3 Juan 1:8 - Inkeanon

⁸ Ngani dapat kita mismo nga mga tumueuo ro magasuporta kanda, agod mangin kabulig nanda kita sa andang ginaobra nga pagsugid ku matuod nga mensahi parti kay Kristo.

3 Juan 1:8 Iomraidhean Croise

Mateo 10:14

Kon mag-adto kamo sa sangka lugar o baeay ag indi sanda magbaton ag magpamati kinyo, aywani sanda. Ag kon maghalin kamo sa lugar ngaron, pagpaga ro tapu-tapu sa inyong mga siki bilang tanda nga, sa mata it Dyos, ro mga tagaidto hay pareho it mga tawo nga owa nagakilaea kana.

Mateo 10:40

Naghambae pa gid si Jesus, “Ro nagabaton kinyo hay sa minatuod, ako't-a ro andang ginabaton, ag ro nagabaton kakon hay sa minatuod, ro nagpaadto't-a iya kakon ro andang ginabaton.

Lucas 11:7

Masabat man ro anang amigo nga idto sa sueod it baeay, ‘ayaw eon abi mana ako pag-isturbuha, mig. Nakapanarangka eon abi mana kami. Ag isaea pa hay hibugtaw 't-a mana rang mga unga kon bumangon pa ako ag taw-an ta ku ing kinahangean. Malisod eo't-a mana ron.’

2 Corinto 6:1

Bilang mga katuwang it Dyos sa anang bueuhaton, ginahinyo namon kamo nga ayaw ninyo pagbaliwalaa ro anang sobrang kabuot nga inyong haagyan. Kon baliwalaon abi ninyo ro anang sobrang kabuot kinyo hay mangin owa ron it pueos.

2 Corinto 8:23

Kon parti ma't-a kay Tito hay kaibahan ko ron imaw ag katimbang sa pagserbi kinyo. Ro anang mga kaibahan ma't-a ngaron hay mga tigeawas ku mga grupo it mga tumueuo iya ag paagi kanda hay ginapinadunggan si Kristo.

Mga TagaFilipos 4:3

Ag ikaw, Susugos, tindugi ro kahueugan ku imong ngaean sa pagbulig sa mga bayi ngaron inha nga magkaeasugot. Nagpangabudlay gid ron sanda kaibahan nakon sa pagpaeapnaag ku Mayad nga Balita, kaibahan nanday Clemente ag ku iba pa nga kapareho nakon nga nagaserbi sa Ginuo. Ginsueat eon it Dyos ro anda tanan nga ngaean sa listahan ku mga gintaw-an it kabuhi nga owa it katapusan.

Mga TagaColosas 4:11

Ginakumusta man kamo ni Jesus nga ro apilyido hay Justus. Sanday Aristarcus, Marcos, ag Jesus gid lang ro mga Judio nga kaibahan ko iya sa pagturo parti sa paghari it Dyos. Nagbaskog gid ro akon nga buot dahil sa bulig ku tatlo ngara.

1 Tesalonica 3:2

ag paadtunon inha kinyo si Timoteo. Igmanghod naton ra imaw sa pagtuo ag kapareho man namon nga nagaserbi sa Dyos sa pagwali it Mayad nga Balita parti kay Kristo. Ginpaadto namon imaw inha kinyo agod buligan kamo nga maglig-on pa gid ro inyong pagtuo,

Filemon 1:2

Kumusta man kay Afia nga aton nga igmanghod sa pagtuo, kay Arkipus nga pareho man namon nga matsa soldado ni Kristo, ag sa grupo it tumueuo nga nagatililipon agod magsimba inha sa imong baeay.

Filemon 1:24

Ginakumusta ka man ku akong mga kapareho nga nagaserbi sa Ginuo nga sanday Marcos, Aristarcus, Demas ag Lucas.

3 Juan 1:10

Ngani kon mag-adto ako inha hay akon nga ihathat kinyo nga mga tumueuo ro mga maeain ag pinuril nga mga ginapanghambae nana parti kamon. Ag owa pa imaw makuntento sa anang gin-obra ngaron. Owa man nana ginapasakaa sa anang baeay ro atong mga igmanghod nga gaadto inha kinyo. Ginabawaean man nana ro mga tumueuo inha nga magpasaka kanda, ag ana nga ginasuboe sa grupo it mga tumueuo ro gusto nga magpasaka kanda.

3 Juan 1:7

Dapat gid man sanda nga buligan sa andang pagpanaw agod magwali parti kay Jesus nga dungganon nga Maneueuwas, ay owa sanda nagapangayo it bulig halin sa mga owa nagatuo sa Dyos.

3 Juan 1:9

Nagsueat eon ako kinyo nga mga tumueuo inha, pero owa ginatahura ni Diotrefes ro among pagdumaea. Gusto ma't-a abi nana hay imaw gid-a ro magdumaea.