Juan 1:29 - Inkeanon

²⁹ Pagkamasunod nga adlaw, hakita ni Juan si Jesus nga nagapaeangop kana. Naghambae si Juan, “Tan-awa ninyo. Haron ro *Tiyo it Karnero nga gintao it Dyos bilang pangsakripisyo agod hipatawad ro kasae-anan it katawhan!

Juan 1:29 Iomraidhean Croise

Mateo 1:21

Magaunga imaw it eaki ag pangaeanan mo ro eapsag it Jesus ay imaw ro magaeuwas ku anang mga katawhan sa pina ku andang mga saea.”

Mateo 20:28

Makaruyon man ako nga Unga it Tawo. Owa ako nag-adto iya sa kalibutan agod nga serbihan kundi nga magserbi, ag magsakripisyo ku akong kabuhi agod tubson sa pina ku andang mga saea ro abo nga mga tawo.”

Juan 1:35

Pagkamasunod nga adlaw, idto eon man si Juan sa pangpang it Jordan, kaibahan ro daywa ku anang mga sumueunod.

Juan 1:36

Nakita nana si Jesus nga nagaagi ag gintinueok ra nana. Naghambae dayon si Juan, “Tan-awa tuo ninyo. Haron ro *Tiyo it Karnero nga gintao it Dyos bilang pangsakripisyo!”

Juan 1:43

Pagkamasunod nga adlaw, nagdesisyon si Jesus nga maadto sa probinsya it Galilea. Ku ulihi, hakita nana si Felipe ag ginhambae nana ra, “Mus, sunod kakon bilang akong sumueunod.”

Juan 2:1

Pagkataliwan it daywang adlaw, may kasae sa banwa it Cana nga idto sa probinsya it Galilea. Nag-adto ro ina ni Jesus.

Juan 3:16

“Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.

Juan 4:42

Hambae ku mga tawo sa bayi ngato, “Gatuo eon kami makaron bukon eang it dahil sa imong ginsugid, kundi dahil habatian namon mismo ro anang hambae. Ngani sigurado eon kami nga imaw matuod ro Maneueuwas it mga tawo sa bilog nga kalibutan.”

Juan 6:51

Ako nga naghalin sa eangit rondayang pagkaon nga nagatao it minatuod nga kabuhi. Ag ro magakaon ku pagkaon ngara hay magakabuhi hasta sa owa it katapusan. Ag ro pagkaon ngani ngara nga itao nakon sa mga tawo sa kalibutan agod magakabuhi sanda hay ro akon nga eawas.”

Mga Binuhatan 13:39

Sa pagsalig ag pagtuo eang kay Jesus mabilang nga matarong sa mata it Dyos ro bisan sin-o.

Mga Binuhatan 8:32

Ro parti ngato it Sagrado nga Kasueatan nga ginabasa ku opisyal hay raya: “Owa gid imaw magreklamo bisan ginapaantos. Pareho imaw it karnero nga bisan ginadaea sa matansahan hay nagasunod ea't-a. Ag pareho man imaw it tiyo it karnero nga owa gid nagakalimog kon ginabueog ro anang baeahibo.

1 Corinto 15:3

Sa akong ginturo kinyo, nga ginturo man kakon, ro mga pinakaimportanti nga bagay hay raya: si Kristo hay namatay agod mapatawad ro atong mga saea suno sa nasueat sa Sagradong Kasueatan.

2 Corinto 5:21

Bisan owa gid it saea si Kristo, ginbilang imaw it Dyos nga imaw 't-a ro nag-obra it atong mga saea. Ag ginpinahan imaw it kamatayon dahil karon agod bilangon kita it Dyos nga matarong sa anang panueok.

Mga TagaGalacia 1:4

Ginhaead ni Jesu-Kristo ro anang kabuhi agod matubos kita sa pina ku atong mga saea ag agod hilwayon kita sa paggahom it kaeainan sa rayang tyempo. Ro anang ginhimo ngato hay suno sa pagbuot it Dyos nga aton man nga Ama.

Mga TagaGalacia 3:13

Gintubos kita ni Kristo sa pina ku aton nga pageapas sa Kasuguan, tungod imaw ro ginpinahan imbis nga kita. Natabo kana ro nasueat sa Sagrado nga Kasueatan nga, “Ro tanan nga pinatay ag einansang sa kahoy hay ginpinahan it Dyos.”

1 Timoteo 2:6

Imaw ro nagsakripisyo ku anang kabuhi agod tubson ro tanan nga tawo sa pina ku andang mga saea. Nagapakilaea ra nga ro kaeuwasan hay para sa tanan nga rasa it tawo, ag raya eon ro oras nga dapat ipasayod ra sa tanan.

Tito 2:14

Ginhaead nana ro anang kaugalingon para katon agod nga hilwayon kita sa pina ku tanan naton nga pagbaliwala sa Kasuguan it Dyos, ag agod nga malimpyuhan kita sa atong kasae-anan, ag mangin ana eamang nga katawhan nga ganado permi mag-obra it mayad.

