Juan 1:51 - Inkeanon

⁵¹ Matuod gid ro akong ginahambae kinyo nga makita ninyo nga magabukas ro eangit ag makita ninyo ro mga anghel it Dyos nga nagasaka-panaog paadto kakon nga *Unga it Tawo.”

Juan 1:51 Iomraidhean Croise

Mateo 25:31

Naghambae pa gid si Jesus, “Kon magbalik eon ako nga Unga it Tawo nga may grabi nga kasilaw ag kaibahan ku tanan nga mga anghel hay magapungko dayon ako sa akon nga trono ag magahari nga may kadungganan nga indi matupungan.

Mateo 26:24

Magataliwan eon ako nga Unga it Tawo suno sa nasueat sa Sagrado nga Kasueatan. Pero makaeueuoy ro magatraidor kakon ay makangingidlis gid ro matabo kana sa ulihi. Mas mayad pa nga owa eon lang imaw matawo sa rayang kalibutan.”

Mateo 3:16

Pagkabawtismo kay Jesus hay nagbutwa imaw. Pagkabutwa nana hay nagbukas dayon ro eangit ag nakita nana ro Dyos Espirito Santo nga nagapanaog nga kaitsura it salampati ag naghapon kana.

Mateo 4:11

Tapos, naghalin si Satanas ag nag-abot dayon ro mga anghel it Dyos ag andang gintatap si Jesus.

Mateo 8:20

Nagsabat si Jesus, “Ro mga sapat sa taeon hay may buho nga ginaulian. Ro mga pispis hay may pugad, pero ako nga *Unga it Tawo hay owa gid it bisan maeugban.”

Mateo 9:6

Pero pamatud-an ko kinyo nga ako nga Unga it Tawo hay may otoridad nga magpatawad it mga saea iya sa kalibutan.” Ginhambae rayon nana ro paralitiko, “Bangon, hakwata ro imong eugban ag umuli.”

Marcos 1:10

Pagkabawtismo kana, nagbutwa imaw ag nakita nana nga nagbukas ro eangit ag nagapanaog kana ro Espirito Santo nga kahitsura it salampati.

Marcos 14:62

Nagsabat si Jesus, “Huo, ako. Sa ulihi hay hikita ninyo ako nga Unga it Tawo nga nagapungko sa pinakadungganon nga pwesto sa tuo it Makagagahom nga Dyos. Hikita man ninyo ako sa daeaura sa akong pagbalik sa kalibutan.”

Lucas 2:13

Gulpi dayon nga nag-iba sa anghel ngato ro kaabo-abo pa gid nga mga anghel halin sa eangit. Nagdayaw sanda sa Dyos. Sinanda,

Lucas 2:9

Gulpi eang dayon nga may nagpakita kanda nga anghel it Ginuong Dyos ag ginhayagan sanda ku grabi nga kasilaw it Dyos. Hinadlukan gid sanda it duro.

Lucas 22:43

[May nagpakita dayon nga anghel halin sa eangit nga nagpabaskog ku anang buot.

Lucas 22:69

Pero umpisa makaron, ako nga Unga it Tawo hay magapungko sa pinakadungganon nga pwesto sa tuo it Makagagahom nga Dyos.”

Lucas 24:4

Naglitik ro andang ueo kon ano ro natabo. Samtang nagainisip sanda hay gulpi eang dayon nga may daywang ka tawo nga nagtindog maeapit kanda nga kasilaw-silaw ro andang eambong.

Lucas 3:21

Tag owa pa't-a si Juan hapapriso hay nagpangbawtismo imaw it kaabo nga mga tawo. Kaibahan man dikato si Jesus. Tag nagapangamuyo si Jesus pagkabawtismo kana hay nagbukas ro eangit

Juan 1:50

Nagsabat si Jesus, “Gatuo ka baea kakon ay naghambae ako nga nakita ta eo't-ing sa puno it higera? Pero sobra pa't-a kara ro imong hikita nga mga makangawa-ngawang mga butang.

Juan 10:1

Nagturo si Jesus sa mga Judio paagi sa rayang paanggid nga istorya. Hambae nana, “Matuod gid rang ginahambae kinyo nga ro owa nagaagi sa pwertahan it toril ku karnero kundi nagatakeas sa kurae, ruyon ngaron hay manakaw ag buyong.

Juan 10:7

Ngani nag-istorya it uman kanda si Jesus. Sinana, “Matuod gid rang ginahambae kinyo nga ako ro pwertahan nga dapat agyan it mga karnero.

Juan 13:16

Matuod gid rang ginahambae kinyo nga ro ulipon hay bukon it eabaw pa sa anang amo ag ro ginpadaea nga tawo hay bukon it eabaw pa sa nagpadaea kana.

Juan 13:38

Nagsabat si Jesus, “Ano sinimo? Haom ka nga isakripisyo ro imong kabuhi para kakon? Matuod gid rang ginahambae kimo nga bago magpamaeo ro manok hay ipanghiwaea mo it tatlong beses nga sumueunod nakon ikaw.”

Juan 14:12

“Matuod gid rang ginahambae kinyo nga ro nagatuo kakon hay magahimo it mga makangawa-ngawa pareho sa akong mga ginapanghimo, ag mas pa karon ro anang pagahimuon tungod gabalik eon ako sa akong Ama.

Juan 16:20

Matuod gid rang ginahambae kinyo nga maueahab kamo ag magatangis sa kasubo samtang ro mga owa nagatuo kakon hay magakalipay. Matuod nga magakasubo kamo pero pagabayluhan man ron sa ulihi it kalipay.

