Filemon 1:7 - Inkeanon

⁷ Akon nga igmanghod, nalipay ako it duro ag nagbaskog pa gid ro akong buot tungod sa imo nga paghigugma sa mga katawhan it Dyos inha. Dahil man karon hay imo nga ginpabaskog ro andang buot.

Filemon 1:7 Iomraidhean Croise

1 Corinto 16:18

Gintaw-an gid nanda ako it katawhay it buot ag makaruyon man ro matabo kinyo kon mag-uli eon sanda. Pahaegahi gid ninyo ro mga tawo nga pareho kanda.

2 Corinto 7:13

Nagbaskog ro among buot dahil karon. Ag isaea pa hay nalipay pa gid kami dahil hakita namon nga malipayon gid si Tito. Naduea eon abi ro anang kabangat kinyo dahil sa mayad ninyo tanan nga pagbaton sa sueat ngato.

2 Corinto 7:4

Mabahoe gid ro akong salig kinyo ag ginapabugae ko gid kamo permi sa iba. Sa tanan nga kalisod nga ginaagyan namon hay ginapabaskog ro akong buot ag nalipay gid ako it duro.

1 Tesalonica 1:3

Kon magpangamuyo kami para kinyo hay amon nga ginadumdum ro mga mayad nga buhat nga inyong ginahimo tungod sa inyong pagtuo. Ginadumdum man namon ro inyong pagpangabudlay sa pagbulig sa iba tungod sa inyong paghigugma kanda. Ginadumdum man namon ro inyong pagtiis sa pihak it mga paghingabot dahil sigurado kamo nga batunon kamo it Dyos nga atong Ama dahil sa inyong pagtuo sa atong Ginuong Jesu-Kristo.

1 Tesalonica 2:13

Permi man kami nagapasaeamat sa Dyos tungod pagkabati ninyo ku among mensahi hay ginbaton ninyo nga halin gid ra sa Dyos, bukon it halin eang sa tawo. Ag matuod nga halin gid ma't-a ra sa Dyos. Ro mensahi ngara hay nagapamunga it mayad sa kabuhi ninyo nga mga tumueuo.

1 Tesalonica 2:19

Gusto namon nga makita kamo it uman tungod ro inyong malig-on nga pagtuo hay nagatao kamon it kalipay, ag ipabugae namon ron sa atong Ginuo kon magbalik eon imaw. Ag dahil man karon hay sigurado kami nga ana kami katong premyuhan.

1 Tesalonica 3:9

Kon gapangamuyo kami sa atong Dyos hay owa kami it mga bisaea nga magamit agod ikapaabot gid ro among pagpasaeamat kana sa among grabi nga kalipay dahil sa anang ginhimo kinyo.

2 Timoteo 1:16

Kabay pa nga pakamaayuhon it Ginuo si Onesiforus ag ro anang panimaeay, ay pilang beses nga ana nga ginpabaskog ro akong buot. Owa nana ako igkahuya, maskin iya ako nakakadena sa prisuhan.

Filemon 1:20

Ngani, Filemon, kabay pa nga taw-an mo ako it pabor dahil mag-igmanghod kita sa Ginuo. Pabaskuga ro akong buot tungod pareho kita nga may maeueot nga kaangtanan kay Kristo.

2 Juan 1:4

Nalipay gid ako it duro pagkasayod ko parti sa imong mga unga nga nagatuman sa matuod nga mensahi it Dyos nga Ama, suno sa anang sugo katon.