Filemon 1:20 - Inkeanon

²⁰ Ngani, Filemon, kabay pa nga taw-an mo ako it pabor dahil mag-igmanghod kita sa Ginuo. Pabaskuga ro akong buot tungod pareho kita nga may maeueot nga kaangtanan kay Kristo.

Filemon 1:20 Iomraidhean Croise

1 Corinto 16:18

Gintaw-an gid nanda ako it katawhay it buot ag makaruyon man ro matabo kinyo kon mag-uli eon sanda. Pahaegahi gid ninyo ro mga tawo nga pareho kanda.

2 Corinto 2:2

Kon hipasubo ko kamo, owa eon it makapalipay kakon. Paalin pa abi ninyo ako mapalipay ay hapasubo ko kamo?

2 Corinto 7:13

Nagbaskog ro among buot dahil karon. Ag isaea pa hay nalipay pa gid kami dahil hakita namon nga malipayon gid si Tito. Naduea eon abi ro anang kabangat kinyo dahil sa mayad ninyo tanan nga pagbaton sa sueat ngato.

Mga TagaFilipos 1:8

Saksi ko ro Dyos nga ginahandom ko gid nga magkililita kita it uman, ay ginahigugma ko kamo pareho ku paghigugma ni Kristo Jesus kinyo.

Mga TagaFilipos 4:1

Ngani, mga igmanghod, tumana ro mga ginbilin ko kinyo ay dikaron mangin malig-on ro inyong pagtuo sa Ginuo. Palangga ko kamo ag ginakahidlawan. Nagatao kamo kakon it kalipay ag kamo man ro akong pinakapremyo sa akong kinabudlayan.

Filemon 1:12

Pabalikon ko eon si Onesimus inha kimo. Palangga ko gid ron imaw ngani kabay pa nga trataron mo imaw it mayad.

Filemon 1:7

Akon nga igmanghod, nalipay ako it duro ag nagbaskog pa gid ro akong buot tungod sa imo nga paghigugma sa mga katawhan it Dyos inha. Dahil man karon hay imo nga ginpabaskog ro andang buot.

Mga Hebreo 13:17

Tumana ninyo ro mga nagadumaea kinyo nga mga tumueuo, ag magpasakop kamo kanda, dahil sanda ro nagadipara kinyo sa mga bagay nga parti sa inyong pagtuo. Ag sanda man sa ulihi ro magapanabat sa Dyos kon mauno ro anda nga pagdipara kinyo. Kon inyo sanda nga tumanon, magaserbi ron sanda nga malipayon, pero kon indi ninyo sanda pagpatihon, magaserbi man ron gihapon sanda pero nagapanghayhay ag kamo karon ro alkansi.

1 Juan 3:17

Halimbawa abi nga may sangka tawo nga bugana sa tanan nga pagkabutang iya sa kalibutan ag hakita nana nga ro anang igmanghod sa pagtuo hay ginakueang, pero owa man nana ginakaeuy-i ag ginabuligi. Paalin naton mahambae nga anang ginapakita ro gugma nga halin sa Dyos?

3 Juan 1:4

Ro makatao eang kakon it kalipay eabaw sa tanan hay ro balita nga ro akong mga unga sa pagtuo hay nagakabuhi suno sa matuod nga mensahi.