Juan 10:11 - Inkeanon

¹¹ Naghambae pa gid si Jesus, “Ako ro mayad nga manogbantay nga nagadipara gid ku akong mga karnero. Ro mayad nga manogbantay hay haom magsakripisyo ku anang kabuhi para sa anang mga karnero.

Juan 10:11 Iomraidhean Croise

Mateo 20:28

Makaruyon man ako nga Unga it Tawo. Owa ako nag-adto iya sa kalibutan agod nga serbihan kundi nga magserbi, ag magsakripisyo ku akong kabuhi agod tubson sa pina ku andang mga saea ro abo nga mga tawo.”

Juan 10:2

Pero ro gaagi sa pwertahan hay ro manogbantay gid-a it mga karnero idto.

Juan 15:13

Owa eon it paghigugma nga makatupong pa sa paghigugma it sangka tawo nga haom magsakripisyo ku anang kabuhi para sa anang mga amigo.

Mga TagaEfeso 5:2

Dapat nga higugmaon gid ninyo permi ro inyong isigkatawo pareho ku paghigugma ni Kristo katon. Ana pa ngani nga ginhaead ro anang kabuhi por dahil katon, bilang mahumot nga sakripisyo nga nakapalipay sa Dyos.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 13:20

Kabay pa nga ro Dyos nga ginahalinan it katawhayan hay magatao kinyo ku tanan ninyong kinahangeanon, agod matuman ninyo permi ro anang kabubut-on. Kabay pa nga paagi kay Jesu-Kristo hay himuon na sa atong kabuhi kon ano ro makapalipay gid kana. Ro Dyos ro nagbanhaw sa aton nga Ginuo nga si Jesus. Ginhimo nana ra dahil sa dugo ni Jesus nga anang ginpatueo tag ginsakripisyo imaw sa krus agod matuman ro bag-o nga kasugtanan nga owa it katapusan nga gintao it Dyos. Dahil sa anang sakripisyo ngato hay nangin owa it katupong imaw nga manogbantay naton nga pareho it anang mga karnero. Dayawon ta imaw hasta sa owa it katapusan.

1 Pedro 5:4

Ag kon magbalik eon si Kristo nga Pinakapinuno naton tanan nga mga manogdumaea it mga tumueuo hay ana kita nga premyuhan it owa't katapusan nga kadungganan.

1 Juan 3:16

Naintindihan naton kon ano ro kahueugan it gugma tungod hakita naton nga ginhaead ni Kristo ro anang kabuhi por dahil katon. Ngani dapat man naton nga ihaead ro atong kabuhi sa pagserbi sa atong mga igmanghod sa pagtuo, bisan ikamatay pa naton.

Pahayag 7:17

Ro Tiyo it Karnero abi nga una sa atubang it trono it Dyos ro magabantay kanda pareho it manogbantay it karnero ag magadaea kanda permi sa mga tuburan nga nagatao it kabuhi nga owa it katapusan. Pagapahiron man it Dyos ro euha sa andang mga mata ag owa eon it makapatangis pa kanda it uman.”