Filemon 1:14 - Inkeanon

¹⁴ Pero owa ko imaw paghawiri ay owa pa ako kaeaong kimo. Gusto ko nga ro imong pagbulig kakon hay dahil naila ka ma't-ing magbulig, ag bukon it dahil nga hapilitan ka eang.

Filemon 1:14 Iomraidhean Croise

1 Corinto 9:17

Kon ro pagwali ngara hay akon ea't-a nga ginpili nga akong trabaho hay bagay eang nga swelduhan ako. Pero ginahimo ko't-a ra dahil gintugyan ra kakon it Dyos.

1 Corinto 9:7

Halimbawa lang abi sa soldado. May soldado baea nga imaw mismo ro nagagasto para sa anang pagserbisyo? O may mangunguma baea nga ginabawaean nga magkaon ku anang tubas? O may manogbantay baea it karnero nga ginabawaean nga mag-inom it gatas ku anang mga ginaalilaan?

2 Corinto 1:24

Ro among pagbilin kinyo hay bukon it pagdominar kinyo kon ano ro inyong dapat tuuhan dahil malig-on eon kamo dikaron. Pero ginabilin namon kamo bilang mga katimbang ninyo agod malipay gid kamo sa inyong pagsunod sa Ginuo.

2 Corinto 8:12

Kon magtao kita suno sa atong masarangan hay nalipay ro Dyos karon basta nagatao kita dahil nga gusto gid naton ron nga himuon. Owa ma't-a ro Dyos nagapaabot it indi naton masarangan.

2 Corinto 9:5

Ngani naisip ko nga mas mayad nga umuna eon lang sanday Tito inha agod ro inyong gintug-an nga amot hay haom eon bago ako inha mag-abot. Kon makaruyon hay gapakita nga ro inyong pagtao hay hantop gid sa inyong tagipusuon ag bukon eang it dahil nga hapilitan kamo.

2 Corinto 9:7

Kon magtao kita hay dapat nga isipon anay naton kon man-o ro nailaan natong itao nga may kalipay it buot. Bukon it mayad nga nagatao ro sangka tawo ag pagkatapos hay nasubo imaw ay gintao nana rato o ginaisip nana nga ginpilit imaw. Nalipay gid abi ro Dyos sa nagatao nga may kalipay.