Filemon 1:1 - Inkeanon

¹ Raya nga sueat hay halin kakon nga si Pablo nga napriso tungod sa akong pagwali parti kay Kristo Jesus, ag halin man ra kay Timoteo nga atong igmanghod sa pagtuo. Nagasueat kami kimo, Filemon, amon nga palangga nga amigo ag kapareho namon sa pagserbi sa Ginuo.

Filemon 1:1 Iomraidhean Croise

Mga Binuhatan 16:1

Nagpadayon sanday Pablo sa andang pagpamanawon ag nakaabot sanda sa Derbe. Halin idto hay nag-adto sanda sa Listra. Idto sa Listra nagaistar ro isaeang ka sumueunod it Ginuo nga si Timoteo ro ngaean. Ro anang ina hay tumueuo man nga Judio pero ro anang ama hay bukon it Judio.

1 Corinto 3:9

Paeareho kami ni Apolos nga nagaserbi sa Dyos. Ag kamo nga among ginatud-an hay ikahalimbawa sa katamnan it Dyos ag sa ana man nga bilding nga anang ginapatindog.

2 Corinto 1:1

Raya nga sueat hay halin kakon nga si Pablo nga sa pagbuot it Dyos hay ana nga ginpili nga mangin *apostol ni Kristo Jesus ag halin man ra kay Timoteo nga atong igmanghod sa pagtuo. Nagasueat kami kinyo nga mga katawhan it Dyos inha sa Corinto ag sa tanan nga ginpaeain it Dyos nga mangin anang katawhan inha sa probinsya it Acaya.

Mga TagaGalacia 3:26

Ngani tungod sa inyong pagtuo kay Kristo Jesus hay mga unga eon kamo tanan it Dyos.

Mga TagaEfeso 3:1

Ngani dahil karon tanan, ako nga si Pablo nga iya sa prisuhan dahil sa pagserbi kay Kristo Jesus sa pagwali kinyo nga mga bukon it Judio (hay nagapangamuyo sa Dyos para kinyo).

Mga TagaEfeso 4:1

Ngani ako nga ginpriso tungod sa akong pagserbi sa Ginuo hay nagahinyo nga magkabuhi kamo nga bagay sa mga tinawag it Dyos nga mangin anang mga katawhan.

Mga TagaEfeso 6:20

Ginpili ako ni Jesu-Kristo nga mangin mensahiro ku rayang Mayad nga Balita, ag dahil sa akong pagwali karon hay iya ako sa prisuhan makaron. Ngani pangamuyui ninyo ako nga mangin maisog sa akong pagwali, ay dapat ko ron nga obrahon.

Mga TagaFilipos 1:1

Rayang sueat hay halin kamon nga si Pablo ag Timoteo nga mga ulipon ni Kristo Jesus. Nagasueat kami kinyo tanan nga mga katawhan it Dyos nga anang ginpaeain nga may maeueot nga kaangtanan kay Kristo Jesus inha sa syudad it Filipos, ag pati man sa inyong mga manogdumaea ag sa andang mga manogbulig.

Mga TagaFilipos 2:25

Pero nagdesisyon ako nga dapat nga pabalikon ko inha ro atong igmanghod nga si Epafroditus, nga inyong ginpaadto iya agod magbulig kakon sa akong mga kinahangeanon. Kaibahan ko imaw sa pagserbi sa Dyos ag sa pagpangapin ku Mayad nga Balita.

Mga TagaFilipos 4:3

Ag ikaw, Susugos, tindugi ro kahueugan ku imong ngaean sa pagbulig sa mga bayi ngaron inha nga magkaeasugot. Nagpangabudlay gid ron sanda kaibahan nakon sa pagpaeapnaag ku Mayad nga Balita, kaibahan nanday Clemente ag ku iba pa nga kapareho nakon nga nagaserbi sa Ginuo. Ginsueat eon it Dyos ro anda tanan nga ngaean sa listahan ku mga gintaw-an it kabuhi nga owa it katapusan.

Mga TagaColosas 1:1

Raya nga sueat hay halin kakon nga si Pablo nga sangka *apostol ni Kristo Jesus suno sa pagbuot it Dyos. Kaibahan ko sa pagsueat kara, si Timoteo nga aton nga igmanghod sa pagtuo.

Mga TagaColosas 4:11

Ginakumusta man kamo ni Jesus nga ro apilyido hay Justus. Sanday Aristarcus, Marcos, ag Jesus gid lang ro mga Judio nga kaibahan ko iya sa pagturo parti sa paghari it Dyos. Nagbaskog gid ro akon nga buot dahil sa bulig ku tatlo ngara.

1 Tesalonica 3:2

ag paadtunon inha kinyo si Timoteo. Igmanghod naton ra imaw sa pagtuo ag kapareho man namon nga nagaserbi sa Dyos sa pagwali it Mayad nga Balita parti kay Kristo. Ginpaadto namon imaw inha kinyo agod buligan kamo nga maglig-on pa gid ro inyong pagtuo,

2 Tesalonica 1:1

Raya nga sueat hay halin kamon nga sanday Pablo, Silvanus, ag Timoteo. Nagasueat kami kinyo nga grupo it mga tumueuo inha sa Tesalonica nga may maeueot nga kaangtanan sa Dyos nga atong Ama ag kay Ginuong Jesu-Kristo.

2 Timoteo 1:8

Ngani indi ka magkahuya nga magpamatuod parti sa atong Ginuo, ag indi mo man ako igkahuya nga iya ginpriso dahil sa akong pagwali parti kana, kundi paagi sa gahom it Dyos nga anang ginatao katon hay dapat nga pareho ka kakon nga haom mag-antos dahil sa pagwali ku Mayad nga Balita.

Filemon 1:23

Ginakumusta ka ni Epafras nga kaibahan ko iya sa prisuhan dahil sa among pagserbi kay Kristo Jesus.

Filemon 1:24

Ginakumusta ka man ku akong mga kapareho nga nagaserbi sa Ginuo nga sanday Marcos, Aristarcus, Demas ag Lucas.

Filemon 1:9

ugaling dahil palangga ko ikaw hay mangabay eang ako. Nagapangabay ako kimo bisan ako si Pablo nga tigeawas ni Kristo Jesus, ag napriso dahil sa akong pagserbi kana.