Juan 1:21 - Inkeanon

²¹ Nagsabat sanda, “Hay sin-o ka't-ing? Si Propeta Elias ka baea nga nagbalik?” Nagsabat si Juan, “Bukon a.” “Ro Propeta ka baea nga ginpromisa it Dyos?” pangutana eon man nanda. “Bukon man,” sabat ni Juan.

Juan 1:21 Iomraidhean Croise

Mateo 11:14

Kon magpati kamo sa akong ihambae ngara hay maeubtan ninyo nga ro ginsueat kato ku sangka propeta nga magabalik si Elias sa ulihi hay owa napatungod kay Elias mismo kundi kay Juan 't-a.

Mateo 16:14

Nagsabat ro anang mga sumueunod, “May gahambae nga si Juan nga Manogbawtismo ka kuno. Kon sa iba ma't-a, ikaw kuno kat si Elias anay ag sinanda ma't-a ku iba hay kat si Propeta Jeremias ka kuno. Sa iba pa gid hay isaea ka kuno sa iba pang mga propeta kato anay.”

Mateo 21:11

“Ro propeta nga si Jesus ron, nga tagaNazaret nga sa probinsya it Galilea,” sabat ku mga tawo nga nagasueunod kay Jesus.

Lucas 1:17

Mauna imaw sa Maneueuwas. Mangin pareho man imaw kay anay Propeta Elias nga owa it nahadlukan ag may kaisog it buot. Pahaumon nana ro mga tawo sa pag-abot it Ginuo. Paagi sa anang ginaturo hay pabalikon nana ro mayad nga relasyon ku mga ama sa andang mga unga, ag pabag-uhon nana ro paino-ino ku mga bukon it masinueundon sa Dyos agod ro andang paino-ino hay mangin pareho ku ana it mga matarong nga mga tawo.”

Juan 1:22

Pinangutana pa gid nanda imaw, “Sugiri kami kon sin-o ka gid agod may isugid man kami sa mga nagpaadto kamon iya. Sin-o ka sinimo?”

Juan 1:25

Pinangutana eon man nanda si Juan, “Hay ano ro imong otoridad nga magpangbawtismo kon bukon man gali it ikaw ro Maneueuwas nga ginpromisa it Dyos, bukon ka man it si Elias, ag bukon ka man it Propeta ngato nga ginpromisa it Dyos?”

Juan 6:14

Pagkakita ku mga tawo ku milagrosong pamatuod nga ginhimo ni Jesus, naghambae sanda, “Imaw eon gid-a ra ro propeta nga ginpromisa it Dyos nga paadtunon iya sa kalibutan.”

Juan 7:40

Ro iba nga nagapamati sa ginhambae ni Jesus hay naghambae, “Imaw eon gid ra ro Propeta nga ginpromisa it Dyos!”