Mga Hebreo 1:3

Ro pagkadaeayawon ag kadungganan it Dyos hay makita man sa anang Unga. Kon mauno gid ro kinaiya it Dyos hay makaruyon gid ro anang Unga. Imaw ro nagapapadayon sa tama nga kaayusan ku tanan-tanan, ag nagakontrol ku tanan paagi sa gahom ku anang hambae. Paagi sa anang kamatayon hay ginlimpyuhan nana kita sa atong mga saea. Pagkahimo nana kato hay nagbalik imaw sa eangit ag nagpungko sa pinakadungganon nga pwesto sa tuo it eabing dungganon nga Dyos.

Mga Hebreo 2:17

Ngani agod makabulig matuod imaw hay dapat nga mangin matuod imaw nga tawo pareho gid katon nga anang mga igmanghod ag maagyan ro tanan natong ginaagyan. Paagi karon, nangin maeueuy-on ag masaligan imaw nga Pinakapinuno nga Saserdote nga nagarepresentar katon sa Dyos agod mapatawad ro mga saea naton nga mga tawo.

Mga Hebreo 9:28

Imaw ron nga si Kristo hay kaisaea gid lang nagsakripisyo ku anang kaugalingon agod mabuoe ro kasae-anan it mga tawo. Ag kon magbalik eon imaw iya sa kalibutan hay bukon it agod isakripisyo it uman ro anang kaugalingon agod mabuoe ro aton nga mga saea, kundi agod kumpletuhon ro kaeuwasan ku mga nagapaabot gid kana.

1 Pedro 1:19

kundi ro mahaega nga dugo ni Kristo. Pareho imaw it tiyo it karnero nga manami ro eawas, ag owa gid it diperensya nga haead sa Dyos.

1 Pedro 2:24

Imaw mismo ro nagpanabat sa atong mga kasae-anan tag namatay imaw sa krus. Ginhimo ron nana agod mamatay ro atong kaila sa pagpakasaea ag magakabuhi kita it matarong. Paagi sa anang haagyan nga grabing kasakitan, kamo hay ginmayad.

1 Pedro 3:18

Ro halimbawa karon hay si Kristo nga nag-antos bisan owa gid imaw nagkasaea. Matarong gid imaw pero namatay imaw para sa mga bukon it matarong, agod ipaeapit kamo nana sa Dyos. Kaisaea eang imaw namatay pero tama eon rato para mapatawad ro mga kasae-anan it tawo. Ginpatay ro anang kalibutanon nga eawas pero ginbanhaw imaw nga may eawas nga espirituhanon.

1 Juan 2:2

Ag paagi sa kamatayon ni Jesu-Kristo hay ginpatawad eon kita sa atong mga saea. Namatay imaw bukon eang it dahil sa atong mga saea kundi dahil man sa saea it tanan nga mga tawo.

1 Juan 3:5

Pero hasayran eon ninyo nga nag-adto riya si Kristo agod bue-on ro kasae-anan it mga tawo, ag imaw mismo hay owa gid it saea.

1 Juan 4:10

Ro matuod nga kahueugan it gugma hay bukon it tag makita sa atong paghigugma sa Dyos kundi sa anang paghigugma katon, tag ginpaadto na riya ro anang unga agod paagi sa ana ngara nga unga hay mapatawad ro atong mga saea.

Pahayag 12:11

Pero ginperdi nanda imaw paagi sa dugo ku ginatawag nga Tiyo it Karnero nga ginsakripisyo para sa andang mga saea, ag paagi sa andang pagpamatuod parti kay Jesus, bisan sayod nanda nga andang ikamatay ron.

Pahayag 13:8

Ngani simbahon ro sapat ngato ku tanan nga tawo sa bilog nga kalibutan, nga ro mga ngaean hay owa nasueat sa listahan ku mga gintaw-an it kabuhi nga owa it katapusan. Ro mga ngaean ma't-a abi ku mga gintaw-an it kabuhi ngaron hay nasueat eon bago pa gintuga ro kalibutan, sa listahan ngaron nga ana ku Tiyo it Karnero nga ginsakripisyo para sa kasae-anan it tawo.

Pahayag 14:1

Nagtan-aw ako it uman ag hakita ko ro Tiyo it Karnero nga nagatindog idto sa Bukid it Zion. Kaibahan nana ro 144,000 nga ka tawo nga ginmarkahan sa andang dahi ku ngaean ku Tiyo it Karnero ag ku ngaean ku anang Ama.

Pahayag 14:10

hay paimnon gid ku puro nga makahieilong nga ilimnon it Dyos nga nagasimbolo ku anang grabi nga pina. Haom eon imaw sa pagpina kanda nga owa it kueukaeuoy. Pagapinahan sanda paagi sa kaeayo ag nagadaba-daba nga asupre samtang nagatan-aw ro mga anghel it Dyos ag ro Tiyo it Karnero.

