaeuy-an ako it Dyos agod paagi karon hay ikapakita ni Kristo Jesus nga grabi ro anang pagkamapinasensyahon. Ag kabay pa nga kon hieubtan ra it mga tawo hay magatuo man sanda kana, ag makabaton sanda it kabuhi nga owa it katapusan.

2 Timoteo 1:12

Ro pagpasayod man ku Mayad nga Balita ro rason nga nagaantos ako iya sa prisuhan. Pero owa ako nahuya nga iya ako ay sigurado ako nga masaligan gid ro akong ginasaligan. Ag kumbinsido man ako nga masarangan nanang amligan ro akong gintugyan kana hasta sa adlaw it paghukom.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.

1 Pedro 1:5

Ag paagi sa anang gahom ag sa inyong pagtuo hay ginabantayan nana kamo hasta mag-abot ro katapusan nga mga inadlaw kon siin ana eon nga ipahayag ro kabilugan ku kaeuwasan nga anang ginatigana para katon.

1 Juan 1:2

Imaw nga nagatao it kabuhi hay nag-adto gid iya sa kalibutan ngani mapamatud-an namon nga hakita gid namon imaw, ag ginasugid namon kinyo nga imaw ro ginatawag nga Kabuhi nga Owa it Katapusan. Bago imaw nag-adto iya hay kaibahan eo't-a imaw it Dyos nga Ama, ag ku ulihi hay nag-abot gid-a ngani imaw iya.

1 Juan 2:19

Ro mga nagakuntra ngaron kay Kristo hay mga kaibahan anay naton kato, ugaling hay nagbueag sanda katon. Pero ro andang pagbueag hay gapakilaea nga bukon gid sanda it matuod nga kaibahan naton nga mga tumueuo ni Kristo, ay kon matuod sanda nga tumueuo ni Kristo hay indi sanda magbueag katon.

1 Juan 2:25

Ag taw-an nana kita it kabuhi nga owa it katapusan, ay ruyon gid ma't-a ro ana nga ginpromisa katon.

1 Juan 5:11

Ro pamatuod it Dyos hay raya: gintaw-an nana kita it kabuhi nga owa it katapusan, ag mabaton ron naton paagi sa pagtuo sa anang unga.

Judas 1:1

Raya nga sueat hay halin kakon nga si Judas nga igmanghod ni Santiago ag ulipon ni Jesu-Kristo. Nagasueat ako kinyo nga mga tinawag it Dyos nga Ama nga mangin anang katawhan, kamo nga anang mga ginahigugma gid ag ginahaeungan ni Jesu-Kristo.

Judas 1:24

Ngani makaron, dayawon ta ro Dyos nga makasarang magbantay kinyo agod indi kamo matentar nga magkasaea, ag makasarang man imaw nga paatubangon kamo kana sa ulihi nga mga owa eon it ikasaway. Ag grabi gid ro inyong kalipay sa inyong pag-atubang kana nga owa it katupong sa pagkadaeayawon.