Juan 1:9 - Inkeanon

⁹ Ro matuod 't-a ngaron nga Iwag hay tag nag-adto riya sa kalibutan, nga nagatao it kahayag sa paino-ino it tanan nga tawo.

Juan 1:9 Iomraidhean Croise

Mateo 6:23

Pero kon madueom ro imong panueok, apektado man ro imong bilog nga eawas. Ngani kon eaom mo hay nahayagan ro imong paino-ino pero sa minatuod hay nadueman gali, una gid sa grabi nga kadueom ro imong kahimtangan.

Lucas 11:36

Pero kon ro bilog nimo nga pagkabuhi hay nahayagan it mayad ag owa it bisan sangkiri nga kadueom hay mahayagan it husto ro imong paino-ino pareho it tawo nga ginaiwagan it kahayag-hayag nga iwag.”

Juan 1:4

Una kana ro minatuod nga kabuhi nga pareho it iwag nga nagahayag sa paino-ino it mga tawo.

Juan 1:7

agod magpamatuod parti sa ginatawag nga Ro Iwag, agod paagi sa anang pagpamatuod hay magatuo sa Iwag ngaron ro tanan nga tawo.

Juan 12:46

Ako ro Iwag nga nag-adto iya sa kalibutan agod ro bisan sin-o nga nagatuo kakon hay indi eon magkabuhi sa kadueom.

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 15:1

Bago sanda nagpanaw, nagturo anay si Jesus paagi sa rayang halimbawa. Hambae nana, “Ako ro minatuod nga puno it ubas ag ro akon nga Ama ro manogdipara.

Juan 6:32

Nagsabat si Jesus, “Matuod gid rang ginahambae kinyo nga bukon 't-a it si Moises ro nagtao it pagkaon ngato nga halin sa eangit kundi ro akon nga Ama. Ag ro anang ginatao makaron kinyo hay bukon it manna kundi ro minatuod nga pagkaon halin sa eangit.

Juan 7:12

Ro mga tawo ma't-a nga nagtililipon sa Jerusalem hay nagabinais parti kay Jesus. May mga gahambae, “Mayad ma't-a imaw nga tawo a.” Pero ro iba ma't-a hay gahambae, “Mayad gali ruyon nga ginapataeang 't-a nana ro mga tawo!”

1 Juan 1:8

Kon maghambae kita nga owa kita it saea hay ginaluko eang naton ro atong kaugalingon, tungod owa gid nakatanom sa atong paino-ino ro kamatuuran nga ginpahayag it Dyos parti sa saea.

1 Juan 2:8

Pero matsa bag-o man ro sugo ngara sa mga tawo, tungod sa kabuhi ag kamatayon ni Jesu-Kristo, atong primero nga hakita kon ano ro matuod nga gugma, ag hakita man ron namon sa inyong kabuhi makaron. Nahambae ko ron tungod owa eon kamo naduemi pareho anay kato tag nagakabuhi pa kamo sa saea, pero makaron hay nahayagan eon kamo paagi sa matuod nga kahayag nga halin sa Dyos.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.