Juan 10:27 - Inkeanon

²⁷ Ro akong mga karnero hay nagapamati sa akon nga limog ag kilaea ko sanda, ag nagasunod sanda kakon.

Juan 10:27 Iomraidhean Croise

Mateo 16:24

Tapos, naghambae si Jesus sa anang mga sumueunod, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Mateo 17:5

Tag nagahambae pa imaw hay gintabunan ro tatlo it sangka masilaw nga daeaura. Ag may limog nga naghambae halin sa daeaura, “Daya ro akong palangga nga Unga nga nagapalipay kakon. Pamati kamo kana it mayad.”

Mateo 25:12

“Pero nagsabat ro nobyo, ‘Indi gid-a puydi ay owa't-ang kakilaea kinyo!’ ”

Mateo 7:23

Pero prangkahon ko sanda, ‘Owa ko gid kamo ginkilan-a nga akong mga katawhan. Halin kamo iya, kamo nga perming nagabaliwala sa Kasuguan it Dyos!’ ”

Marcos 10:21

Nakabatyag it pagpalangga si Jesus sa ratong tawo, ag ana ra nga gintueok ag ginhambae, “Sambilog pa gid ro dapat nimong obrahon. Umuli ka ag ibaligya mo ro tanan nimong pagkabutang, ag ipanueupod sa mga pobre ro kabakeanan, ag may imo dayon nga manggad sa eangit. Pagkatapos hay bumalik ka agod mangin sumueunod nakon.”

Marcos 8:34

Ginpapaeapit dayon nana ro anang mga sumueunod, pati ro abo nga mga tawo nga idto man ag ginhambae, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw mag-atubang it kalisod, paghingabot ag kamatayon por dahil sa anang pagsunod kakon.

Lucas 13:27

Pero masabat ro tagbaeay, ‘Owa ko gid kamo pagkilan-a nga akong mga katawhan ag bisan ro inyong ginhalinan. Halin kamo iya, kamo tanan nga puro bukon it matarong ro buhat!’

Lucas 9:23

Tapos, naghambae si Jesus sa tanan nga nagapaeamati kana, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Juan 10:14

“Ako't-a ro mayad nga manogbantay it mga karnero. Kilaea ko gid ro akong mga karnero ag kilaea man nanda ako.

Juan 10:16

Ag may akon nga ibang mga karnero nga owa pa hatapoe sa rondayang iya eon sa panong. Dapat nga tawgon ko man sanda ag magapamati sanda sa akong limog, ag magatuo kakon. Itapoe dayon sanda sa dati nga panong ag mangin sang panong eon lang sanda tanan ag sambilog eang ro andang manogbantay.

Juan 10:8

Ro tanan nga hauna kakon nga gapataeang sa mga tawo paagi sa andang saea nga ginaturo hay pareho it mga buyong ag manakaw. Pero owa sanda pagpamatii ku mga karnero.

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Juan 21:22

Nagsabat si Jesus, “Kon gusto ko nga buhi ron imaw gihapon hasta sa akong pagbalik hay owa ka eo't-ing it eabot karon. Ro imong dapat isipon hay ro imong pagsunod kakon.”

Juan 5:25

Matuod gid rang ginahambae kinyo nga maabot ro oras, ag makaron eon ngani ron, nga mabatian ku mga pareho it patay tungod sa andang kasae-anan ro hambae nakon nga Unga it Dyos, ag ro magapamati hay taw-an ko it minatuod nga kabuhi.

Juan 8:12

Tapos, naghambae pa gid si Jesus sa mga tawo, “Ako ro Iwag nga nagatao it kahayag sa paino-ino it mga tawo iya sa kalibutan. Ro nagasunod kakon hay indi magkabuhi sa kadueom, kundi mahayagan imaw ku Iwag nga nagatao it minatuod nga kabuhi.”

Juan 8:43

Ham-an abi it indi kamo kaeubot sa akong ginahambae? Tungod indi kamo katakod magpamati sa akong mga ginahambae!

Mga Binuhatan 3:23

Ro indi magpamati sa ihambae it ruyon nga propeta hay indi eon igtapoe sa mga katawhan it Dyos hasta sa owa it katapusan.’

1 Corinto 8:3

Pero ro may paghigugma hay ruyon 't-a ro ginakilaea it Dyos nga may matuod nga hasayran.

Mga TagaGalacia 4:9

Pero makaron hay kilaea eon ninyo ro Dyos ag ro mas manami pa gid hay ginkilaea eon kamo it Dyos. Ngani ham-an it gusto eon man ninyo nga magbalik sa mga owa it pueos ngaron nga mga sueundanon nga indi makabulig kinyo? Gusto baea ninyo nga mangin ulipon it uman ku mga sueundanon ngaron?

2 Timoteo 2:19

Pero bisan may nagaturo it makaruyon, ro malig-on nga pundasyon nga gintukod it Dyos hay malig-on gid gihapon ag may tanda ron it makaraya: “Kilaea it Ginuo ro anang mga katawhan” ag “Tanan nga nagaako nga nagatuo sanda sa Ginuo hay dapat magpaeayo sa paghimo it bukon it matarong.”

Mga Hebreo 3:7

Ngani dapat nga dumdumon naton ro ginpasueat it Espirito Santo sa Sagradong Kasueatan nga, “Sa makaron nga tyempo, kada may ginahambae kinyo ro Dyos hay pamati kamo.

Pahayag 14:4

Sanda ra hay pareho sa mga eaki nga owa gid naghulid sa bukon nanda it asawa ay ro Tiyo it Karnero eang gid ro andang ginasimba. Raya ra sanda ro nagasinunod sa Tiyo it Karnero bisan siin imaw mag-adto. Sanda raya ro mga gintubos sa mga katawhan iya sa kalibutan ag ana sanda it Dyos ag ku Tiyo it Karnero, pareho sa primerong ani nga ginahaead sa Dyos.

Pahayag 3:20

Pamati kamo. Nagatindog ako sa may pwertahan ag nagapanuktok. Kon may magpamati ku akong limog, ag anda ako nga buksan hay masueod gid ako ag magaiba kami sa pagkaon.