Juan 1:10 - Inkeanon

¹⁰ Nag-adto imaw iya sa kalibutan pero owa imaw pagkilan-a it mga tawo iya sa kalibutan, bisan pa nga paagi kana hay gintuga sanda.

Juan 1:10 Iomraidhean Croise

Mateo 11:27

Pagkatapos ni Jesus it pangamuyo hay naghambae pa gid imaw, “Ro tanan-tanan hay gintugyan kakon ku akon nga Ama. Owa it nakakilaea gid sa Unga mageuwas sa Ama. Owa man it nakakilaea it mayad sa akong Ama kundi ako eang nga anang Unga ag ro bisan sin-o nga gusto nakon nga pakilaeahan kana kon mauno gid imaw.”

Juan 1:11

Nag-adto imaw sa ana mismong nasyon pero eaban sa anang mga kasimanwang *Judio hay owa kana nagbaton.

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 1:3

Paagi kana hay gintuga it Dyos ro tanan-tanan. Owa gid it bisan ano nga natuga kon bukon it paagi kana.

Juan 1:5

Nagahinayag ro iwag ngaron sa mga tawo nga nagakabuhi nga matsa una sa kadueom, ag ro kadueom ngaron hay indi makaperdi sa iwag ngaron.

Juan 17:25

Matarong nga Ama, ro mga owa nagatuo kakon hay owa nakakilaea kimo, pero ako't-a hay nakakilaea gid kimo, ag sayod ro akong mga sumueunod ngara nga ginpadaea mo ako iya.

Juan 5:17

Pero ro ginasabat ni Jesus kanda hay, “Ro Dyos nga akong Ama hay owa gapundo sa anang ginaobra iya sa kalibutan, mawron nga owa ko man ginapunduhi ro anang ginapaobra kakon.”

Mga Binuhatan 14:17

Pero may ginahimo imaw permi nga nagapamatuod nga una imaw ag mayad imaw. Ginataw-an nana kamo it uean halin sa eangit, ag tig-aeani sa tama nga oras para sa inyong kabueusgan ag kalipayan.”

1 Corinto 1:21

Bangod maaeam gid ro Dyos, anang ginplano nga indi imaw makilaea it mga tawo paagi sa andang kaugalingon nga kaaeam kundi anang ginbuot nga maeuwas ro mga magatuo kay Kristo nga among ginawali sa Mayad nga Balita nga ginasinghan it tawo nga pinaumang.

1 Corinto 2:8

Owa it bisan sambilog sa mga manogdumaea iya sa kalibutan nga nakaeubot ku rayang plano it Dyos ay kon haeubtan ra nanda hay owa eon kunta nanda pagpaeansangan si Kristo nga daeayawon ag dungganon nga Ginuo.

1 Corinto 8:6

pero kita't-a hay sayod naton nga sambilog eang ro Dyos ag ruyon hay ro aton nga Ama. Imaw ro nagtuga it tanan-tanan ag ro tuyo nga gintuga kita hay agod magserbi ag magsimba kana. Ag sambilog eang man ro Ginuo ag si Jesu-Kristo ron. Paagi kana hay gintuga it Dyos ro tanan nga butang ag paagi man kana hay gintaw-an kita it atong bag-o nga kabuhi.

Mga TagaColosas 1:16

tungod imaw ro ginpatuga it Dyos ku tanan nga una sa eangit ag sa eugta, makita man o indi, pati ro mga anghel ag ro iba pa nga klasi it mga espirito nga nagahari o nagadumaea, may gahom o may otoridad. Gintuga ku Dyos ro tanan paagi kay Kristo ag para man sa kadayawan ni Kristo.

Mga Hebreo 11:3

Dahil man sa atong pagtuo sa Dyos, mawron nga naeubtan naton nga gintuga it Dyos ro tanan sa kalibutan ag sa kaeangitan paagi sa anang paghambae. Nagakahueugan ra nga ro mga butang nga makita hay owa natuga halin sa mga bagay nga una eon eagi, dahil naghambae eang imaw ag natuga eagi sanda.

1 Juan 3:1

Grabi gid-a it bahoe ro paghigugma it Dyos nga Ama katon! Dahil sa kabahoe ku anang paghigugma ngaron hay ginbilang nana kita nga anang mga unga, ag matuod gid ma't-a nga mga unga kita it Dyos. Pero ro mga tawo riya sa kalibutan hay owa gakilaea katon bilang mga unga it Dyos, tungod owa man nanda ginakilan-a ro Dyos.