Filemon 1:19 - Inkeanon

¹⁹ Ako mismo nga si Pablo ro nagasueat kara, “Bayran ko ron kimo.” Owa eon ngani siguro it kinahangean nga padumdumon ko pa ikaw nga utang mo kakon ro imo mismong bag-o nga kabuhi bilang tumueuo ni Kristo.

Filemon 1:19 Iomraidhean Croise

Mga TagaRoma 16:22

Ako nga si Tertius nga ginpasueat ni Pablo ku sueat ngara hay nagapangamusta kinyo bilang isaea sa inyong mga isigkatumueuo it Ginuo.

1 Corinto 4:15

Bisan indi mahuyap ro nagabulig ag nagabantay kinyo sa inyong pagtuo kay Kristo hay sambilog eang ako nga inyong ama sa pagtuo. Nangin ama ninyo ako dahil nagtuo kamo kay Kristo Jesus tag ginsugid ko ro Mayad nga Balita kinyo.

2 Corinto 10:1

Makaron, ako nga si Pablo hay nagahinyo kinyo nga may pagpaubos ag kaeueo pareho kay Kristo. May iba abi kuno inha kinyo nga nagahambae nga maisog eang ako nga magprangka kon sa maeayo pero indi man makadirikta it hambae kon sa atubang.

2 Corinto 3:2

Kamo't-a mismo ro among pinakasueat ay ro natabo kinyo dahil sa among pagwali hay pamatuod ku among buhat inha kinyo. Sayod namon ra sa among tagipusuon ag klaro man ron sa tanan nga nakasayod kon ano ro natabo kinyo.

2 Corinto 9:4

Kon bukon pa it haom ro inyong amot pag-abot nakon kaibahan ku mga tagaMacedonia nga gamunot kakon hay makahueuya ron katon tanan.

Mga TagaGalacia 5:2

Tandai ninyo ra. Ako nga si Pablo ro nagahambae kinyo nga mangin owa eon it pueos ro kamatayon ni Kristo para kinyo kon magpatuli pa kamo agod mangin matarong sa mata it Dyos.

Mga TagaGalacia 6:11

Sa rayang parti it sueat hay ako mismo ro nagasueat kara. Tan-awa ninyo kon man-o it eagko ro akong agi.

1 Timoteo 1:2

Nagasueat ako kimo, Timoteo nga ginabilang ko nga akon gid nga unga sa pagtuo. Kabay pa nga masamitan pa gid nimo ro mga pagpakamaayo, kaeuoy ag katawhayan nga halin sa Dyos Ama, ag kay Kristo Jesus nga atong Ginuo.

Tito 1:4

Nagasueat ako kimo, Tito, nga ginabilang ko nga akon gid nga unga tungod sa aton nga pagtuo kay Jesus. Kabay pa nga masamitan pa gid nimo ro mga pagpakamaayo ag katawhayan nga halin sa Dyos Ama ag kay Kristo Jesus nga atong Maneueuwas.

Filemon 1:18

Kon nagkasaea gid man imaw kimo ukon may baeayran imaw kimo hay ako lang ro sukta.