Juan 10:24 - Inkeanon

²⁴ Pagkakita kana ku mga Judio hay gindueugupan nanda imaw ag ginhambae, “Hasta hin-uno mo pa't-a pahawat-hawaton ro among ginhawa? Prangkaha abi kami kon ikaw gid ro Maneueuwas nga ginpromisa it Dyos.”

Juan 10:24 Iomraidhean Croise

Mateo 11:3

Pag-abot idto, naghambae sanda kay Jesus, “Ginapapangutana kamon ni Juan kon ikaw eon baea kuno ro among ginapaabot nga ginpromisa it Dyos, o mahueat pa kami it iba?”

Marcos 8:32

Owa nana pagtueotagua kanda ro anang buot hambaeon. Gin-guyod dayon imaw ni Pedro sa binit ag ginsaway nga indi maghambae it makarato.

Lucas 3:15

Naghawat-hawat ro ginhawa it mga tawo ay eaom nanda hay si Juan eon ro Maneueuwas nga ginpromisa it Dyos.

Juan 1:19

Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 10:31

Pagkabati nanda kara, ro mga Judio hay nagpueueot eon man it bato, ag anda kunta nga eapugon si Jesus hasta mamatay.

Juan 10:33

Nagsabat ro mga Judio, “Owa ka namon ginaeapuga dahil sa imong mayad nga gin-obra, kundi dahil sa imong pag-insulto sa Dyos, ay ginatupungan mo't-a imaw bisan tawo ka man lang.”

Juan 16:25

Naghambae pa gid si Jesus, “Gagamit ako makaron it mga paanggid nga istorya sa pagsugid kinyo ku mga bagay ngara. Pero maabot ro oras nga indi eon ako maggamit karon kundi ihambae ko kinyo it diritso ag klaro ro parti sa Dyos Ama.

Juan 8:25

Ginpangutana nanda si Jesus, “Sin-o ka gi't-imo ay?” Nagsabat imaw, “Kon sin-o ako sinakon kinyo halin pa kato hay ruyon don.

Juan 8:53

Hay pa eabaw ka pa sa nagtaliwan namon nga lolo nga si Abraham ay? Namatay eon imaw pati ro mga propeta. Hay sin-o ka gid ing sinimo?”

Juan 9:22

Duyon sinanda ay nahadlok sanda sa mga manogdumaea ngato tungod nagkaeasugot ro mga manogdumaea nga ro bisan sin-o nga magkilaea nga si Jesus ro Maneueuwas nga ginpromisa it Dyos hay indi eon pagpasudlon sa sinagoga.

2 Corinto 3:12

Ngani, dahil kumbinsido kami nga matuod 't-a ro tanan ngara nga ginahambae namon mawron nga owa kami it kahadlok nga magwali parti kara.