Filemon 1:6 - Inkeanon

⁶ Akon nga ginapangamuyo nga imo nga mas maeubtan ro tanan nga mayad nga butang nga gintao katon it Dyos, ag ro imong pagtuo kay Kristo ro magatueod kimo nga mangin mabuot sa iba para sa anang kadayawan.

Filemon 1:6 Iomraidhean Croise

Mateo 25:16

Ro gintugyanan it limang ka talanton hay nagnegosyo eagi ag nakaginansya imaw it lima man.

Mateo 5:16

Ngani pahayaga ro inyong iwag paagi sa pagpakita ku inyong pagsunod sa Dyos, agod ro mga tawo sa inyong libot hay makakita ku inyong mayad nga binuhatan, ag andang dayawon ro inyong Ama sa eangit.”

1 Corinto 14:25

Pati ro mga tago nga saea nga una sa anang paino-ino hay mahayag kana. Ngani magahapa imaw ag simbahon nana ro Dyos sa anang paghambae nga, “Iya matuod kinyo ro Dyos!”

1 Corinto 16:9

ay ginataw-an ako it Dyos it abo nga kahigayunan nga magturo iya ag mayad gid ro bunga karon bisan abo man ro nagakuntra kakon.

Mga TagaFilipos 4:8

Hara ro akong katapusan nga bilin kinyo, mga igmanghod: estudyuhi ninyo ro mga batasan it mga tawo nga makaraya agod inyong matuead: bukon it purilon ag madaya, taeahaon, matarong, putli, nahamut-an it tawo ag ginadayaw it tanan. Mayad gid ag daeayawon ro mga ruyon ngaron.

Mga TagaColosas 1:9

Imaw ron ngani nga halin ku pagkasayod namon parti kinyo hay sige ro amon nga pagpinangamuyo para kinyo. Ginapangayo namon sa Dyos nga paagi sa anang Espirito hay taw-an nana kamo it tanan nga kaaeam, agod masayran ag maeubtan ninyo kon ano ro anang gustong ipaobra kinyo.

Mga TagaColosas 3:10

May inyo eon nga bag-ong kinaiya nga padayon nga ginabag-o it Dyos hasta mangin pareho ku anang kinaiya, agod hikilaea pa gid ninyo it mayad ro nagtuga kinyo.

Tito 3:14

Dapat man nga mag-antiguhan ro aton nga mga kaigmanghuran inha nga magtinguha nga mag-obra it mayad, agod nga makabulig sanda sa nagakinahangean gid. Sa rayang paagi hay mangin mapuslanon ro andang kabuhi.

Mga Hebreo 6:10

Matarong abi ro Dyos ag indi nana paglipatan ro inyong mayad nga binuhatan ag ro inyo nga pagpakita ku inyong paghigugma kana paagi sa inyong padayon nga pagserbi sa katawhan it Dyos.

Santiago 2:14

Mga igmanghod sa pagtuo, ano baea ro mabuoe it sangka tawo kon maghambae imaw nga nagatuo imaw kay Jesus pero owa imaw it buhat nga nagapakita karon? Maeuwas baea imaw it makaraya nga pagtuo?

Santiago 2:17

Makaruyon man ro pagtuo. Kon gahinambae malang ro tawo nga nagatuo imaw kay Jesus ag owa man it buhat nga nagapakita ku anang pagtuo ngaron hay patay ron ag owa it pueos.

1 Pedro 2:12

Sa inyong pagpangabuhi kaibahan ro mga owa nagatuo sa Dyos hay bantayi gid ninyo nga perming mayad ro inyong hueag agod kon anda kamo nga pabangdan nga nagahimo it maeain hay makita nanda nga mayad 't-a gali ro inyong buhat. Padunggan dayon nanda ro Dyos sa adlaw nga pahayagon nana ro andang paino-ino.

1 Pedro 3:1

Raya ro akong mga bilin sa mga bayi nga may asawa. Magpasakop kamo sa inyong asawa agod kon ro iba kanda hay owa nagapati sa mensahi it Dyos hay madaea sanda paagi sa inyong mayad nga buhat bisan indi kamo kanda maghambae.

1 Pedro 3:16

Pero sabta ninyo sanda nga may kaeueo ag pagtahod. Magpangabuhi kamo nga perming may limpyo nga konsensya agod kon may mga nagapakaeain kinyo hay mahuy-an ro mga nagahimo karon dahil mayad ro inyong buhat bilang mga tumueuo ni Kristo.

2 Pedro 1:8

Ro mga ruyon ngaron ro inyong ginakinahangean tungod kon bugana kamo karon hay magahugod kamo sa pag-obra it mayad, ag mangin mapinuslanon kamo nga mga tawo dahil sa inyong pagkakilaea sa atong Ginuo nga si Jesu-Kristo.