Filemon 1:24 - Inkeanon

²⁴ Ginakumusta ka man ku akong mga kapareho nga nagaserbi sa Ginuo nga sanday Marcos, Aristarcus, Demas ag Lucas.

Filemon 1:24 Iomraidhean Croise

Mga Binuhatan 12:12

Tag haeubtan eon nana ro natabo, nag-adto imaw sa baeay ni Maria nga nanay ni Juan nga ginatawag man nga Marcos. Idto nagatilipon ro mga tumueuo ag nagapangamuyo para kana.

Mga Binuhatan 12:25

Sanday Barnabas ag Saulo ma't-a, kat natapos eon nanda ro andang panaw sa Jerusalem hay nagbalik sa Antioc, daea si Juan nga ginatawag man nga Marcos.

Mga Binuhatan 13:13

Halin sa Pafos hay nagsakay si Pablo ag ro anang mga kaibahan sa barko. Pagkadungka nanda sa probinsya it Pamfilia hay nagbaktas sanda paadto sa syudad it Antioc nga maeapit sa probinsya it Pisidia. Idto sanda nag-agi sa syudad it Perga nga sakop pa it Pamfilia. Pag-abot sa Perga hay gin-aywanan sanda ni Juan Marcos ag bumalik imaw sa Jerusalem. Halin sa Perga hay nagdiritso sanday Pablo sa Antioc. Pagkaadlaw it Inogpahuway, nagsueod sanda sa sinagoga ag nagpungko idto.

Mga Binuhatan 19:29

Nagkagubot ro bilog nga syudad. Dinakop it mga tawo sanday Gaius ag Aristarcus nga mga tagaMacedonia nga kaibahan ni Pablo sa pagbiyahe, ag matsa baha nga sumulong tanan ro mga tawo paadto sa andang lugar nga ginahiwatan it mga paguwa nga ginaguyod ro daywa ngato.

Mga Binuhatan 27:2

Nagsaka kami sa tagaAdramitium nga barko nga manogpanaw paadto sa mga pantalan sa probinsya it Asya. Nagpanakayon eon dayon kami. Kaibahan man namon si Aristarcus nga tagasyudad it Tesalonica sa probinsya it Macedonia.

2 Corinto 8:23

Kon parti ma't-a kay Tito hay kaibahan ko ron imaw ag katimbang sa pagserbi kinyo. Ro anang mga kaibahan ma't-a ngaron hay mga tigeawas ku mga grupo it mga tumueuo iya ag paagi kanda hay ginapinadunggan si Kristo.

Mga TagaFilipos 2:25

Pero nagdesisyon ako nga dapat nga pabalikon ko inha ro atong igmanghod nga si Epafroditus, nga inyong ginpaadto iya agod magbulig kakon sa akong mga kinahangeanon. Kaibahan ko imaw sa pagserbi sa Dyos ag sa pagpangapin ku Mayad nga Balita.

Mga TagaFilipos 4:3

Ag ikaw, Susugos, tindugi ro kahueugan ku imong ngaean sa pagbulig sa mga bayi ngaron inha nga magkaeasugot. Nagpangabudlay gid ron sanda kaibahan nakon sa pagpaeapnaag ku Mayad nga Balita, kaibahan nanday Clemente ag ku iba pa nga kapareho nakon nga nagaserbi sa Ginuo. Ginsueat eon it Dyos ro anda tanan nga ngaean sa listahan ku mga gintaw-an it kabuhi nga owa it katapusan.

Mga TagaColosas 4:10

Ginakumusta man kamo ku akon nga kaibahan iya sa prisuhan nga si Aristarcus, ag pati man ni Marcos nga igkampod ni Barnabas. Ginbilinan ko eon kamo kato parti kay Marcos ngani kon mag-adto imaw inha hay diparaha gid ninyo imaw.

Mga TagaColosas 4:14

Ginakumusta man kamo ni Demas ag pati man ku atong pinalangga nga doktor nga si Lucas.

1 Pedro 5:13

Nagapangamusta kinyo ro inyong mga kaigmanghuran nga pinili man it Dyos iya sa Babilonya, pati man si Marcos nga akong ginabilang nga unga sa pagtuo.

3 Juan 1:8

Ngani dapat kita mismo nga mga tumueuo ro magasuporta kanda, agod mangin kabulig nanda kita sa andang ginaobra nga pagsugid ku matuod nga mensahi parti kay Kristo.