Juan 1:19 - Inkeanon

^19-20 Kaisaea kato hay may mga *saserdote ag mga Levita nga ginsugo ku mga manogdumaea it mga Judio sa Jerusalem nga mag-adto kay Juan nga Manogbawtismo ag magpangutana kon sin-o gid-a matuod imaw. Ginsabat sanda ni Juan it diritso ag owa imaw it gintago kanda. Rondaya ro anang sabat kanda, “Bukon it ako ro Maneueuwas nga ginpromisa it Dyos.”

Juan 1:19 Iomraidhean Croise

Juan 1:7

agod magpamatuod parti sa ginatawag nga Ro Iwag, agod paagi sa anang pagpamatuod hay magatuo sa Iwag ngaron ro tanan nga tawo.

Juan 10:24

Pagkakita kana ku mga Judio hay gindueugupan nanda imaw ag ginhambae, “Hasta hin-uno mo pa't-a pahawat-hawaton ro among ginhawa? Prangkaha abi kami kon ikaw gid ro Maneueuwas nga ginpromisa it Dyos.”

Juan 10:31

Pagkabati nanda kara, ro mga Judio hay nagpueueot eon man it bato, ag anda kunta nga eapugon si Jesus hasta mamatay.

Juan 11:19

ag abo nga mga Judio ro nag-adto sa Betania halin sa Jerusalem agod mag-unong sa kalisod nanday Marta ag Maria, dahil sa pagkamatay ku andang igmanghod nga si Lazarus.

Juan 2:18

Tungod sa ginhimo ngato ni Jesus idto sa Templo hay gintaksar imaw it mga manogdumaea it mga Judio. Hambae nanda, “Ano nga milagro ro imong ipakita kamon agod magapamatuod nga may otoridad ka nga himuon ro ing ginhimo ngara?”

Juan 2:20

Ginsabat man imaw ku mga manogdumaea, “Abaw a! 46 anyos nga gin-inobra ro Templo ngara bago nahuman! Tapos, patindugon mo eang ra sinimo it uman sa sueod it tatlong adlaw?”

Juan 5:10

ngani ginbuslahan ku mga manogdumaea it mga Judio ro eaki ngato nga nagmayad. Hambae nanda, “Hoy! Adlaw it Inogpahuway makaron! Eapas sa atong mga kasuguan ro imong pagbitbit ku ing eugban ngaron!”

Juan 5:15

Nagpanaw dayon tag eaki ag bumalik sa mga manogdumaea ngato ag ginsugid nga si Jesus gali ro nagpamayad kana.

Juan 5:16

Dahil makaraya ro mga ginhinimo ni Jesus sa mga Adlaw it Inogpahuway, mawron nga halin kato, ginhiningabot imaw ku mga manogdumaea.

Juan 5:18

Pagkabati kara ku mga manogdumaea hay mas kapin pa gid nga nag-inusoy sanda it ideya nga hipatay imaw. Kon kanda, owa eang nana pageapasa ro Kasuguan parti sa Adlaw it Inogpahuway, kundi ana pa nga ginaako nga katupong imaw it Dyos Ama, ay ginhambae nana nga ana gid mismo nga ama ro Dyos.

Juan 6:41

Nagkilinumod ro mga Judio kuntra kay Jesus ay naghambae imaw nga imaw ro minatuod nga pagkaon nga naghalin sa eangit.

Juan 6:52

Pagkabati kara ku mga Judio hay nagbinais sanda ag nagpaeangutan-an, “Paalin ikatao ku tawo ngara ro anang eawas agod atong kan-on?”

Juan 7:1

Pagkatapos kato hay idto eang si Jesus naglinibot sa Galilea. Owa imaw mag-adto sa Judea ay sayod nana nga nagainusoy it ideya ro mga manogdumaea it mga Judio idto nga hipatay imaw.

Juan 7:11

Idto sa Pagtililipon hay ginainusoy imaw ku mga manogdumaea it mga Judio ag nagapinangutana sanda sa mga nagataeambong kon siin eon imaw.

Juan 7:15

Hangawa gid ro mga manogdumaea it mga Judio sa anang ginaturo. Hambae nanda, “Ham-an baea it abo't-a ro hasayran ku tawo ngara ay owa man imaw ra it mataas nga tinun-an?”

Juan 8:22

Naghambae dayon ro mga manogdumaea it mga Judio sa kada isaea, “Ham-an it gahambae imaw nga indi kita makaadto sa anang adtunan? Hay pa manghugot 't-a ra imaw ay?”

Juan 8:48

Naghambae dayon ro mga Judio ngato kay Jesus, “Tama gid-a ro amon nga hambae nga pareho ka sa makangingil-ad nga Samaritanhon ag ginagamhan ka pa it demonyo!”

Juan 8:52

Naghambae sanda, “Sigurado eon gid kami nga ginsudlan ka it demonyo ay si Abraham ag ro mga propeta hay nagkaeamatay eon kato pa. Ham-an it gahambae ka nga ro nagapati ag nagatuman sa imong ginahambae hay indi makaagi it kamatayon bisan hasta hin-uno?

Juan 8:57

Naghambae ro mga Judio, “Owa ka pa ngani it 50 anyos, tapos mahambae ka nga hakita mo't-a si Abraham!”

Mga Binuhatan 13:25

Tag madali eon lang matapos ro hilimuon ni Juan, hambae nana sa mga tawo, ‘Eaom siguro ninyo hay ako eon ro inyong ginapaabot. Bukon it ako kundi ro maabot nga masunod kakon, ag bukon ngani ako it takos bisan maghubad eon lang ku anang sandalyas.’

Mga Binuhatan 19:4

Nagsabat si Pablo, “Ginturo ni Juan nga dapat nga maghinuesoe ro mga tawo ag magtalikod sa andang mga saea, ag pagkatapos hay magpabawtismo bilang pagpakita nga gin-obra nanda ron. Pero ginturo man nana nga dapat sanda magtuo sa maabot nga masunod kana, ag rato ngani hay si Jesus.”

1 Juan 1:5

Rondaya ro mensahi nga among habatian halin kay Jesu-Kristo ag daya man ro amon nga ginasugid kinyo: ro Dyos hay pareho it kahayag ag owa gid it bisan ano nga kadueom ukon kasae-anan kana.