Filemon 1:21 - Inkeanon

²¹ Nagasueat ako kara kimo ay sigurado ako nga tumanon mo ro akon ngarang mga pangabay, ag mas pa karon ro imong himuon.

Filemon 1:21 Iomraidhean Croise

Mga TagaRoma 2:19

Sigurado man kamo nga bagay kamo nga maggiya sa mga matsa bulag, nga una pa sa kadueom it saea ag makatao kamo kanda it kahayag.

2 Corinto 2:3

Ngani nagsueat lang anay ako imbis nga magbisita eagi kinyo. Ginhimo ko ra agod kon mag-adto ako inha kinyo hay indi ako masubuan dahil kinyo nga dapat kunta nga magtao kakon it kalipay. Sigurado ako nga kon malipayon kamo tanan hay makapalipay man ron kakon.

2 Corinto 7:16

Ngani nalipay gid ako it duro makaron ay sigurado eon ako nga sa tanan nga bagay hay gusto eon ninyo permi nga himuon kon ano ro tama.

2 Corinto 8:22

May sangka igmanghod pa gid kita nga amon nga ginapamunot kanda sa pag-adto inha kinyo. Hapamatud-an eon ron namon imaw it makapilang beses ag sa abo man nga bagay nga pursigido gid-a imaw sa pagbulig sa oeobrahon para sa Ginuo. Ag makaron hay mas pa gid ro anang pagkapursigido sa pagbulig kinyo dahil sa anang mabahoe nga pagsalig kinyo nga seryoso kamo magsunod sa Ginuo.

Mga TagaGalacia 5:10

Pero dahil sa atong maeueot nga kaangtanan sa Ginuo hay may salig ako kinyo nga indi kamo magpati sa mga ginaturo nga eain kaysa sa akong ginaturo. Ag ro bisan sin-o nga nagapataeang ngaron kinyo hay pagapinahan it Dyos.

2 Tesalonica 3:4

Ag tungod nga may maeueot kamo nga kaangtanan sa Ginuo hay nagasalig kami nga ginatuman eon ninyo, ag padayon pa gid ninyo nga tumanon ro amon nga ginasugo kinyo.