Filemon 1:5 - Inkeanon

⁵ tungod habalitaan ko ro kalig-on ku imo nga pagtuo kay Ginuong Jesus, ag ro imong paghigugma sa tanan nga ginpaeain it Dyos nga anang katawhan.

Filemon 1:5 Iomraidhean Croise

Mga Binuhatan 20:21

Pareho ro akong ginaturo sa mga Judio ag sa mga bukon it Judio, nga dapat hay magtalikod sanda sa andang mga saea ag magpasakop sa Dyos ag magtuo kay Jesus nga atong Ginuo.

Mga TagaRoma 12:13

Buligi ninyo permi ro inyong mga kapareho nga katawhan it Dyos nga ginakueang ag abi-abiha ninyo ag padayunon sa inyo ro nagakinahangean it madayunan.

1 Corinto 16:1

Kon parti ma't-a sa akong ginabilin kinyo parti sa inyong pagtipon ku inyong bulig nga kwarta para sa mga tumueuo idto sa Jerusalem hay pareho man sa akong ginbilin sa mga grupo it mga tumueuo sa Galacia ro inyong himuon.

Mga TagaGalacia 5:6

Dahil sa aton nga maeueot nga kaangtanan kay Kristo Jesus, bukon it importanti kon hatuli man kita o owa. Ro importanti hay ro pagtuo naton kay Kristo nga ginapakita naton paagi sa paghigugma sa atong isigkatawo.

Mga TagaEfeso 1:15

Ngani pagkasayod nakon nga nagalig-on ro inyong pagtuo kay Ginuong Jesus, ag ginahigugma gid ninyo ro tanan nga mga katawhan it Dyos,

Mga TagaColosas 1:4

tungod habalitaan namon nga nagatuo eon kamo kay Kristo Jesus ag ginahigugma ninyo ro tanan nga mga katawhan it Dyos.

1 Tesalonica 3:6

Pero nakabalik eon iya kamon si Timoteo ag mayad gid ro anang ginbalita kamon parti sa inyong pagtuo kay Jesus, ag sa inyong paghigugma sa Dyos ag sa inyong isigkapareho. Ginsugid man nana kamon nga nalipay kamo nga nagapanumdum kamon permi ag pareho man kamo kamon nga gustong magkililita kita it uman.

Filemon 1:7

Akon nga igmanghod, nalipay ako it duro ag nagbaskog pa gid ro akong buot tungod sa imo nga paghigugma sa mga katawhan it Dyos inha. Dahil man karon hay imo nga ginpabaskog ro andang buot.

1 Juan 3:23

Daya ro pinakapunto ku mga sugo it Dyos katon: dapat nga magtuo gid kita sa anang unga nga si Jesu-Kristo, ro dungganon nga Maneueuwas, ag dapat kita nga maghigugmaanan pareho ku sugo katon ni Jesu-Kristo.