Juan 10:13 - Inkeanon

¹³ Ginaaywanan ku makaruyong manogbantay ro mga karnero ay ginasuhuean man lang imaw, ag owa imaw nahakat kanda.

Juan 10:13 Iomraidhean Croise

Juan 10:12

Pero ro ginasuhuean eang nga manogbantay hay nagapaeagiw ag ginaaywanan ro mga karnero kon makakita imaw it mabangis nga sapat nga nagapaeangop. Ginaaywanan nana ro mga karnero ay bukon ma't-a abi it ana. Pangeagson dayon ku sapat ro mga karnero agod tabanon, ngani nagapatipeaag sanda tanan.

Juan 10:14

“Ako't-a ro mayad nga manogbantay it mga karnero. Kilaea ko gid ro akong mga karnero ag kilaea man nanda ako.

Juan 12:6

Ginhambae nana ron, bukon it dahil nga naeuoy imaw sa mga pobre kundi dahil manakaw imaw. Imaw abi ro gabuyot ku andang kwarta ag ginakupitan nana ra.

Mga Binuhatan 18:17

Pagkakita karon ku mga pumueuyo it Corinto nga idto nagatan-aw hay dinakop ag binakoe nanda si Sostenes nga manogdumaea it sinagoga it mga Judio ngato. Hakita man ra mismo ni Gallio pero owa gid imaw nanginhoe.

1 Corinto 7:32

Gusto ko nga owa kamo it ginapalitikan. Ro mga tumueuo nga eaki nga owa it asawa hay makasentro ku andang isip sa pagtuman ku kabubut-on it Ginuo ag kon paalin nanda imaw mataw-an it kalipay.

1 Corinto 7:33

Pero ro eaki nga may asawa hay nagaisip pa't-a ku anang mga responsibilidad sa anang pamilya ag kon paano nana mataw-an it kalipay ro anang asawa.

Mga TagaFilipos 2:20

Sa tanan nakong kabulig sa pagwali, ay Timoteo eang nga paino-ino ro nagakasinanto sa akon, ag ana gid nga kahaktan ro inyong ginakabangtan.