Juan 1:12 - Inkeanon

¹² Pero ro tanan nga nagbaton ag nagtuo kana hay gintaw-an nana it kinamatarong nga mangin unga it Dyos.

Juan 1:12 Iomraidhean Croise

Mateo 10:40

Naghambae pa gid si Jesus, “Ro nagabaton kinyo hay sa minatuod, ako't-a ro andang ginabaton, ag ro nagabaton kakon hay sa minatuod, ro nagpaadto't-a iya kakon ro andang ginabaton.

Mateo 12:21

Ro tanan nga rasa it tawo hay magasalig kana nga ana sanda nga euwason.”

Mateo 18:5

Ag ro bisan sin-o nga nagadipara sa nagatuo kakon nga mapainubuson pareho ku unga ngara hay ako gid-a ro anang ginadipara.”

Juan 1:11

Nag-adto imaw sa ana mismong nasyon pero eaban sa anang mga kasimanwang *Judio hay owa kana nagbaton.

Juan 1:7

agod magpamatuod parti sa ginatawag nga Ro Iwag, agod paagi sa anang pagpamatuod hay magatuo sa Iwag ngaron ro tanan nga tawo.

Juan 11:52

Ag ro anang kamatayon hay bukon eang it para sa mga Judio, kundi para man sa tanan nga unga it Dyos nga bukon it Judio nga idto sa sari-saring parti it kalibutan, agod mangin sangka pamilya eang sanda tanan.

Juan 2:23

Tag idto si Jesus sa Jerusalem ku ratong Pagtililipon sa Pagdumdum ku *Pagtaliwan, abo ro nagpati kana dahil sa andang mga nakita nga mga milagrosong pamatuod nga anang ginahimo.

Juan 20:31

Pero ro mga gintapoe ma't-a ngara dikara hay ginsueat agod magpati kamo nga si Jesus hay imaw ro Maneueuwas nga ginpromisa it Dyos, ag imaw ro Unga it Dyos. Ag tungod sa inyong pagtuo kana hay magakabuhi kamo hasta sa owa it katapusan, paagi sa inyong maeueot nga kaangtanan kana.

Juan 3:18

Ngani ro tanan nga nagatuo kana hay indi eon gid pagsintinsyahan nga pinahan, pero ro mga owa nagatuo hay ginsintinsyahan eo't-a nga pinahan dahil owa sanda magtuo sa Unga it Dyos nga Owa't Kapareho.

Mga Binuhatan 3:16

Paagi sa gahom ni Jesus hay nagbaskog ro mga siki ku rayang tawo nga inyong hakita ag hasayran nga dati anay nga eupog. Nagsalig imaw kay Jesus pareho kamon ngani nagmayad gid imaw ag hara, kita man ron ninyo tanan.

Mga TagaRoma 8:14

Ro tanan abi nga nagapasakop sa paggiya it Espirito it Dyos hay duyon ro mga unga it Dyos.

Mga TagaRoma 8:16

Ro Espirito Santo hay nagapamatuod kaibahan ro atong espirito, nga mga unga kita it Dyos.

Mga TagaRoma 8:19

Sobra it nami ro kahimtangan ngaron nga maagyan ku mga unga it Dyos ngani bisan ro mga butang iya sa kalibutan nga tinuga nana hay nagapaabot gid ku oras nga ipahayag eon ron nana.

Mga TagaGalacia 3:26

Ngani tungod sa inyong pagtuo kay Kristo Jesus hay mga unga eon kamo tanan it Dyos.

Mga TagaGalacia 4:6

Ngani tungod mga unga nana kita, ginpadaea it Dyos ro Espirito Santo nga ginpromisa ni Jesus iya sa aton nga tagipusuon. Paagi sa Espirito Santo hay makatawag eon kita sa Dyos it, “Palangga ko nga Ama.”

Mga TagaColosas 2:6

Bangod inyo eon nga ginbaton si Kristo Jesus nga inyong Ginuo, dapat magkabuhi kamo kon mauno magkabuhi ro mga may maeueot nga kaangtanan kana.

2 Pedro 1:4

Tungod sa anang kadungganan ag mayad nga kinaiya ngaron hay ginpromisahan nana kita it mahaega ag grabi it nami nga mga butang, agod paagi karon hay mangin balaan ag matarong ro atong kinaiya pareho ku ana. Bukon eon kita it pareho ku mga tawo iya sa kalibutan nga indi magpasakop sa Dyos ag ro andang paino-ino ag eawas hay nasamad eon dahil andang ginapinagustuhan ro andang mga maeain nga handom.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.

1 Juan 3:10

Ngani makilaea gid naton kon sin-o ro unga it Dyos ag kon sin-o ro unga ni Satanas paagi dikara: ro owa nagahimo it matarong ag ro owa nagahigugma sa anang igmanghod sa pagtuo hay bukon it unga it Dyos.

1 Juan 3:2

Mga pinalangga, mga unga eon kita it Dyos, pero owa pa makaron ginpahayag ro tanan kon mauno kita sa ulihi. Sayod kita nga kon magbalik si Kristo hay mangin pareho kita kana, ay hikita naton kon mauno gid imaw.

1 Juan 3:23

Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.