Juan 1:17 - Inkeanon

¹⁷ Gintao it Dyos ro *Kasuguan paagi kay Moises pero paagi't-a kay Jesu-Kristo ginpakita it Dyos ro anang sobrang kabuot, ag ginpahayag ro kamatuuran parti sa kaeuwasan it tawo.

Juan 1:17 Iomraidhean Croise

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 14:6

Nagsabat si Jesus, “Ako mismo ro daean paadto sa Dyos Ama. Ako man ro gapahayag kon ano ro matuod parti sa Dyos ag ako ro gatao it kabuhi nga owa it katapusan. Owa it makapaeapit sa akon nga Ama kon indi mag-agi kakon.

Juan 18:37

Naghambae si Pilato, “Hay kon mawron, hari ka't-imo gali ron?” Nagsabat si Jesus, “Tama't-a ro imo nga ginhambae ngaron nga hari ako. Pero ro akong tuyo sa pag-adto ag pagpakatawo iya sa kalibutan hay agod magpamatuod parti sa kamatuuran nga halin sa Dyos. Ro tanan nga nagapahaega ag nagakabuhi suno sa kamatuuran hay nagapamati sa akong ginahambae.”

Juan 5:45

“Sa adlaw it paghukom hay bukon 't-a it ako ro magaakusar kinyo sa Ama. Nagasalig kamo nga sa inyong pagtuman ku Kasuguan nga ginsueat ni Moises hay maeuwas kamo. Pero indi ninyo ron matuman it husto, ngani si Moises mismo ro magaakusar kinyo.

Juan 7:19

Bukon abi it gintao kato kinyo ni Moises ro Kasuguan it Dyos? Pero owa it bisan sin-o kinyo nga nagatuman gid karon, ay kon gatuman gid matuod kamo hay ham-an it ginaideyahan ninyo nga hipatay ako?”

Juan 8:32

Masayran gid dayon ninyo ro kamatuuran halin sa Dyos parti kakon, ag ruyon ro magahilway kinyo.”

Juan 9:29

Sayod kami nga halin sa Dyos ro mga ginhambae ni Moises, pero ro tawo ngaron hay owa namon masayri kon siin naghalin ro anang ginahambae.”

Mga Binuhatan 28:23

Nagkasugot sanda nga taw-an imaw it eain nga adlaw agod maghambae kanda. Pag-abot eon ku adlaw ngato hay mas abo pa kaysa sa hauna ngatong nag-aeadto ro nag-abot sa baeay nga ginadayunan ni Pablo. Halin sa agahon hasta sa gabii hay ginpaathagan nana sanda parti sa paghari it Dyos sa anang mga sinakpan. Paagi sa Sagrado nga Kasueatan nga ginsueat ni Moises ag ku mga propeta hay gintinguha nana nga kumbinsihon sanda nga si Jesus ro Hari ag Maneueuwas nga ginpromisa it Dyos.

Mga Binuhatan 7:38

Tag nagtililipon si Moises ag ro atong mga kalolo-lolohan sa ubos ku Bukid it Sinai idto sa *disyerto, kay Moises man mismo nagpakighambae ro anghel it Dyos ag kana man gintugyan ro hambae it Dyos nga nagatao it kabuhi, agod itao man katon tanan.

Mga TagaRoma 6:14

Mahimo ninyo ron ay indi eon kinyo makahari ro saea dahil makaron hay bukon it ro inyong pagtuman sa Kasuguan it Dyos ro paagi nga mangin matarong kamo sa anang panueok kundi ro anang sobrang kabuot kinyo.

2 Corinto 1:20

Ag paagi kay Jesu-Kristo hay natuman ro tanan nga mga ginpromisa it Dyos. Ngani dahil sa anang pagtuman karon hay gakompormi kita nga ro mga ginpromisa it Dyos hay matuod ag masaligan ag paagi karon hay ginapadunggan imaw.

Mga TagaGalacia 3:17

Ro ginpromisa it Dyos kay Abraham hay ginpromisa gid nana bago nana gintao ro Kasuguan kay Moises ku ulihi, pagkataliwan it 430 anyos. Pero ro Kasuguan hay owa it gahom nga makasamad sa promisa ngato o magbaylo it bisan ano dikato.

Mga Hebreo 9:22

Suno sa Kasuguan, kon ginalimpyuhan ngani ro mga butang sa mata it Dyos, haeos permi nga dugo ro ginagamit. Pero pag-abot eo't-a sa kapatawaran it mga kasae-anan, indi matabo ron kon owa gid it ginsakripisyo agod magamit ro dugo, ay kon owa it dugo nga nagtueo hay owa it kapatawaran it saea.