Juan 1:16 - Inkeanon

¹⁶ Dahil sa anang sobrang kabuot hay ana permi nga ginapakamaayo it bugana kita tanan nga nagatuo kana.

Juan 1:16 Iomraidhean Croise

Mateo 13:12

Ro nagapati ag nagapangusisa abi sa akong ginaturo hay dugangan pa gid it Dyos ro anang kaaeam agod mas makaeubot pa gid imaw. Pero ro owa nagapati ag owa nagapahaega sa akong ginaturo hay bue-on kana it Dyos bisan ro sangkiri nga anang haeubtan.

Mateo 3:11

Ginabawtismuhan ko kamo it tubi agod ipakita nga naghinuesoe ag nagtalikod eon kamo sa inyong mga saea. Pero may maabot masunod kakon nga mas eabaw pa kakon, ag bisan gauba eon lang ku anang sandalyas hay bukon ako it takos. Pagabawtismuhan nana kamo it Espirito Santo ag kaeayo.

Mateo 3:14

Pero ginabalibaran kunta imaw ni Juan. Hambae nana, “Ham-an it kakon ka gapabawtismo ay ako't-a ngani ro dapat nimong bawtismuhan?”

Lucas 21:15

ay ako ro magatao kinyo it inogsabat. Taw-an ko man kamo it kaaeam nga indi masukean o mabali it bisan sin-o sa inyong kuntra.

Juan 3:34

tungod ro mga ginahambae mismo it Dyos ro ginasugid ku anang ginpadaea iya, ag gintaw-an imaw it Dyos it Espirito Santo nga owa it hawid-hawid.

Mga TagaRoma 5:17

Dahil sa saea it sangka tawo nga si Adan hay owa it bisan sin-o nga makalikaw sa kamatayon ay matsa hari ra nga dapat gid nga tumanon. Pero mas pa't-a ro resulta it ginhimo it sambilog man nga tawo nga si Jesu-Kristo, dahil ro tanan nga gabaton ku sobrang kabuot it Dyos ag ku anang regalo nga pagbilang kanda nga mga matarong hay may kabuhi eon nga owa't katapusan, ag magahari man sanda kaibahan ni Kristo dahil sa anang ginhimo.

Mga TagaRoma 5:2

Dahil man sa atong pagtuo sa anang ginhimo hay gintapoe eon kita sa mga ginabilang nga matarong dahil sa sobrang kabuot it Dyos ag sigurado gid ro atong kahimtangan ngaron. Ag nagakalipay kita dahil ginapaabot gid naton ro kanami-nami nga kahimtangan nga itao katon it Dyos sa ulihi.

Mga TagaRoma 5:20

Gintao it Dyos ro Kasuguan agod hikita it tawo kon man-o it abo ro andang pageapas karon. Pero bisan nag-inabo ro pagpakasaea it tawo hay mas nagpaeanubra man ro kabuot it Dyos.

Mga TagaRoma 8:9

Pero kamo't-a hay owa kamo nagapinagusto sa inyong makasasaea nga kinaiya kundi ginagamhan 't-a kamo ku Espirito Santo ay una imaw kinyo nagaistar. Pero ro tawo nga owa kana nagaistar ro Espirito Santo hay bukon it ay Kristo.

Mga TagaEfeso 1:23

Kitang mga nagatuo kana hay anang pinakaeawas nga nagakompleto kana ag imaw ro una sa tanan nga lugar nga nagakompleto ku tanan-tanan nga tinuga.

Mga TagaEfeso 3:19

Bisan indi gid naton matungkad tanan rayang gugma ni Kristo, ginapangamuyo ko nga mabatyagan gid ninyo ra agod padayon nga matuead ninyo ro pagginawi it Dyos hasta nga ro inyong pagginawi hay pareho eon ku ana.

Mga TagaColosas 1:19

dahil gusto gid it Dyos Ama nga ro tanan-tanan gid ku ana nga pagkaDyos hay una man kay Kristo.

Mga TagaColosas 2:3

Si Kristo eang ro makatao katon it kaaeam nga maeubtan ro mensahi halin sa Dyos nga pareho it maeahaeon nga manggad.

1 Pedro 1:11

Ginpahayag eagi kanda ku Espirito ni Kristo nga nagagiya kanda nga ro Maneueuwas nga paadtunon iya sa kalibutan hay magaagi it kasakit ag pagkatapos hay pagapadunggan. Anda nga gin-inistudyuhan ag gin-inusisa kon hin-uno ron matabo ag kon paalin.

1 Pedro 1:2

Sayod ro Dyos nga Ama ku tanan parti kinyo kato pa't-a ag gintao nana kinyo ro Espirito Santo agod buligan kamo nga magkabuhi it balaan. Ro anang tuyo hay agod nga magtinguha kamo nga magmatinumanon kay Jesu-Kristo ag agod limpyuhan kamo permi sa inyong kasae-anan paagi sa anang dugo nga nag-agay tag namatay imaw sa krus. Kabay pa nga masamitan pa gid ninyo ro mga pagpakamaayo ag katawhayan nga halin sa Dyos.