3 Juan 1:6 - Inkeanon

⁶ Sanda mismo ro nagsugid sa mga tumueuo riya ku imong paghigugma kanda. Kabay pa nga padayunon nimo ro pagbulig sa mga nagaserbi sa Dyos sa andang pagpamanawon, ay ruyon ro nagakabagay nga obrahon kanda.

3 Juan 1:6 Iomraidhean Croise

Mga Binuhatan 15:29

Indi kamo magkaon it karne nga ginhaead sa diyos-diyos. Indi kamo magkaon it dugo o karne nga owa hapadugo. Indi man kamo dapat maghulid sa bukon ninyo it asawa. Para sa inyong kamaeayran ro inyong pagtuman ku mga raya ngara. Hasta lang rikara.”

Mga Binuhatan 15:3

Ginpapanaw dayon sanda it mga tumueuo. Idto sanda nag-agi sa mga probinsya it Fenicia ag Samaria ag ginsinugid nanda it maid-id sa mga tumueuo sa mga kabanwahan nga andang maagyan kon paalin nagtalikod sa andang dating ginasimba ro kaabo-abo nga bukon it Judio sa sari-saring mga lugar ag nagtuo eon kay Jesus. Nalipay gid ro tanan nga kaigmanghuran sa pagtuo nga nakabati kato.

Mga Binuhatan 21:5

Pero pagkatapos it pitong adlaw ngato hay nagpadayon 't-a gihapon kami sa among pagpamanawon. Ginhatod kami ku mga tumueuo ngato pati ku andang mga asawa ag mga unga idto sa baybay sa guwa it syudad. Pag-abot namon idto hay nageuhod kami ag nagpangamuyo.

Mga TagaRoma 15:24

May plano ako nga magpaEspanya ag kon madayon ako hay kabay pa nga makahapit ako inha kinyo. Bisan indi ako katenir it mabuhay inha hay gakasadya ako sa atong pag-ililiba, ag kon puydi hay mabuligan ninyo ako sa akong mga kinahangean kon magdiritso eon ako sa Espanya.

2 Corinto 1:16

Ro akong dati nga plano hay maghapit kunta inha kinyo kon magpaMacedonia ako ag kon maghalin eon ako sa Macedonia hay mahapit pa gid kunta ako inha it uman. Ag kon magpaJudea eon ako halin inha kinyo hay basi puydi ninyo ako mabuligan sa akon nga mga kinahangeanon sa pagbiyahe.

Mga TagaFilipos 4:14

Pero mayad man gihapon nga inyo ako nga gin-unungan sa akong kalisod.

Mga TagaColosas 1:10

Dahil kon itugot nana ra, magakabuhi kamo nga bagay sa mga sumueunod it Ginuo ag ro tanan ninyo nga ginaobra hay makapalipay kana. Ginapangamuyo man namon nga makahimo kamo permi it tanan nga mayad nga buhat, ag makilaea pa gid ninyo it mayad ro Dyos.

1 Tesalonica 2:12

Ginpinabakod namon ro inyong buot, gin-inaeam-aeaman kamo ag permi namon nga ginbilinan nga magkabuhi it bagay sa mga katawhan it Dyos. Imaw ro Dyos nga gatawag ag gatapoe kinyo sa anang mga sinakpan ag mag-ambit sa anang kadungganan.

Tito 3:13

Obraha ro tanan agod mabuligan si Apolos ag ro abogado nga si Zenas kon gapanaw eon sanda. Pabaeunan mo sanda agod owa it kueang sa andang kinahangeanon sa andang pagpamanawon.

1 Pedro 2:20

Pero indi kamo pagpadunggan kon ro rason nga nagatiis kamo it pagsakit kinyo hay dahil may inyo ma't-ang haobrang saea. Ugaling kon nagatiis kamo it pagsakit bisan mayad ro inyong ginhimo hay ruyon ro mayad sa panan-aw it Dyos.

3 Juan 1:12

Si Demetrius ma't-a hay ginahambae ku tanan nga nakakilaea kana nga mayad imaw nga tawo. Makita gid ro anang kamayad sa anang pagtuman sa matuod nga mensahi. Kami mismo riya hay makapamatuod ku anang kamayad, ag sayod ka man nga matuod ro amon nga ginahambae.