Juan 1:1 - Inkeanon

¹ Bago pa gintuga ro bisan ano hay una eo't-a ro ginatawag nga ro Mensahi. Ro Mensahi hay kaibahan eon it Dyos ag ro Mensahi hay Dyos.

Juan 1:1 Iomraidhean Croise

Mateo 1:23

“Magapanamkon ro isaeang ka daeaga nga owa pa hatabing it eaki ag magaunga it eaki ag pagapangaeanan imaw it Emmanuel,” nga nagakahueugan nga “kaibahan naton ro Dyos.”

Lucas 24:53

ag idto sanda permi sa Templo nagadinayaw sa Dyos.

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 1:2

Imaw ro kaibahan 't-a eagi it Dyos bago pa gintuga ro bisan ano.

Juan 16:28

Idto ako naghalin sa Dyos Ama ag nag-adto ako iya sa kalibutan, pero makaron hay mahalin eon ako sa kalibutan ay mabalik eon ako kana.”

Juan 17:5

Ama, kon magbalik eon ako inha kimo, ibalik kakon ro akong pagkadaeayawon nga akon eon eagi tag inha pa ako sa imong euyo, tag owa pa natuga ro kalibutan.”

Juan 20:28

Naghambae dayon si Tomas, “Ikaw ro akong Ginuo ag ro akong Dyos!”

Juan 8:58

Nagsabat si Jesus, “Matuod gid rang ginahambae kinyo nga bago pa natawo si Abraham hay una eon ako.”

Mga TagaRoma 9:5

Sanda ro mga inapo it mga taeahuron nga kalolo-lolohan namong mga Judio. Ag sa amon man nga linahi naghalin ro Maneueuwas nga si Kristo tag nagpakatawo imaw. Imaw ro Dyos nga eabaw sa tanan ag dapat imaw nga dayawon hasta sa owa't katapusan. Amen.

Mga TagaEfeso 3:9

Ginapapaathag man kakon it Dyos sa tanan nga mga tawo kon paalin nana tumanon ro anang plano. Halin pa ku pagtuga it Dyos ku tanan, owa anay nana igpahayag ro tanan parti sa anang plano ngaron,

Mga TagaFilipos 2:6

Bisan imaw hay Dyos hay owa nana pagbilanga nga dapat gid nanang panghugtan ro anang pagkadaeayawon bilang Dyos

Mga TagaColosas 1:15

Si Jesu-Kristo ro nagapakita kon mauno ro Dyos nga indi makita. Una eon si Kristo bago pa gintuga ro bisan ano ag imaw hay eabaw sa tanan nga anang tinuga,

Mga TagaColosas 1:17

Una eon si Kristo bago pa gintuga ro bisan ano, ag imaw ro nagakontrol ku tanan nga butang agod ro tanan hay magapabilin sa andang tama nga lugar suno sa plano it Dyos.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Tito 2:13

Makaruyon dapat ro atong batasan samtang ginapaabot naton ro malipayon ag sigurado nga pagbalik ni Jesu-Kristo. Imaw ro aton nga Makagagahom nga Dyos ag Maneueuwas ag sa pagbalik na ngato hay may anang grabi nga kasilaw nga nagapakita ku anang pagkadaeayawon.

Mga Hebreo 13:8

Si Jesu-Kristo hay owa gid nagabag-o. Pareho man gihapon imaw kato, sa makaron ag hasta sa owa it katapusan.

Mga Hebreo 7:3

Owa imaw it tatay o nanay o mga kalolohan ag owa man it umpisa o katapusan ro anang kabuhi. Ag dahil pareho imaw sa Unga it Dyos, saserdote imaw hasta sa owa it katapusan.

2 Pedro 1:1

Raya nga sueat hay halin kakon nga si Simon Pedro, nga isaeang ka ulipon ni Jesu-Kristo ag isaea sa anang mga *apostoles. Nagasueat ako kinyo nga nagatuo man kay Jesu-Kristo nga atong Dyos ag Maneueuwas. Ag tungod nga matarong imaw ag owa it pinaeabi hay paeareho ro pagtuo nga gintao nana katon tanan.

1 Juan 5:20

Hasayran man naton nga nag-abot riya ro Unga it Dyos, ag ginbuligan kita mga makaeubot agod makilaea naton ro matuod nga Dyos. May aton nga maeueot nga kaangtanan sa matuod nga Dyos, tungod maeueot man kita sa anang Unga nga si Jesu-Kristo. Imaw ro matuod nga Dyos, ag imaw man ro nagatao it kabuhi nga owa it katapusan.

1 Juan 5:7

Ngani, may tatlo nga nagapamatuod parti kay Jesus,

Pahayag 1:11

Hambae ku limog ngato, “Sueatan ro tanan nga imong hikita ag ipadaea mo dayon sa pitong ka grupo it tumueuo sa rayang mga syudad: sa Efeso, sa Smirna, sa Pergamum, sa Tiatira, sa Sardis, sa Filadelfia ag sa Laodicea.”

Pahayag 1:17

Pagkakita ko kana hay natumba ako sa anang atubang ag owa kahueag pareho it patay. Pero ginbuytan nana ako ku anang tuo nga alima ag ginhambae, “Ayaw mahadlok. Ako ro owa it ginhalinan ag owa man it katapusan.

Pahayag 1:2

Ngani ginsueat nana ro mga ginpahayag ag ginpakita kana ag raya hay anang pamatuod parti sa mga ginpahayag ngato it Dyos, nga ginpamatud-an man ni Jesu-Kristo.

Pahayag 1:8

Naghambae ro Ginuong Dyos, “Ako ro Alpha ag ro Omega. Ako ro nagakabuhi hasta sa owa it katapusan, owa it ginhalinan ag ro manog-abot. Ako gid lang ro makagagahom.”

Pahayag 19:13

Ro anang eambong hay gintusmaw sa dugo. ag ginatawag imaw nga Ro Mensahi it Dyos.

Pahayag 2:8

“Raya ro imong isueat sa anghel it grupo it mga tumueuo idto sa Smirna: ‘Raya ro mensahi nakon kinyo, ako nga ro nag-umpisa ag ro magatapos ku tanan nga mga butang, ro ginpatay ag nabanhaw.

Pahayag 21:6

Naghambae pa gid imaw, “Natabo eon tanan ro gusto ko nga matabo. Ako ro Alpha ag ro Omega, ro nag-umpisa ag ro magatapos ku tanan nga mga butang. Ro ginauhaw hay paimnon ko it libre nga tubi nga nagahalin sa tuburan nga nagatao it kabuhi nga owa it katapusan.

Pahayag 22:13

Ako ro Alpha ag ro Omega, ro owa it ginhalinan ag ro owa man it katapusan, ro nag-umpisa ag ro magatapos ku tanan nga mga butang.”

Pahayag 3:14

“Raya ro imong isueat sa anghel it grupo it mga tumueuo idto sa Laodicea: ‘Raya ro mensahi nakon, ako nga ginatawag nga Amen, ro masaligan nga manogpamatuod nga bukon it purilon. Ako man ro ginpatuga it Dyos ku tanan.