Filemon 1:16 - Inkeanon

¹⁶ Halin makaron hay bukon mo eang imaw it ulipon kundi mas mahaega eo't-a imaw kimo kaysa sa ulipon, ay igmanghod mo eon imaw sa pagtuo nga dapat mong palanggaon. Palangga ko gid ron imaw pero mas palanggaon mo kunta imaw, ay mag-amo kamo ag pareho nga nagatuo sa Ginuo.

Filemon 1:16 Iomraidhean Croise

Mateo 23:8

“Pero kamo't-a hay indi puydi nga tawgon nga ‘maestro’ ay ako gid lang ro inyong maestro ag bilang magmaeanghod sa pagtuo hay owa it bisan sin-o kinyo nga eabaw pa sa iba.

Mga Binuhatan 9:17

Ngani nag-adto si Ananias sa baeay nga ginadayunan ni Saulo. Pagkasaylo nana, anang gintungtung ro anang mga alima kay Saulo ag ginhambae ra nana, “Saulo, akong igmanghod sa pagtuo, ro Ginuo ro nagpaadto kakon iya. Imaw hay si Jesus nga nagpakita kimo sa daean tag nagapaadto ka iya. Ginpaadto nana ako iya agod makakita ka it uman, ag agod mapuno ka it Espirito Santo.”

1 Corinto 7:22

Ulipon ka man o bukon hay owa it kaso ay bisan ulipon ka tag gintawag ka it Dyos agod may imong maeueot nga kaangtanan sa Ginuo hay ginhilway ka eon nana sa imong mga saea. Ag ro bukon it ulipon kat gintawag imaw it Dyos hay nangin ulipon eon ni Kristo.

Mga TagaColosas 3:22

Mga ulipon, tumana ro tanan nga ginasugo kinyo ku inyong mga amo iya sa kalibutan. Tumana sanda nga hantop sa inyong tagipusuon dahil sa inyong pagtaha sa Ginuo, bukon it nagatuman eang kamo kon nagatan-aw sanda agod anda kamo nga dayawon.

1 Timoteo 6:2

Ro mga ulipon nga ro andang mga amo hay tumueuo man, indi nanda dapat pagbaliwalaon ro andang mga amo ay magmaeanghod sanda sa pagtuo. Mas kapin pa gid ngani nga dapat nanda nga serbihan it mayad ro andang amo, tungod ro nagapanipueos sa andang serbisyo hay tumueuo nga palangga it Dyos. Tud-an ro akon ngara nga mga ginabilin kimo ag ipatuman gid sa mga tumueuo inha.

Mga Hebreo 3:1

Ngani mga igmanghod ko nga ginpaeain it Dyos nga mangin anang balaan nga mga katawhan, kamo nga parehas man kakon nga gintawag it Dyos agod mangin kaibahan nana idto sa eangit, paino-inoha gid ninyo it mayad si Jesus. Imaw ro ginpadaea iya it Dyos ag imaw man ro atong ginakilaea nga Pinakapinuno nga Saserdote ku doktrina nga atong ginatuuhan.

1 Juan 5:1

Ro mga nagatuo nga si Jesus hay ro Maneueuwas nga ginpromisa it Dyos hay mga unga it Dyos. Ro mga nagahigugma sa Ama hay nagahigugma man sa rato nga anang ginakabig nga anang mga unga.