Pahayag 14:4

Sanda ra hay pareho sa mga eaki nga owa gid naghulid sa bukon nanda it asawa ay ro Tiyo it Karnero eang gid ro andang ginasimba. Raya ra sanda ro nagasinunod sa Tiyo it Karnero bisan siin imaw mag-adto. Sanda raya ro mga gintubos sa mga katawhan iya sa kalibutan ag ana sanda it Dyos ag ku Tiyo it Karnero, pareho sa primerong ani nga ginahaead sa Dyos.

Pahayag 15:3

Nagakanta sanda it kanta it pagdayaw sa Dyos pareho kanday Moises nga nagserbi anay sa Dyos. Kanta man rato ku Tiyo it Karnero. Raya ro andang kanta: “Ginuong Dyos nga makagagahom, ro imong buhat hay makakilibot ag makangawa-ngawa. Ikaw nga Hari it tanan nga rasa it tawo, matarong gid ag tama tanan ro imo nga mga hinimuan.

Pahayag 17:14

Girahon nanda ro Tiyo it Karnero pero dahil imaw ra ro Pinakaginuo ku tanan nga manogdumaea ag Pinakahari ku tanan nga hari, perdihon nana sanda kaibahan ku anang mga masaligan nga katawhan nga anang pinili ag tinawag.”

Pahayag 19:7

Magkalipay kita it husto ag dayawon ta imaw ay nag-abot eon ro oras ku kasae it Tiyo it Karnero ag haom eon ro anang nobya.

Pahayag 19:9

Naghambae dayon kakon ro anghel, “Sueatan ra. Bulahan ro mga ginkangay sa ponsyon ku kasae it Tiyo it Karnero.” Ag naghambae pa gid imaw kakon, “Matuod raya nga mga hambae it Dyos.”

Pahayag 21:14

Ro mga pundasyon ku pader ngato hay human sa dose nga ka maeagko nga mga bato ag nakasueat man sa kada bato ro ngaean ku kada sambilog sa dose nga ka apostoles ku Tiyo it Karnero.

Pahayag 21:27

Owa gid it bisan ano nga mahigko sa mata it Dyos nga makasueod idto. Indi man idto makasueod ro mga nagahimo it mga makangingil-ad nga mga butang o ro mga purilon. Ro makasueod eang idto hay ro mga nakasueat ro andang ngaean sa kasueatan it Tiyo it Karnero, nga listahan it mga gintaw-an it kabuhi nga owa it katapusan.

Pahayag 21:9

Nagpaeapit dayon kakon ro isaea sa pitong ka anghel ngato nga may daea nga pito ngato nga katapusan nga ka kaeaeat-an sa andang maeukong. Hambae nana kakon, “Maliya, ipakita ko kimo ro nobya nga mangin asawa it Tiyo it Karnero.”

Pahayag 5:6

Hakita ko dayon ro sangka Tiyo it Karnero nga nagatindog sa atubang it trono ngato nga ginalibutan ku ap-at ngato nga ka buhi nga mga tinuga ag ku 24 ngato nga ka manogdumaea. Kon tan-awon hay matsa hapatay eon dati ro Tiyo it Karnero ngato. May anang pitong ka sungay ag pito man nga ka mata nga nagasimbolo ku pitong ka Espirito it Dyos nga anang ginpapanaw sa bilog nga kalibutan.

Pahayag 5:8

Pagkabuoe na kato, ro ap-at nga ka buhi nga tinuga ag ro 24 nga ka manogdumaea ngato hay naghapa sa atubang it Tiyo it Karnero. Kada isaea kanda hay may ginabuytan nga harpa ag maeukong nga bueawan nga puno it insenso. Ro insenso ngato hay simbolo ku mga pangamuyo ku mga katawhan it Dyos.

Pahayag 6:1

Ag samtang gatan-aw ako hay ginsamad ku Tiyo it Karnero ro isaea sa pitong ka selyo ku ratong binaeueon nga sueueatan. Habatian ko dayon ro isaea sa ap-at nga ka buhi nga tinuga nga naghambae nga ro anang limog hay parehas it daeugdog. Hambae nana, “Maliya.”

Pahayag 6:16

Nagsinggit sanda tanan sa mga bukid ag sa mga bato, “Tup-ayi kami agod hitabunan kami ag indi kami hikita ku nagapungko sa trono, ag agod indi namon hisamitan ro kaakig ku Tiyo it Karnero!

Pahayag 7:14

Nagsabat ako, “Tao ngani, Sir, owa ako kasayod. Ikaw 't-a ro nakasayod karon.” Nagsabat imaw, “Daya ro mga nakaagi it grabi nga kalisdanan pero nakalibre. Gineabhan ag ginpaputi nanda ro andang mga eambong sa dugo it Tiyo it Karnero.

Pahayag 7:17

Ro Tiyo it Karnero abi nga una sa atubang it trono it Dyos ro magabantay kanda pareho it manogbantay it karnero ag magadaea kanda permi sa mga tuburan nga nagatao it kabuhi nga owa it katapusan. Pagapahiron man it Dyos ro euha sa andang mga mata ag owa eon it makapatangis pa kanda it uman.”