Juan 10:1 - Inkeanon

¹ Nagturo si Jesus sa mga Judio paagi sa rayang paanggid nga istorya. Hambae nana, “Matuod gid rang ginahambae kinyo nga ro owa nagaagi sa pwertahan it toril ku karnero kundi nagatakeas sa kurae, ruyon ngaron hay manakaw ag buyong.

Juan 10:1 Iomraidhean Croise

Mateo 7:15

Naghambae si Jesus, “Mag-andam gid kamo sa mga nagapakuno-kuno nga mga manogturo ku mensahi it Dyos nga nagaadto kinyo. Nagapakuno-kuno sanda nga mga mabuot pareho it karnero pero mga mabangis gali pareho it mga bang-aw.

Juan 10:7

Ngani nag-istorya it uman kanda si Jesus. Sinana, “Matuod gid rang ginahambae kinyo nga ako ro pwertahan nga dapat agyan it mga karnero.

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Mga TagaRoma 10:15

Ag paalin man makawali ro manogwali kon owa it magpapanaw kana agod magwali? Pero may ginpapanaw ro Dyos nga mga manogwali ay nasueat sa Sagrado nga Kasueatan nga, “Kanami gid kon may nagaabot nga nagadaea it mayad nga balita.”

Mga TagaRoma 16:18

ay ro nagaobra it makaruyon hay owa nagaserbi kay Kristo nga atong Ginuo kundi nagapinagusto sanda sa mga maeain nga handom ku andang eawas. Mga manami nga mga pamisaea ro andang ginahambae kon mag-istorya ag mayad man sanda magpang-into ngani madali nanda hipataeang ro mga mapati-patihon.

Tito 1:11

Dapat nga papunduhon ron sanda, ay may mga pamilya abi nga ro tanan nga myembro hay nasamad eon ro pagtuo sa anda ngaron nga ginaturo nga indi dapat ituro. Ag isaea pa hay nagaturo sanda agod eang makapangwarta.

Mga Hebreo 5:4

Owa it makabutang ku anang kaugalingon sa dungganon nga katungdanan bilang pinakapinuno nga saserdote. Dapat 't-a hay tawgon ag ibutang imaw it Dyos sa ruyon nga katungdanan, parehas kay Aaron kato anay.

1 Pedro 1:10

Rayang pagpakamaayo it Dyos, nga kaeuwasan ninyo hay ginhambae ku mga propeta nana kato anay nga matabo sa ulihi, pero sanda mismo hay owa kara kaeubot, ngani gin-inistudyuhan ag gin-inusisa nanda ra.

2 Pedro 2:1

Pero kato anay, sa mga inapo ni *Israel hay may mga nagaako nga propeta man sanda it Dyos, pero nagapakuno-kuno man lang gali. Makaruyon man inha kinyo ay may magaako man nga manogturo sanda it mensahi it Dyos pero bukon ron it matuod. Magaturo sanda it saea nga makasamad sa pagtuo it mga tawo. Ag anda pa nga ipanghiwaea ro Ginuo nga nagtubos kanda. Ngani nagasako ma't-a sanda nga pinahan sa impyerno hasta sa owa't katapusan.

2 Pedro 2:3

Mga hangoe it kwarta ro mga manogturo ngaron, ngani magaimbento sanda it istorya agod eang makapangkwarta kinyo. Pero hasintinsyahan eon sanda it Dyos kato pa ag matuman gid ron. Owa imaw nagakatueog ag haom imaw nga pinahan sanda sa impyerno hasta sa owa it katapusan.

1 Juan 4:1

Mga pinalangga, ayaw kamo magpati sa tanan nga mga nagahambae nga ro andang ginaturo hay halin sa Espirito Santo, kundi testingi kon ro andang mga ginaturo hay halin matuod sa Dyos. Abo eo't-a abi nga mga nagapakuno-kuno nga mga propeta nga nagaeapnaag bisan siin nga parti it kalibutan.