3 Juan 1:5 - Inkeanon

⁵ Pinalangga ko nga amigo, ginapakita mo ro imong pagkamatutom kada magbulig ka sa imong mga igmanghod sa pagtuo, bisan owa mo sanda hakilaea.

3 Juan 1:5 Iomraidhean Croise

Mateo 24:45

Naghambae pa gid si Jesus, “Isipa ninyo kon pareho kamo it isaeang ka matutom ag maaeam nga sueuguon nga ginbutang ku anang amo nga magdumaea ku iba pa nga mga sueuguon ag magpakaon kanda sa tamang oras.

Mateo 25:16

Ro gintugyanan it limang ka talanton hay nagnegosyo eagi ag nakaginansya imaw it lima man.

Lucas 12:42

Nagsabat ro Ginuo, “Isipa ninyo kon pareho kamo it isaeang ka matutom ag maaeam nga mayordomo nga ibutang ku anang amo nga magdumaea sa iba pa nga mga sueuguon ag magpakaon kanda sa tamang oras.

Mga Binuhatan 1:15

Kaisaea kato, tag may mga 120 nga mga tumueuo nga nagatililipon idto hay nagtindog si Pedro ag naghambae,

Mga TagaRoma 12:13

Buligi ninyo permi ro inyong mga kapareho nga katawhan it Dyos nga ginakueang ag abi-abiha ninyo ag padayunon sa inyo ro nagakinahangean it madayunan.

Mga TagaGalacia 6:10

Ngani indi gid naton pagpataliwanon ro kahigayunan nga makahimo it mayad sa tanan nga tawo, eabi gid sa mga kapareho naton nga mga tumueuo.

Mga TagaColosas 3:17

Ag bisan ano ro inyong ginaobra ag ginahambae hay dapat nga nagapakita nga mga sumueunod kamo ni Ginuong Jesus ag pasaeamati permi ro Dyos nga Ama dahil sa ginhimo kinyo ni Jesus.

Mga Hebreo 13:2

Ayaw kamo mag-isaea-daywa nga abi-abihon ag padayunon sa inyong panimaeay ro mga estranghero, dahil may naghimo karon ag ro anda 't-a gali nga hadipara hay mga anghel.

3 Juan 1:10

Ngani kon mag-adto ako inha hay akon nga ihathat kinyo nga mga tumueuo ro mga maeain ag pinuril nga mga ginapanghambae nana parti kamon. Ag owa pa imaw makuntento sa anang gin-obra ngaron. Owa man nana ginapasakaa sa anang baeay ro atong mga igmanghod nga gaadto inha kinyo. Ginabawaean man nana ro mga tumueuo inha nga magpasaka kanda, ag ana nga ginasuboe sa grupo it mga tumueuo ro gusto nga magpasaka kanda.

3 Juan 1:3

Nalipay gid ako it duro pag-abot riya ku ibang mga kaigmanghuran sa pagtuo, ay ginsugid nanda nga hugot gid ro imong pagpati sa matuod nga mensahi it Dyos, ag nagakabuhi ka suno sa rayang mensahi.