Juan 16:23

Sa ulihi hay bukon eon it ako ro inyong ginapangayuan. Matuod gid rang ginahambae kinyo nga bisan ano ro inyong pangayuon sa akong Ama sa akong ngaean hay itao ron nana kinyo.

Juan 21:18

Hambae pa gid ni Jesus kana, “Pedro, kat bata ka pa hay ikaw 't-a ro gapahaom kon gapanaw ka ag pagusto ka man kon siin maadto. Pero matuod gid rang ginahambae kimo nga kon maggueang ka eon hay alsahon mo ro imong mga alima, ag may gahigot it kaeat sa imong eawas ag daehon ka sa kon siin owa ka naila mag-adto.”

Juan 3:3

Nagsabat si Jesus, “Matuod gid rang ginahambae kimo nga kon ro isaeang ka tawo hay indi matawo it uman, indi imaw hitapoe sa mga sinakpan it Dyos.”

Juan 3:5

Nagsabat si Jesus, “Matuod gid rang ginahambae kimo nga kon ro tawo hay indi matawo paagi sa tubi ag paagi sa Espirito Santo hay indi imaw hitapoe sa mga sinakpan it Dyos.

Juan 5:19

Ngani naghambae si Jesus sa mga manogdumaea ngato, “Matuod gid rang ginahambae kinyo nga Ako nga Unga it Dyos hay indi puydi nga mag-obra it akon-akon eang kundi ro akon eang nga ginaobra hay kon ano ro akong hasayran nga gusto ku akong Ama nga obrahon. Ngani ro mga ginaobra it Dyos Ama hay anang ginaobra paagi kakon nga anang Unga.

Juan 5:27

Gintaw-an man nana ako it otoridad nga maghukom sa mga tawo tungod ako ro Unga it Tawo.

Juan 6:26

Nagsabat si Jesus, “Matuod gid rang ginahambae kinyo nga ginausoy ninyo ako bukon it dahil haeubtan ninyo ro kahueugan it mga milagrosong pamatuod nga hakita ninyo, kundi dahil nagkaeabusog kamo ku tinapay nga ginpakaon ko kinyo.

Juan 6:32

Nagsabat si Jesus, “Matuod gid rang ginahambae kinyo nga bukon 't-a it si Moises ro nagtao it pagkaon ngato nga halin sa eangit kundi ro akon nga Ama. Ag ro anang ginatao makaron kinyo hay bukon it manna kundi ro minatuod nga pagkaon halin sa eangit.

Juan 6:47

Matuod gid rang ginahambae kinyo nga ro bisan sin-o nga nagatuo kakon hay may ana eon nga kabuhi nga owa it katapusan.

Juan 6:53

Ngani naghambae si Jesus kanda, “Matuod gid rang ginahambae kinyo nga kon indi ninyo pagkan-on ro eawas nakon nga Unga it Tawo, ag kon indi ninyo pag-imnon ro akon nga dugo hay owa kamo it kabuhi nga owa it katapusan.

Juan 8:34

Nagsabat si Jesus, “Matuod gid rang ginahambae kinyo nga ro tanan nga nagapadayon sa pagpakasaea hay mga ulipon it saea.

Juan 8:51

Matuod gid rang ginahambae kinyo nga ro nagapati ag nagatuman sa akong ginahambae hay indi mamatay bisan hasta hin-uno.”

Juan 8:58

Nagsabat si Jesus, “Matuod gid rang ginahambae kinyo nga bago pa natawo si Abraham hay una eon ako.”

Mga Binuhatan 10:11

Hakita nana nga nagbukas ro eangit ag may gintuntun sa eugta nga matsa maeapad nga tela nga may higot sa ap-at nga pamusod kato.

Mga Binuhatan 7:56

Hambae ni Esteban, “Haron! Bukas ro eangit ag kita ko ro *Unga it Tawo nga nagatindog sa tuo it Dyos!”

2 Tesalonica 1:7

ag papahuwayon nana kamo nga ginapakalisdan makaron, pati man kami. Matuman ra kon magbalik eon si Ginuong Jesus halin sa eangit, kaibahan ku anang mga gamhanan nga anghel.

2 Tesalonica 1:9

Ro pina kanda hay owa it katapusan nga kasamaran nga ro buot hambaeon hay pagkahamueag sa Ginuo hasta sa owa it katapusan. Indi eon gid nanda masamitan ro anang makangawa-ngawa nga gahom.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Mga Hebreo 1:14

Hay ano gali ro mga anghel kon mawron? Sanda ro mga indi makita nga mga tinuga nga nagaserbi sa Dyos, ag sanda hay ana nga ginapadaea para sa ikamayad ku mga tawo nga ro dangaton hay kaeuwasan halin kana.

Judas 1:14

Si Enoc nga isaea sa ikapito nga henerasyon nga halin sa linahi ni Adan hay may ginhambae nga mensahi halin sa Dyos kato pa parti sa mga manogturo ngara. Hambae nana, “Tan-awa ninyo, maabot ro Ginuo kaibahan ro linibo-libo nanang mga balaan nga anghel

Pahayag 19:11

Hakita ko dayon nga nagbukas ro eangit ag abaw, may puti't-a idto nga kabayo. Ro nagasakay dikato hay tag ginatawag nga Masaligan ag Bukon it Purilon. Matarong gid imaw kon maghusgar ag kon magpakig-away sa mga nagakuntra kana.

Pahayag 4:1

Pagkatapos karon, nagtangda ako sa eangit ag nakakita ako it bukas nga pwertahan. Habatian ko it uman ro limog nga matsa tunog it trumpeta kon pamatian. Hambae nana, “Saka iya ay ipakita ko kimo kon ano ro dapat nga matabo sa paeaabuton.”