Juan 10:25 - Inkeanon

²⁵ Nagsabat si Jesus, “Ginsugiran ko eon ngani kamo pero indi ma't-a kamo magpati kakon. Ro akong mga ginahimo nga makangawa-ngawa sa ngaean ku akong Ama hay ruyon ro gapakilaea kon sin-o gid matuod ako.

Juan 10:25 Iomraidhean Croise

Juan 10:32

Ngani naghambae imaw kanda, “Abo nga kamaeayran ro ginpaobra kakon ku akon nga Ama ag hakita ron ninyo. Ano sa akong mga gin-obra ngato ro dahilan agod inyo ako nga eapugon it bato?”

Juan 10:37

Kon owa ako nagaobra it mga makangawa-ngawa nga bagay nga gintugyan kakon ku akong Ama hay ayaw 't-a ugaling ninyo ako pagpatihi.

Juan 10:38

Pero dahil nagaobra't-a ako ku mga bagay ngaron, maskin indi kamo magpati sa akong ginahambae, patihi lang ninyo ro mga makangawa-ngawa nakong ginaobra. Ag paagi karon hay masayran ninyo ag maeubtan nga ako ag ro akong Ama hay may maeueot gid nga kaangtanan nga matsa sambilog eang kami.”

Juan 11:47

Ngani ginpatawag ku mga Pariseo ag ku mga pinuno it mga saserdote ro tanan nandang kaibahan sa *Sanedrin. Hambae nanda, “Matsa owa 't-a it pueos ro atong ginaobra agod nga mapapundo ro haning tawo ngara, ay abo eo't-a nga mga milagrosong pamatuod ro anang ginahimo!

Juan 12:37

Bisan kaabo eon ro ginpakita ni Jesus nga mga milagrosong pamatuod sa atubang it mga tawo hay owa gihapon sanda nagtuo kana.

Juan 14:11

Patihi ninyo nga ako ag ro akong Ama hay sambilog eang. Pero kon indi kamo magpati karon dahil hambae ko manlang, patihi ron ninyo dahil sa mga makangawa-ngawa mismong mga butang nga akong ginaobra.

Juan 20:30

Kaabo pa't-a ro mga milagrosong pamatuod nga ginhimo ni Jesus nga hasaksihan ku anang mga sumueunod nga owa nakasueat dikara.

Juan 3:2

Isaeang gabii, nag-adto imaw kay Jesus ag naghambae, “*Rabbi, sayod kami nga ginpadaea ka it Dyos iya agod magturo kamon. Nakahambae ako kara dahil owa it makahimo ku mga milagroso nga pamatuod pareho sa imong mga ginahimo kon owa kana ro gahom it Dyos.”

Juan 7:31

Pero abo gihapon ro nagtuo kana sa kaabuon ngato nga mga tawo ag naghambae sanda, “Imaw gid-a ro matuod nga Maneueuwas nga ginpromisa it Dyos tungod kon bukon it imaw ra hay may maabot pa baea nga makahimo it mas abo pa nga milagrosong pamatuod kaysa kana?”

Juan 8:12

Tapos, naghambae pa gid si Jesus sa mga tawo, “Ako ro Iwag nga nagatao it kahayag sa paino-ino it mga tawo iya sa kalibutan. Ro nagasunod kakon hay indi magkabuhi sa kadueom, kundi mahayagan imaw ku Iwag nga nagatao it minatuod nga kabuhi.”

Juan 8:24

Mawron nga naghambae ako kinyo nga mamatay kamo nga owa mapatawad ro inyong mga saea. Kon indi kamo magpati sa akon nga ginahambae kon sin-o gid ako hay mamatay gid-a kamo nga owa mapatawad ro inyong mga saea.”

Juan 8:56

Kato anay, ro inyong lolo nga si Abraham hay nagkalipay tungod anang ginapaabot nga makita nana ro akong pag-abot riya. Ag hakita ron nana mawron nga nalipay gid imaw it duro.”

Juan 8:58

Nagsabat si Jesus, “Matuod gid rang ginahambae kinyo nga bago pa natawo si Abraham hay una eon ako.”

Mga Binuhatan 10:38

Habalitaan man siguro ninyo nga si Jesus nga tagaNazaret hay gintaw-an it Dyos it gahom paagi sa Espirito Santo nga una kana. Naglinibot imaw nga nagahimo it mayad, ag nagapamayad it mga ginapakalisdan ni Satanas. Nahimo ron nana dahil kaibahan nana permi ro Dyos.

Mga Binuhatan 2:22

Naghambae pa gid si Pedro, “Mga kadugo ko nga mga inapo ni Israel, pamati kamo sa akong ihambae ngara. Si Jesus nga tagaNazaret hay ginpadaea iya it Dyos. Ginpamatud-an ra kinyo it Dyos paagi sa mga makangawa-ngawa nga milagro ag mga milagrosong pamatuod nga anang gin-obra paagi kay Jesus. Sayod kamo kara ay iya ron nagkaeanabo kinyo.

Mga Hebreo 2:3

Kon makaruyon nga ginpinahan sanda dahil owa sanda nagpati sa ginsugid it mga anghel, paalin kita makalibre sa pina kon baliwalaon naton ro ginsugid it Ginuo parti sa kaeuwasan nga owa it katupong? Ro Ginuo mismo ro hauna nga nagsugid kara, ag ro mga nakabati kana hay nagpamatuod katon nga matuod ro mensahi ngaron.